HEBREOS 13:2 - Chatino Tataltepec

² Tyi'u ti' ma̱ cha' chcui' tso'o ma̱ lo'o cua ña'a̱ ca ngu' xta, ngu' xa' quichi̱, si tyalaa ngu' toni'i̱ ji'i̱ ma̱; ta ma̱ su tyi'i̱ ngu' bi', cha' jua'a̱ ngua'ni xi jyo'o cusu' ji'i̱ ma̱ nu ngua sa'ni la, lo'o tiya' la li' nquijeloo ji'i̱ ngu' cha' xca̱ ji'i̱ ycui' Ndyosi nu ntsu'u nde cua̱ laca ñati̱ nu ngulaa toni'i̱ ji'i̱ ngu' bi'.

HEBREOS 13:2 ပူးပေါင်းရင်းမြစ်များ

SAN MATEO 25:35

Cu'ma̱ ni, cua nguxacu ma̱ 'na lo'o ntyute' na' nguti'i̱ na' nde chalyuu; nu lo'o nguityi na' hitya, cua nda ma̱ hitya ndyi'o na' li'; masi ná ndyuloo ma̱ 'na, pana cua nda ma̱ to' tyi ma̱ cha' nguti'i̱ na' li';

SAN MATEO 25:40

Lo'o li' na' nu laca na' loo tsiya' ti, chcui' na' chaca quiya' lo'o ngu' bi': “Cha' liñi nchcui' na' lo'o ma̱ juani, cha' lo'o nguxtyucua ma̱ ji'i̱ sca ngu' tya'a na' nu ntsu'u cha' ji'i̱ lo'o na', masi nguxtyucua ma̱ ji'i̱ sca ngu' ti'i ti, bi' tyempo ngua lo'o nguxtyucua ma̱ 'na”.

SAN MATEO 25:43

ná nda ma̱ su tyi'i̱ na' slo ma̱ li', cha' ná ndyuloo ma̱ 'na; ni ná nda ma̱ late' cacu' na' lo'o quichi' ti na' nguta'a̱ na' li'; ná ndyaa na'a̱ ma̱ 'na lo'o ngua quicha na', ni ná ndyaa ma̱ slo na' lo'o nga'a̱ na' ne' chcua̱.”

LOS HECHOS 16:15

Li' ntyucuatya ngu' ji'i̱ Lidia lo'o ji'i̱ lcaa tya'a ngu' nu ndi'i̱ slo. ―Si chañi cha' nclyacua ti' ma̱ cha' laca na' ñati̱ ji'i̱ Jesucristo ―nacui̱ nu cuna'a̱ bi' ji'i̱ ya―, tya̱a̱ ma̱ to' tyi na', tyanu ma̱ xi slo cua lacua. Tyu̱u̱ quiya' nchcui' ma' lo'o ya cha' tsaa ya, bi' cha' ndyaa ya lo'o ma' ca toni'i̱ ji'i̱ ma'.

ROMANOS 12:13

Nu lo'o lyiji sca na ji'i̱ sca ngu' tya'a ngusñi ma̱ cha' ji'i̱ Cristo, nga'a̱ cha' tya'be cha' tso'o nu ntsu'u ji'i̱ ycui' ca ma̱, cha' ta ma̱ na ji'i̱ ngu' bi', na laca nu lyiji ji'i̱ ngu'. Lcaa tyempo ta ma̱ to' tyi ma̱ cha' tyi'i̱ ñati̱ nu lijya̱ ti.

ROMANOS 16:23

Lo'o yu Gayo nda yu cha' lo'o na' cha' chcuicha' na' ji'i̱ ma̱; la cui' to' tyi yu nda yu su tyi'i̱ na', jua'a̱ nda yu toni'i̱ ji'i̱ yu su tyu'u ti'i̱ ña'a̱ taju ñati̱ nu ntsu'u cha' ji'i̱ lo'o Cristo re. Cuati lo'o Erasto nu laca loo ji'i̱ cñi quichi̱ re, nti' yu chcuicha' yu ji'i̱ ma̱; la cui' ti cha' nti' Cuarto, yu tya'a na.

1 TIMOTEO 3:2

Si laca sca ñati̱ loo ji'i̱ ña'a̱ taju tya'a ñati̱ ji'i̱ Jesucristo, li' ntsu'u cha' cua'ni yu xcui' cha' tso'o lo'o ñati̱, cha' ná caja ñi'ya̱ jña ngu' qui'ya ji'i̱ yu li'. Caja clyo'o yu bi' lo'o sca ti nu cuna'a̱; jua'a̱ ntsu'u cha' culacua tso'o ti' yu, cha' cua'a yu ji'i̱ cha' cuxi nu ntsu'u tyiquee ycui' ca yu, cha' tso'o ti tyi'i̱ yu lo'o tya'a ñati̱. Ntsu'u cha' ta yu ni'i̱ ji'i̱ yu lo'o jña ñati̱ nu lijya̱ tyijyu', jua'a̱ ntsu'u cha' ta yu na cacu ngu' bi'. Ntsu'u cha' culu'u yu cha' ji'i̱ ycui' Ndyosi ji'i̱ ñati̱, bi' cha' ná tso'o si ná nchca ji'i̱ yu.

1 TIMOTEO 5:10

Scua ngu' xtañi ma' cusu' nu nchcui' ngu' ji'i̱ cha' tso'o tsa cña ndu'ni ma' cusu' bi': si cua ngua'ni cu'ú tso'o ma' ji'i̱ nu sube; si cua nda ma' su tyi'i̱ ñati̱ nu lijya̱ tyijyu'; si cua nguxtyucua ma' ji'i̱ tya'a ñati̱ ji'i̱ Jesucristo, masi tlyu cña ntsu'u cha' cua'ni ma'; si ngua tya'na ti' ma' ji'i̱ ñati̱ nu quicha ti'. Si jua'a̱ xcui' cña tso'o ndu'ni ma' cusu' bi', scua ngu' xtañi ma' lo quityi bi' lacua.

TITO 1:8

clyana nu'u̱ ji'i̱ ngu' nu nda su tyi'i̱ ñati̱ nu lijya̱ tyijyu', ngu' nu ndiya ti' cua'ni xcui' cha' tso'o, ngu' nu tso'o ti nchcui' lo'o ñati̱, ngu' nu sca ti cha' ji'i̱ Jesús ntsu'u tyiquee ngu', nu ndu'ni cua ña'a̱ ca cha' nu nti' ycui' Ndyosi cha' cua'ni na, ngu' nu nchca ji'i̱ cua'a ji'i̱ ycui' ca ngu'.

1 PEDRO 4:9

Ta ma̱ xi to' tyi ma̱ su tyi'i̱ tya'a ma̱, lo'o jua'a̱ ta ma̱ na cacu ngu' lo'o tyalaa ngu' bi' slo ma̱; ná chcui' ma̱ cha' ti'í ji'i̱ tya'a ma̱ xqui'ya cha' ndyalaa ngu' slo ma̱.

3 JUAN 1:5

Cusu', ndube tsa ti' na' cha' lcaa tyempo tso'o tsa nxtyucua nu'u̱ ji'i̱ ngu' tya'a na, masi ná nslo nu'u̱ ji'i̱ ngu', cha' ngu' xa' quichi̱ laca ngu' ntsu'u quiya'.