HEBREOS 3:2 - Chatino Tataltepec

² Ndaquiya' Jesús lcaa cña nu ngulo ycui' Ndyosi Sti yu ji'i̱ yu, ndyi'u ti' yu ji'i̱ ycui' Ni nu nguane ji'i̱ yu cha' ca̱a̱ yu nde chalyuu tya clyo. La cui' jua'a̱ ndaquiya' jyo'o Moisés ji'i̱ cña nu ngulo ycui' Ndyosi ji'i̱ nu ngua sa'ni bi'.

HEBREOS 3:2 ပူးပေါင်းရင်းမြစ်များ

SAN JUAN 15:10

Lcaa tsa̱ tyi'u ti' ma̱ su ndi'i̱ ma̱ cha' ntsu'u tsa tyiquee na' ña'a̱ na' ji'i̱ ma̱. Jua'a̱ tso'o tsa caca tyiquee na' ña'a̱ na' ji'i̱ ma̱ si taquiya' ma̱ ji'i̱ lcaa cha' nu nda na' lo'o ma̱. Lo'o jua'a̱ na' ―nacui̱ Jesús― cua ngua'ni na' lcaa cña nu ngulo Sti na' 'na. Jlo ti' na' cha' ntsu'u tsa tyiquee Ni ña'a̱ Ni jna' tyucui su ndi'i̱ na'.

SAN JUAN 17:4

’Nde lo yuu re su nguti'i̱ na' cua ngua'ni na' cha' tlyu tsa laca nu'u̱ ―nacui̱ Jesús―, jua'a̱ cua ndye ngua'ni na' lcaa cña nu nda nu'u̱ 'na cha' cua'ni na' ca nde.

SAN JUAN 7:18

Sca ñati̱ nu nchcui' cha' ji'i̱ ycui' ca lo'o ngu', jua'a̱ nti' yu cha' caca tlyu ycui' ca ti yu. Xa' ña'a̱ ndu'ni na', cha' tyucui tyiquee na' ndu'ni tlyu na' ji'i̱ ycui' Ndyosi nu Xu'na na' nu ngulo cña 'na ca̱a̱ na' nde chalyuu. Ná ntsu'u cha' cuiñi 'na tsiya' ti.

SAN JUAN 8:29

Lcaa tsa̱ ndi'i̱ Ni lo'o na', ycui' Ni laca nu nda jna' lijya̱a̱ re. Ná nguxtyanu Sti na' jna', cha' xcui' cña nu ndiya ti' Ni, bi' laca cña nu ndu'ni na'.

EFESIOS 2:22

Cua ngua stu'ba cha' ji'i̱ ma̱ lo'o Cristo; bi' cha' juani lo'o cu'ma̱, lo'o lcaa xa' ñati̱ nu ngusñi cha' ji'i̱ ycui' Ndyosi, stu'ba ti taca ca stu'ba cha' ji'i̱ ma̱ lo'o ycui' Ndyosi. Lo'o li' taca tyi'i̱ ycui' Ndyosi lo'o ma̱, xqui'ya Xtyi'i ycui' Ni nu cua nda Ni ji'i̱ ma̱.

1 TIMOTEO 1:12

Ndya tsa na' xlya'be ji'i̱ Jesucristo nu Xu'na na cha' ngua'ni Ni cha' caca cua'ni na' cña ji'i̱ Ni; ndya na' xlya'be ji'i̱ Ni cha' ngusubi Ni jna' cha' cua'ni na' cña ji'i̱ Ni, cha' jlo ti' Ni cha' ndaquiya' na' ji'i̱ Ni.

HEBREOS 2:17

Bi' cha' lacua, stu'ba ti ntsu'u cha' ji'i̱ Jesús lo'o ñati̱ ji'i̱ ycui' nde chalyuu. Ngujuii yu lo crusi cuentya ji'na, lo'o juani ntucua yu ca slo ycui' Ndyosi cha' chcui' yu lo'o Ni, cha' cuityi̱ Ni qui'ya nu ntsu'u ji'na. Juani laca Jesús ñi'ya̱ laca sca sti jo'ó nu laca loo la nu ndyi'u tsa ti' ji'na, nu jua'a̱ tso'o tsa ndu'ni tya'na ti' ji'na.