HEBREOS 2:1 - Chatino Tataltepec

¹ Tlyu tsa cha' laca ji'i̱ Jesús juani lacua, bi' cha' nga'a̱ cha' xñi tso'o na lcaa cha' nu cua nchcui' Jesús lo'o na, cha' ná tyu'utsu' na ji'i̱ tyucui̱i̱ liñi nu ngusñi na.

HEBREOS 2:1 ပူးပေါင်းရင်းမြစ်များ

SAN MATEO 16:9

¿Ha chañi cha' bilya caca cuayá' ti' ma̱? ¿Ha ná ntsu'u ti' ma̱ ji'i̱ nu ca'yu tya'a ti xlyá teje' nu ndyacu ca'yu mil tya'a ñati̱ tsubi'? Tyu̱u̱ tya'a chcubi ngutsa'a̱ lo'o yu'be xlyá tya'a ndyanu lo'o ndye ndyacu ngu' tsa̱ bi'.

SAN MARCOS 8:18

Ntsu'u si'yu cloo ma̱, ¿ha ná nchca ña'a̱ ma̱? Ntucua jyaca̱ ma̱, ¿ha ná nchca cuna ma̱? ¿Ha ná ndyi'u ti' ma̱ tsiya' ti?

SAN LUCAS 8:15

Ñi'ya̱ laca si'yu nu ndyú su tso'o tsa yuu, jua'a̱ laca lo'o ñati̱ nu tyucui tyiquee ngu' ndyuna ngu' cha' tso'o nu nda ycui' Ndyosi lo'o ngu'; ntaja'a̱ ngu' ndaquiya' ngu' cua ña'a̱ ca cha' nu nda Ni lo'o ngu'. Ndalo ngu' bi' li', ná xutacui ngu' cha' ngusñi ngu' cha' bi'. Li' tso'o tsa cha' tyu'ú ne' cresiya ji'i̱ ngu' bi'.

SAN LUCAS 9:44

―Cua'a̱ jyaca̱ ma̱ ji'i̱ cha' re, culacua xi ti' ma̱ ji'i̱: Ntsu'u sca ñati̱ nu cujui' cresiya 'na ji'i̱ ngu' tisiya cha' cua'ni cuxi ngu' lo'o na', masi na' nu cua nda Ni 'na lijya̱a̱ cha' caca na' ñati̱ ―nacui̱ Jesús.

SAN JUAN 8:59

Li' ngusñi ngu' quee cha' cu̱ ngu' ji'i̱ Jesús cujuii ngu' ji'i̱ li', pana ndyu'u cuatsi' yu ji'i̱ ngu'. Ngutu'u yu ne' laa bi', nteje tacui yu cla'be su ndi'i̱ ñati̱ ndyaa yu li'.

HEBREOS 12:5

Ná nga'a̱ cha' cjlyaa ti' ma̱ cha' bi', cha' tso'o tsa nchcui' ycui' Ndyosi lo'o ma̱ ñi'ya̱ si laca ma̱ sñi' ycui' Ni. Ndi'ya̱ nacui̱ Ni: Sñi', nacui̱ ycui' Ndyosi, taquiya' tso'o ma̱ 'na, masi xcube' na' ji'i̱ ma̱; ná ca taja ti' ma̱ 'na, masi cua'a na' ji'i̱ ma̱ cha' ná cua'ni ma̱ sca cha' cuxi.

2 PEDRO 1:15

Pana cua'ni na' cha' tyanu cha' bi' lo'o ma̱, cha' taca tyi'u ti' ma̱ cha' tso'o ji'i̱ Jesucristo bi' lcaa tsa̱, masi cua ngujuii na'.

2 PEDRO 3:1

Cu'ma̱ ngu' tya'a tso'o na, cua nguscua na' sca quityi ndyaa slo cu'ma̱ tya tsubi' la. Nu juani nde nscua na' chaca quityi, cha' ca tyi'u ti' ma̱ lcaa cha' nu ji'i̱ Cristo, cha' jua'a̱ caca culacua tso'o ti' ma̱ lcaa hora.