HEBREOS 4:9 - Chatino Tataltepec

⁹ Lo'o juani ni, si ña'a̱ ti tya xñi tso'o na cha' ji'i̱ ycui' Ndyosi, tya taca tyi'i̱ tso'o ti na lo'o Ni li', ñi'ya̱ lo'o ngua'a̱ cña' ycui' Ni tsa̱ nchca cati bi'.

HEBREOS 4:9 ပူးပေါင်းရင်းမြစ်များ

SAN MATEO 1:21

Lo'o cala sñi' nu cuna'a̱ bi', cubi' qui'yu caca nu bi'. Lo'o xcua xtañi cubi' bi' li', bi' ca naa Jesús. Lo'o nu Jesús bi' ni, bi' laca nu cua'ni lyaá ji'i̱ ñati̱ nu ntsu'u cha' ji'i̱ lo'o ycui' Ni, cha' clyaá ngu' ji'i̱ qui'ya nu ntsu'u ji'i̱ ngu'.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

HEBREOS 11:25

tso'o la cha' stu'ba ti caja cha' ti'í ji'i̱ yu lo'o lcaa tya'a ñati̱ ji'i̱ ycui' Ndyosi, ngua ti' yu. Ná ngua ti' yu tya'a̱ yu xcui' cha' paseya ti, ni ná ngua ti' yu cua'ni yu xi cha' cuxi cha' sca hora ti ca chaa ti' ycui' ti yu;

HEBREOS 3:11

Ngua ñasi̱' tsa na' ji'i̱ ngu' bi' li', ña'a̱ cuayá' lye tsa nchcui' na' lo'o ngu' bi' li': “Nga'aa tyalaa ma̱ ca slo na' cha' tyi'i̱ tso'o ti ma̱ lo'o na'”. Jua'a̱ ntsu'u cha' nu nda ycui' Ndyosi lo'o ngu' tya li'.

HEBREOS 4:1

Cha' nu laca juani, cua nguxtyanu Ni sca cha' lo'o na, cha' taca tyalaa na ca slo Ni, cha' tyi'i̱ tso'o ti na ca bi'. Tso'o si cube ti' na ji'i̱ lcaa ngu' tya'a na, cha' ná tyu'utsu' ni tsaca ngu' ji'i̱ tyucui̱i̱ liñi nu tsaa ca su tyi'i̱ na lo'o ycui' Ndyosi.

HEBREOS 4:10

Masi tye cña ji'na nde chalyuu, tsaa na ca slo ycui' Ndyosi, li' taca tyi'i̱ tso'o ti na lo'o Ni ca bi', ñi'ya̱ nu nguti'i̱ ycui' Ndyosi lo'o ngua'ni tye Ni cña ji'i̱ Ni lo'o ngua tsa̱ nchca cati bi'.

HEBREOS 4:3

Nu lo'o ngusñi na cha' ji'i̱ Ni, li' taca tyalaa na slo ycui' Ndyosi cha' tyi'i̱ tso'o ti na ca bi'. Pana ñi'ya̱ nu nscua lo quityi re, jua'a̱ ngua cha' ji'i̱ jyo'o bi', cha' nchcui' ycui' Ndyosi ndi'ya̱: Ngua ñasi̱' na' li', nacui̱ Ni. Lye nchcui' na' ji'i̱ ngu' bi', cha' ná tyalaa ngu' bi' ca slo na', cha' ná tyi'i̱ tso'o ti ngu' ca nde. Nacui̱ ycui' Ndyosi jua'a̱, masi cua ndye lcaa cña ji'i̱ ycui' Ni tya lo'o ndya' chalyuu.

HEBREOS 4:8

Nu ngua cua sa'ni bi', ná ngua ji'i̱ jyo'o Josué tyalo'o yu ji'i̱ ñati̱ bi' sca ti quiya' ca su ndi'i̱ ycui' Ndyosi; bi' cha' tiya' la tya nda la Ni xi tyempo cha' cuna na cha' bi'.

1 PEDRO 2:10

Nu juani laca ma̱ ñati̱ ji'i̱ ycui' Ndyosi, masi nu ngua tya tsubi' la ná ntsu'u cha' ji'i̱ ma̱ lo'o ycui' Ndyosi tsiya' ti. Lo'o jua'a̱ cua nchca cuayá' ti' ma̱ juani cha' ndyu'ni tya'na tsa ti' Ni ji'i̱ ma̱, masi tya tsubi' la ná nchca cuayá' ti' ma̱ cha' ji'i̱ ycui' Ndyosi tsiya' ti.

APOCALIPSIS 14:13

Li' ndañi xtyi'i ca su ntucua ycui' Ndyosi, nchcui' sca ñati̱ lo'o na': ―Scua clya nu'u̱ cha' re: “Tso'o tsa caca tyiquee ñati̱ nu ndyijii laja lo'o ndyu'ni ngu' cña ji'i̱ ycui' Ndyosi nu Xu'na na tyempo nde loo la”. La cui' jua'a̱ laca cha' nu nda Xtyi'i ycui' Ndyosi lo'o ma̱. Nacui̱ cha' ca bi' tyi'i̱ cña' ñati̱ bi' li', cha' tso'o tsa cña nu ngua'ni ngu' lo'o ya̱a̱ ngu' chalyuu; ndiya ti' Ni cña nu ngua'ni ngu', bi' cha' tyi'u ti' ycui' Ndyosi ji'i̱ cña nu cua ngua'ni ngu' bi' li' ―nacui̱ Ni jna'.

APOCALIPSIS 21:4

Lo'o li' cua'ni ycui' Ndyosi cha' nga'aa xi'ya ngu' nu ndyunaa tsa tya tsubi' la ―nacui̱ nu nchcui' bi'―. Nga'aa ntsu'u cha' cajaa ñati̱ li', nga'aa ntsu'u cha' ca xñi'i̱ ti' ngu', nga'aa xi'ya ngu', ni nga'aa tyacua cha' ti'í ji'i̱ ngu' li'; cua ndye lcaa cha' nu ngua ji'i̱ ngu' lo'o nguti'i̱ ngu' chalyuu cusu' ―nacui̱ nu nchcui' bi'.