Pana laja lo'o nchcui' Pedro, li' ndu'u tucua sca coo nu ngati̱ tsa ña'a̱, nu ndubi tsa ña'a̱, ngüixi̱i̱ chu̱' ngu', tyucui ña'a̱ su ndu̱ ngu'. Li' nguañi xtyi'i sca ñati̱. Hora ti ngua cuayá' ti' ngu' bi', cha' nchcui' ycui' Ndyosi lo'o ngu' laja coo bi': ―La cui' yu re laca Sñi' na', tyaca'a tsa yu 'na ―nacui̱ Ni―. Tso'o tsa ntsu'u tyiquee na' ña'a̱ na' ji'i̱ yu. Cua'a̱ tso'o jyaca̱ ma̱ ji'i̱ lcaa cha' nu chcui' Sñi' na' re lo'o ma̱.
HEBREOS 5:9 - Chatino Tataltepec9 Tiya' la li', lo'o cua ngua lcaa cha' ji'i̱ Jesús cha' cua ngua'ni yu cña nu cua nda ycui' Ndyosi ji'i̱ yu cha' cua'ni yu, tya li' ntucua quiya' cha' cua'ni lyaá Jesús ji'i̱ cua ña'a̱ ca ñati̱ chalyuu nu tyaja'a̱ cua'a̱ jyaca̱ ji'i̱ cha' nu cua nchcui' yu lo'o; ná tye tsiya' ti cha' cua'ni lyaá Ni ji'na ji'i̱ cha' cuxi nu ntsu'u ji'na. အခန်းကိုကြည့်ပါ။ |
HEBREOS 5:9
39 ပူးပေါင်းရင်းမြစ်များ
Nchcui' Jesús lo'o ngu' bi' li': ―Yaa cacha' ma̱ cha' re ji'i̱ nu cusu' tyaala bi': “Tsa̱ juani lo'o tsa̱ quee tya tyi'i̱ na' xi chalyuu re cha' culo na' cui'i̱ cuxi nu ntsu'u ji'i̱ ñati̱, cha' cua'ni na' cha' tyaca tso'o xa' la ngu' quicha. Cuati tsa̱ nu nchca tyuna, li' tye cña nu nda ycui' Ndyosi Sti na' cha' cua'ni na'.” Jua'a̱ ñacui̱ ma̱ ji'i̱ nu cusu' bi'.
Lo'o li' ngüijña ma̱ chacuayá' cujuii ngu' ji'i̱ Jesús, masi ycui' Jesús laca nu nda chalyuu nu ná nga'a̱ cha' tye ji'i̱ ñati̱. Li' ngua'ni ycui' Ndyosi cha' ndyu'ú Jesús chaca quiya' lo'o cua ngujuii yu. Jlo ti' ya cha' chañi laca cha' cua ndyu'ú yu chaca quiya', cha' cua na'a̱ ya ji'i̱ yu ña'a̱ lu'ú ti yu chaca quiya'.
Cha' liñi nchcui' ya lo'o ma̱ cha' cua na'a̱ ya ji'i̱ ycui' Jesús bi'. Cua nda ycui' Ndyosi Xtyi'i ycui' Ni cha' tyanu ne' cresiya ji'i̱ lcaa ñati̱ nu ndu'ni cña nu ngulo Ni ji'i̱ ngu'. Lo'o jua'a̱ Xtyi'i ycui' Ndyosi laca nu ndu'ni cha' taca ca jlo ti' ya cha' chañi laca cha' ji'i̱ Jesucristo nu nclyu'u ya ji'i̱ lcaa ñati̱.
Tso'o tsa ngua'ni ycui' Ndyosi lo'o na' xqui'ya Jesucristo. Cua ngulo Ni cña jna' cha' tsa'a na' tyucui ña'a̱ chalyuu mala su ndi'i̱ ñati̱; chacuayá' ji'i̱ ycui' Ni tsa'a na' chcui' na' cha' tso'o ji'i̱ ycui' Ndyosi lo'o ñati̱. Nti' Ni cha' caja ñati̱ ji'i̱ ycui' Ni lcua ti se'i̱, ñati̱ nu xñi cha' ji'i̱ ycui' Ni, ñati̱ nu taquiya' ji'i̱ cha' nu nchcui' Ni.
Pana nu ñati̱ cuxi ni, nu xcui' cha' ji'i̱ ycui' ca ngu' ntsu'u tyiquee ngu', tlyu tsa cha' ti'í ta Ni ji'i̱ ngu' bi'; ñasi̱' tsa ycui' Ndyosi ji'i̱ lcaa ngu' bi', cha' ná ntaja'a̱ ngu' taquiya' ngu' tsiya' ti ji'i̱ lcaa cha' liñi nu nclyu'u Ni ji'i̱ ngu', cha' ndijña tsa ti' ngu' ji'i̱ cua ña'a̱ ca cha' cuxi nu ña'a̱ ngu'.
