HEBREOS 1:1 - Chatino Tataltepec

¹ Nu ngua tya sa'ni la, tyu̱u̱ tsa quiya' cua nchcui' ycui' Ndyosi lo'o jyo'o cusu' ji'na, quiña'a̱ xi cha' nda Ni lo'o jyo'o bi'; cua nda ycui' Ndyosi cha' lo'o jyo'o bi', cha' chcui' ngu' lo'o lcaa tya'a quichi̱ tyi ngu'.

HEBREOS 1:1 ပူးပေါင်းရင်းမြစ်များ

SAN LUCAS 1:72

Cua'ni tya'na ti' ycui' Ndyosi ji'na, lo'o jua'a̱ ji'i̱ jyo'o cusu' ji'na; ná ngujlyaa ti' ycui' Ni cha' nu cua ngüiñi ji'i̱ Ni lo'o jyo'o tya'a na cua sa'ni, nacui̱ jyo'o cusu' bi'.

SAN LUCAS 24:27

Li' nguxana Jesús ngulu'u yu cha' ji'i̱ ngu', ña'a̱ cha' nu cua nscua lo quityi cusu' cha' ji'i̱ ycui' yu. Nguxana ngu' lo'o quityi nu nguscua jyo'o Moisés, lo'o li' nchcui' ngu' lo lcaa quityi nu nguscua ngu' nu ngua tu'ba ji'i̱ ycui' Ndyosi nu ngua sa'ni.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN JUAN 16:13

Nu lo'o ca̱a̱ Xtyi'i ycui' Ndyosi nu tyu'u nde slo ycui' Ni, li' culu'u nu bi' lcaa cha' nu liñi ca ji'i̱ ma̱; li' chcui' liñi nu bi' lo'o ma̱ lcaa cha' nu cuentya 'na ―nacui̱―. Ná chcui' nu bi' chacuayá' ji'i̱ ycui' ca Ni; tsa ña'a̱ cha' nu cua ndyuna ti Ni ca slo ycui' Ndyosi, bi' ti cha' ta nu bi' lo'o ma̱ ―nacui̱ Jesús―. Lo'o jua'a̱ ta nu bi' cha' lo'o ma̱, lcaa cha' nu caca jna'.

SAN JUAN 7:22

Ntsu'u sca cña nu ndaquiya' tsa ma̱ ji'i̱ ―nacui̱ yu―, sca cña laca nu nda jyo'o Moisés cha' lo'o ma̱ sa'ni cha' cua'ni ma̱; ni si'i Moisés bi' ngua nu nda cha' bi' lo'o ma̱, cha' cua sa'ni la lo'o bilya cala ycui' Moisés ndu'ni jyo'o cusu' ji'i̱ ma̱ cña bi'. Ndyi'u tsa ti' ma̱ cha' si'yu ma̱ lo quiji̱ nu sube qui'yu sñi' ma̱ cha' culacua̱ ngu', masi tsa̱ nu ndi'i̱ cña' ngu' laca bi' ―nacui̱ Jesús―.

SAN JUAN 9:29

Jlya ti' ya cha' nda ycui' Ndyosi cha' lo'o nu Moisés bi', pana ná jlo ti' ya tsiya' ti ma nde ngutu'u nu Jesús bi' lijya̱.

LOS HECHOS 13:32

’Lo'o juani cua lijya̱ ya ca nde cha' culu'u ya cha' tso'o ji'i̱ ycui' Ndyosi bi' ji'i̱ cu'ma̱. Tya sa'ni la cua ngüiñi cha' ji'i̱ ycui' Ndyosi lo'o jyo'o cusu' ji'na;

LOS HECHOS 2:30

Tu'ba ji'i̱ ycui' Ndyosi ngua jyo'o David bi'; jlo ti' yu cha' nda Ni cha' liñi lo'o yu lo'o nchcui' Ni cha' sca ñati̱ tya'a nati̱ ji'i̱ ycui' yu cala nde loo la, bi' caca nu Cristo. Caca Cristo bi' rey, ñi'ya̱ lo'o ngua ycui' David rey.

LOS HECHOS 28:23

Li' ngüiñi cha' ji'i̱ ngu' ni tsa̱ tyu'u ti'i̱ lcaa ngu' slo Pablo. Tsa̱ bi' quiña'a̱ tsa ñati̱ ndyu'u ti'i̱ slo yu. Tyucui tsa̱ ngulu'u yu ji'i̱ ngu'; ngulu'u yu ñi'ya̱ nu nclyo ycui' Ndyosi cña, ñi'ya̱ ngua cha' nu nguscua jyo'o Moisés cuentya ji'i̱ Ni, ñi'ya̱ ngua cha' nu nguscua jyo'o cusu' nu ngua tu'ba ji'i̱ Ni lo quityi lo'o nchcui' ngu' cha' ji'i̱ Jesús.

