HEBREOS 8:2 - Chatino Tataltepec

² Ndu'ni Ni cña ca sca se'i̱ su tacati tsa nu ngüiñá ycui' Ndyosi; si'i ñati̱ chalyuu ti nu ngüiñá ji'i̱, cha' laca bi' ñi'ya̱ nu ngua ti' ycui' Ndyosi cha' caca.

HEBREOS 8:2 ပူးပေါင်းရင်းမြစ်များ

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

ROMANOS 15:8

Cua ñaa Cristo cha' cua'ni lyaá yu ji'i̱ ngu' judío, ñi'ya̱ nu ngüiñi cha' ji'i̱ ycui' Ndyosi lo'o jyo'o cusu' ji'i̱ ya sa'ni la; caca cuayá' ti' na jua'a̱ cha' liñi tsa cha' nu nda Ni lo'o jyo'o cusu' bi'.

2 CORINTIOS 5:1

Jlo ti' na cha' ñi'ya̱ nti' sca ni'i̱ canta' ti, jua'a̱ nti' cuaña' na, cha' si cua ngujuii na ni, cua ndye cuaña' na nguti̱. Pana cua ngua'ni cho'o ycui' Ndyosi chaca ni'i̱ nu tyacua ji'na, chaca cha' laca bi'; ycui' Ndyosi xcutsa'a̱ tyucui ña'a̱ na, lo'o ná nga'a̱ cha' tye cha' ji'na tsiya' ti li'. Ca su ntucua ycui' Ndyosi laca cha' bi', si'i ñati̱ nu cuiñá ni'i̱ bi'.

COLOSENSES 2:11

La cui' jua'a̱ xqui'ya Cristo cua ngulacua̱ Ni ji'i̱ ma̱; ni si'i na ngusi'yu lo quiji̱ ma̱ lo'o ngulacua̱ ma̱ ñi'ya̱ nu ndu'ni ngu' judío lo'o sñi' ngu', ycui' Cristo ngulacua̱ ji'i̱ ma̱ lo'o cua ngua'ni lyaá Ni ji'i̱ ma̱ ji'i̱ qui'ya nu ntsu'u ji'i̱ ma̱ nde chalyuu.

HEBREOS 10:11

Nu ngu' sti jo'ó ji'i̱ ngu' judío ni, lcaa tsa̱ ndu̱ ngu' bi' ndu'ni ngu' cña cha' sta ngu' la cui' tya'a msta̱ slo ycui' Ndyosi, masi tyu̱u̱ quiya' sca yija̱; ná ntsu'u su tye cha' sta ngu' msta̱ bi', jua'a̱ ni sca quiya' ná ngua cati̱ qui'ya nu ntsu'u ji'i̱ ñati̱ lo'o msta̱ bi'.

HEBREOS 10:21

Cua ntsu'u cha' ji'na lo'o nu Jesús bi', nu sti jo'ó nu laca loo la, cha' ycui' laca nu ndi'ya cña loo ji'i̱ lcaa na cuentya ji'i̱ ycui' Ndyosi Sti yu.

HEBREOS 11:10

Jlya ti' Abraham cha' nde loo la cua'ni cho'o ycui' Ndyosi chaca se'i̱ su tso'o la tyi'i̱ yu, nu ná culiji tsiya' ti; cuiñá ycui' Ndyosi ña'a̱ tsaca quichi̱ bi'.

HEBREOS 9:1

Nu cha' cusu' nu cua nda Ni lo'o ngu' Israel nu ngua li', nchcui' bi' ñi'ya̱ cua'ni ngu' lo'o ngua'ni tlyu ngu' ji'i̱ ycui' Ndyosi. Lo'o jua'a̱ cua ntsu'u sca ni'i̱ nu tacati ji'i̱ ngu', su ngua'ni tlyu ngu' bi' ji'i̱ Ni, masi ñati̱ ti ngua ngu' nu ngüiñá ni'i̱ bi';

APOCALIPSIS 21:3

Cui̱i̱ tsa nchcui' sca nu ndu̱ cacua ti su tlyu ca su ntucua ycui' Ndyosi li': ―Ca juani ntucua tyi ycui' Ndyosi la cui' ca su ndi'i̱ ñati̱ nu ngusñi cha' ji'i̱ Ni nde chalyuu. Tyi'i̱ ycui' Ni ca su ndi'i̱ ñati̱ ji'i̱ Ni li'; jua'a̱ caca ngu' bi' ñati̱ ji'i̱ ycui' Ni, caca ycui' Ni loo ji'i̱ ngu' bi' li'.