Tso'o tsa nti' na' cha' tyucui tyiquee ma̱ ndyu'ni ma̱ cña ji'i̱ ycui' Ndyosi, tsa ña'a̱ cha' nu ngulu'u ngu' ji'i̱ ma̱. Nu cha' cuxi, bi' laca nu ngua loo ji'i̱ ma̱; pana lo'o cua ngulaá ma̱ ji'i̱ nu cuxi bi', li' nguxana ma̱ ndu'ni ma̱ cña cha' caja chaca chalyuu su caca lubii cresiya ji'i̱ ma̱, cha' ycui' Ndyosi laca loo ji'i̱ ma̱ juani.
Ntsu'u cha' tyiji̱loo na ji'i̱ lcaa cha' cuiñi nu nchcui' ngu' ji'i̱ Cristo; jua'a̱ ntsu'u cha' tyiji̱loo na ji'i̱ lcaa cha' cuxi nu tiji̱' tsa ti' ngu' ji'i̱, nu ndaca'a tsa ji'i̱ ngu' cha' ná xñi ngu' cha' ji'i̱ ycui' Ndyosi. Nu lo'o cua nguxtyanu ngu' ji'i̱ lcaa cha' cuxi bi', li' taca cua'ni na cha' taquiya' ngu' ji'i̱ cha' nu ntsu'u ji'i̱ Cristo.
Cu'ma̱ ngu' tya'a na nu tyaca'a tsa ma̱ 'na, cua ndaquiya' tsa ma̱ ji'i̱ cha' nu nchcui' na' lcaa tsa̱ lo'o nguti'i̱ na' lo'o ma̱; ña'a̱ ti tya ndulo tsa cha' ji'i̱ ma̱ cha' taquiya' la ma̱ ji'i̱ cha' nu nchcui' na', masi tyijyu' tsa nga'a̱ na' ca su ndi'i̱ ma̱ juani. Ña'a̱ ti cua'ni cña ti' ma̱ cha' caca lyiji lcaa cha' nu ngua ti' ycui' Ndyosi cua'ni Ni ne' cresiya ji'i̱ ma̱ lo'o ngua'ni lyaá Jesucristo ji'i̱ ma̱. Xti ti cha' tyu'u tyiquee ma̱ cuentya ji'i̱ ycui' ma̱, pana cube la ti' ma̱ ji'i̱ ycui' Ndyosi.
Ndi'ya̱ nti' na' cha' cua'ni Ni lo'o ma̱, masi Jesucristo nu Xu'na na, masi ycui' Ndyosi Sti na: cua'ni Ni cha' caca nguula ti' tyiquee ma̱, cha' caja juersa ji'i̱ ma̱, cha' taca cua'ni ma̱ cua ña'a̱ ca cha' tso'o, cha' xcui' cha' tso'o chcui' ma̱ lo'o tya'a ma̱. Ntsu'u tsa tyiquee ycui' Ni ña'a̱ Ni ji'na, bi' cha' tso'o tsa ndu'ni Ni lo'o na, cha' ti̱ ti tyi'i̱ tyiquee na lcaa hora laja lo'o ntajatya na ji'i̱ ycui' Jesús cha' ca̱a̱ Ni.
bi' cha' talo tyiquee na' ji'i̱ ngu', masi nchcube' tsa ngu' jna'. Talo na' ji'i̱ cha' cuxi bi' cuentya ji'i̱ ca ta'a ñati̱ nu ngusubi ycui' Ndyosi ji'i̱, cha' lo'o ñati̱ bi' ngua'ni lyaá Jesucristo ji'i̱, cha' caja chalyuu nu ná nga'a̱ cha' tye ji'i̱ ñati̱ bi'. Caca tyi'i̱ ngu' bi' ca slo ycui' Ndyosi su tso'o tsa ña'a̱ lcaa cha'.
Lcaa nu laca xca̱ ji'i̱ ycui' Ndyosi nde cua̱ ni, lcaa tsa̱ ndu'ni bi' cña nu nclyo ycui' Ndyosi ji'i̱; cui'i̱ nu tso'o tsa laca nu ngu' xca̱ bi'. Nda Ni ji'i̱ ngu' xca̱ bi' ca̱a̱ nde chalyuu, cha' xtyucua ngu' ji'i̱ ca ta'a ñati̱ nu cua clyaá ti ji'i̱ nu cuxi xqui'ya Jesús, cha' cua ngulala ti tye chalyuu.
Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.
Clyo ngüiñá ycui' Ndyosi lcaa ca na nu ntsu'u chalyuu, jua'a̱ tya ña'a̱si̱i̱ Ni lcaa na; lo'o jua'a̱ nti' Ni cha' tyalaa ca ta'a na nu laca na sñi' Ni ca su tso'o tsa ca su ntucua ycui' Ni. Bi' cha' clyo ndulo tsa cha' ji'i̱ Ni cha' tye lcaa cña nu ngua'ni Jesucristo; lo'o nu juani cua ngulaá na ji'i̱ nu cuxi xqui'ya Jesús, masi ti'í tsa ngua ti' yu lo'o ngua'ni yu cña bi'.
