HEBREOS 5:2 - Chatino Tataltepec

² Ñati̱ chalyuu ti laca sti jo'ó bi'; lo'o ycui' yu ntsu'u cha' cuxi nu ndyu'ni yu, bi' cha' tso'o ti nchcui' yu lo'o ñati̱ nu ná nduna tsiya' ti, nu ndyu'ni tsa cha' cuxi.

HEBREOS 5:2 ပူးပေါင်းရင်းမြစ်များ

SAN LUCAS 22:32

Pana cua ngüijña na' ji'i̱ ycui' Ndyosi Sti na' cha' jinu'u̱ Pedro, cha' ná tye cha' jlya ti' nu'u̱ 'na. Lo'o cua nteje tacui cha' cuxi bi' hi̱, nu lo'o xa' chcui' nu'u̱ cha' 'na, li' taca xtyucua nu'u̱ ji'i̱ xa' la tya'a ma̱ cha' tso'o la xñi ngu' cha' 'na.

2 CORINTIOS 11:30

Laja lo'o nchcui' ti na', tso'o si chcui' na' ji'i̱ lcaa cha' nu ná nda chacuayá' cha' caja juersa jna' su ntucua ycui' ti na'.

2 CORINTIOS 12:5

Pana tso'o si chcui' na' xi lo'o ma̱, cha' jua'a̱ ngua 'na tya li'; ná tso'o chcui' na' xa' la cha' cuentya ji'i̱ ycui' ca na', sca ti si chcui' la na' xi ji'i̱ scaa cha' nu ná nda chacuayá' 'na cha' caja juersa 'na su ntucua na' ycui' ti na'.

GÁLATAS 4:13

Cua jlo ti' ma̱ ñi'ya̱ ngua 'na nu lo'o nda na' cha' lo'o ma̱ tya clyo, cha' taca cua'ni lyaá Cristo ji'na; quicha tsa na' nu ngua li', bi' cha' ngua laja 'na cha' ta na' cha' bi' lo'o ma̱.

EFESIOS 4:18

talya tsiya' ti chalyuu nu ntsu'u ji'i̱ ngu' bi'; bi' cha' ná nchca ca cuayá' ti' ngu' tsiya' ti. Ná ntsu'u cha' ji'i̱ ngu' bi' lo'o chalyuu cucui nu cua nda ycui' Ndyosi ji'na cha' tyi'i̱ tso'o ti na, xqui'ya cha' ná jlo ti' ngu' bi' tsiya' ti, cha' ná ntaja'a̱ ngu' bi' xñi tyiquee ngu' sca cha' liñi.

1 TIMOTEO 1:13

Ngusubi Ni jna', masi suba' tsa nchcui' na' ji'i̱ Ni cua sa'ni la, tyempo lo'o nguxcube' na' ji'i̱ ñati̱ ji'i̱ Jesucristo; tyaala tsa na' nu ngua li'. Pana ná jlo ti' na' tyempo bi', cha' bilya xñi na' cha' tso'o ji'i̱ ycui' Ndyosi, bi' cha' ngua tya'na tsa ti' Ni jna'.

HEBREOS 12:13

Clyana la ma̱ tyucui̱i̱ liñi su tsaa ma̱, cha' ná quiñu'u̱ la tyucui̱i̱ ji'i̱ xa' la ñati̱ tya'a ma̱ nu siya' la tyiquee ngu'; cua'ni ma̱ cha' tyatí̱ la ti' tyiquee ñati̱ bi', cha' si'i na caca ñu'u̱ la ti' ngu'.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.

HEBREOS 2:18

Juani taca cua'ni lyaá Jesús ji'i̱ ñati̱ lo'o ndyojolaqui nu cuxi ji'i̱; nchca ji'i̱ yu cua'ni jua'a̱, xqui'ya cha' lo'o ji'i̱ ycui' yu ngua ti' nu cuxi cua'ni ngana ji'i̱, cha' lo'o ycui' yu ngua tii yu ji'i̱ cha' ti'í lo'o ya̱a̱ yu nde chalyuu.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.

HEBREOS 7:28

Ñati̱ chalyuu ti laca sti jo'ó nu ndu'ni cña nu cua nacui̱ jyo'o Moisés cha' caca, ñati̱ nu tya ntsu'u qui'ya ji'i̱ laca ngu' bi'; pana nu sca ti Sñi' ycui' Ndyosi ni, lubii tsiya' ti cresiya ji'i̱ Ni. Cua tyeje tacui ti tyempo cusu' lo'o ndaquiya' tsa ngu' ji'i̱ cña nu ngulo jyo'o Moisés. Bi' cha' nguane ycui' Ndyosi ji'i̱ Sñi' ycui' ca, nu Jesús bi' ni, cha' caca Ni sti jo'ó cuentya ji'na. Cua nchcui' Sti Ni lo'o Ni: “Chacuayá' ji'i̱ ycui' ca na' caca nu'u̱ sti jo'ó”, nacui̱ ycui' Ndyosi ji'i̱ Jesús.

HEBREOS 9:7

pana sca ti sti jo'ó nu laca loo nguta'a̱ ca ne' cuarto nu tacati tsa bi' ji'i̱ ngu', sca ti quiya' nguta'a̱ nu cusu' bi' sca yija̱. Lo'o tañi na'ni ndyaa nu cusu' bi' li', cha' scui̱ ji'i̱ slo ycui' Ndyosi ca ne' cuarto tacati bi', cha' jua'a̱ cuityi̱ Ni qui'ya nu ntsu'u ji'i̱ ycui' nu cusu' bi', lo'o jua'a̱ cuityi̱ Ni lcaa qui'ya nu ntsu'u ji'i̱ lcaa ngu' quichi̱, masi qui'ya nu ná nda ngu' cuentya si cha' cuxi ngua'ni ngu' nquicha', cha' cuentya ji'i̱ ycui' Ndyosi ngua'ni nu cusu' cña bi'.

SANTIAGO 5:19

Cu'ma̱ tya'a ngusñi na cha' ji'i̱ Jesús, nu lo'o ntsu'u sca ngu' tya'a ma̱ nu cua tya'a̱chu̱' ti ji'i̱ cha' tso'o ji'i̱ Jesús bi', tso'o tsa caca cha' si caca ji'i̱ scaa ma̱ chcui' tso'o ma̱ lo'o yu, cha' xñi yu cha' ji'i̱ ycui' Ndyosi chaca quiya'.

1 PEDRO 2:25

Lo'o juani nga'aa ndya'a̱ yu'u ti ma̱, ñi'ya̱ ndya'a̱ yu'u xlya'; na cua nguxtyu̱u̱ ma̱ ñaa ma̱ ca su nga'a̱ ycui' nu Xu'na ma̱ nu ña'a̱si̱i̱ ji'i̱ cresiya ji'i̱ ma̱.