La cui' ti cha' caca ji'na juani, si ná taquiya' na ji'i̱ cha' nu cua ndyuna na bi', cha' clyaá na ji'i̱ nu cuxi; ná caja ñi'ya̱ clyaá na ji'i̱ ycui' Ndyosi lo'o cua ndye chalyuu, nu lo'o cua'ni cuayá' Ni ji'i̱ lcaa ñati̱. Clyo ndacha' ycui' Jesús nu Xu'na na cha' bi' ji'i̱ ñati̱ nu ngua tsa'a̱ ji'i̱ yu, jua'a̱ ndyuna ngu' bi' cha' nu nchcui' yu; tiya' la li', lo'o ji'na ndacha' ngu' bi' cha' bi'. Bi' cha' jlo ti' na cha' chañi laca cha' bi'.
Ndi'ya̱ ña'a̱ cña nu ngua'ni Cristo cuentya ji'na, nu lo'o ndyaa Ni la cui' ca su tacati tsa ca su ntucua ycui' Ndyosi: ná nguta'a̱ Ni lo'o tañi chivo lo'o tañi chqueru, cha' scui̱ Ni tañi bi' nde slo ycui' Ndyosi cha' cati̱ qui'ya nu ntsu'u ji'na; pana ngujuii Cristo lo crusi, ndye tañi ycui' yu ndyalú cuentya ji'i̱ qui'ya nu ntsu'u ji'na. Bi' cha' sca ti quiya' tsiya' ti ngua'ni lyaá Cristo ji'na, lo'o jua'a̱ ná nga'a̱ cha' tye cha' ngulaá na ji'i̱ nu cuxi, xqui'ya cña nu ngua'ni Ni cuentya ji'na.
Bi' cha' lacua, Cristo laca nu ngüiñi sca cha' cucui ji'i̱ ycui' Ndyosi lo'o ñati̱ chalyuu, masi lo'o cua ña'a̱ ca ñati̱ nu cua ngusubi ycui' Ndyosi ji'i̱. Jua'a̱ ngua'ni Cristo, nu lo'o ngujuii yu, cha' jua'a̱ ngulaá na ji'i̱ lcaa cha' cuxi nu ngua'ni na lo'o tya ndaquiya' tsa na ji'i̱ cha' cusu' bi'. Nu juani taca tyacua lcaa cha' nu cua nacui̱ ycui' Ndyosi Sti na ji'na cha' tyacua ji'i̱ lcaa ngu' nu ngusubi Ni ji'i̱; ná nga'a̱ cha' culiji yu'u cha' bi' ji'na tsiya' ti.
lo'o jua'a̱ Cristo, sca ti quiya' ngujuii yu lo crusi, cha' jua'a̱ ngüityi̱ yu qui'ya nu ntsu'u ji'i̱ quiña'a̱ tsa ñati̱. Tya ca̱a̱ Cristo chaca quiya' ca tiya' la; pana nga'aa si'i cha' cuityi̱ Ni qui'ya nu ntsu'u ji'i̱ ñati̱ ca̱a̱ Ni li', cha' cua ndye ngua'ni Ni cña bi'. Li' cua'ni lyaá lyiji Ni ji'i̱ lcaa ñati̱ nu ntajatya tsa ji'i̱ Ni, ña'a̱ cuayá' nu ca̱a̱ Ni chaca quiya'.
Xqui'ya cha' nxtyucua Xtyi'i ycui' Ndyosi ji'i̱ ma̱, na cua ndaquiya' ma̱ ji'i̱ cha' liñi nu nda ycui' Ndyosi lo'o na, bi' cha' ngua lubii cresiya ji'i̱ ma̱; juani taca caca tso'o tyiquee ma̱ ña'a̱ ma̱ ji'i̱ tya'a ñati̱ ma̱. Pana tyucui tyiquee ma̱ ntsu'u cha' caca tso'o tyiquee ma̱ ña'a̱ ma̱ ji'i̱ tya'a ñati̱ ma̱, si'i ñi'ya̱ ndu'ni ngu' nu ntsu'u tucua cha' tyiquee ngu' cua'ni cu'ma̱.
Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.
Bi' cha' lacua, cua'a ma̱ ji'i̱ ycui' ca ma̱; cui'ya ma̱ cuentya ñi'ya̱ nu cua'ni ma̱ nde chalyuu, cha' jlo ti' ma̱ cha' ntsu'u tsa tyiquee ycui' Ndyosi ña'a̱ Ni ji'i̱ ma̱. Jatya ma̱ ni jacua' tyalaa tsa̱ lo'o ta ycui' Jesucristo nu Xu'na na chalyuu nu ná nga'a̱ cha' tye tsiya' ti ji'na, cha' tya'na tsa ti' Ni ña'a̱ Ni ji'na.
ကြော်ငြာတွေ