LOS HECHOS 3:21

Ntsu'u cha' tyanu Jesús ca slo Ni nu juani ti; pana tiya' la, li' tyalaa sca tsa̱ lo'o chaca quiya' cua'ni cucui ycui' Ndyosi ji'i̱ lcaa na nu ntsu'u chalyuu, cha' li' tya̱a̱ Jesús. Jua'a̱ laca cha' nu nda ycui' Ndyosi lo'o jyo'o cusu' ji'na, cha' nu nguscua ngu' lo quityi cua sa'ni la.

HEBREOS 11:2

Jlya ti' jyo'o cusu' ji'na nu ngua'ni tlyu ji'i̱ ycui' Ndyosi nu ngua sa'ni la, bi' cha' ñati̱ tso'o ngua ngu', lo'o jua'a̱ ntucuá Ni cha' ji'i̱ ngu' bi'.

HEBREOS 12:25

Cui'ya ma̱ cuentya lacua, cha' cua'a̱ jyaca̱ ma̱ ji'i̱ lcaa cha' nu cua nda Cristo lo'o ma̱. Nguxcube' tsa ycui' Ndyosi ji'i̱ jyo'o cusu' ji'na, nu lo'o ná ntaja'a̱ ngu' cua'a̱ jyaca̱ ngu' ji'i̱ cha' nu nchcui' jyo'o Moisés lo'o ngu' nde chalyuu chacuayá' ji'i̱ ycui' Ndyosi; ná ngua xna ngu' bi' ji'i̱ ycui' Ndyosi. La cui' jua'a̱ tlyu la cha' caca ji'na juani, si ná taquiya' na ji'i̱ Cristo nu ngutu'u ca slo ycui' Ndyosi ya̱a̱ nde lo yuu chalyuu, lo'o jua'a̱ cua xa' ndyaa tucua Ni ca slo ycui' Ndyosi chaca quiya' juani.

HEBREOS 2:2

Tyempo sa'ni la nchcui' xca̱ bi' lo'o ñati̱ cuentya ji'i̱ ycui' Ndyosi. Liñi tsa nchcui' xca̱ bi' lo'o ngu', cha' tyempo bi' lye tsa nguxcube' Ni ji'i̱ lcaa ñati̱ nu ngua'ni cha' cuxi; la cui' jua'a̱ nguxcube' Ni ji'i̱ ñati̱ nu nga'aa ndaquiya' ji'i̱ cha' nu nchcui' Ni.

HEBREOS 2:3

La cui' ti cha' caca ji'na juani, si ná taquiya' na ji'i̱ cha' nu cua ndyuna na bi', cha' clyaá na ji'i̱ nu cuxi; ná caja ñi'ya̱ clyaá na ji'i̱ ycui' Ndyosi lo'o cua ndye chalyuu, nu lo'o cua'ni cuayá' Ni ji'i̱ lcaa ñati̱. Clyo ndacha' ycui' Jesús nu Xu'na na cha' bi' ji'i̱ ñati̱ nu ngua tsa'a̱ ji'i̱ yu, jua'a̱ ndyuna ngu' bi' cha' nu nchcui' yu; tiya' la li', lo'o ji'na ndacha' ngu' bi' cha' bi'. Bi' cha' jlo ti' na cha' chañi laca cha' bi'.

HEBREOS 3:5

Tso'o tsa cña nu ngua'ni nu Moisés bi' lo'o ngua yu cña sa'ni, cha' cuentya ji'i̱ ñati̱ ji'i̱ ycui' Ndyosi nde chalyuu ngua yu cña; nchcui' tsa jyo'o bi' lcaa cha' nu ngua ti' ycui' Ndyosi cha' chcui' Ni lo'o ngu' bi'.

HEBREOS 4:8

Nu ngua cua sa'ni bi', ná ngua ji'i̱ jyo'o Josué tyalo'o yu ji'i̱ ñati̱ bi' sca ti quiya' ca su ndi'i̱ ycui' Ndyosi; bi' cha' tiya' la tya nda la Ni xi tyempo cha' cuna na cha' bi'.

HEBREOS 5:5

Lo'o Cristo ni, laca Ni sti jo'ó nu laca loo la cuentya ji'na; si'i cha' ji'i̱ ycui' ti Ni ndu'ni Ni jua'a̱, cha' ná ngüijña Ni cha' ji'i̱ ycui' Ndyosi Sti Ni cha' caca tlyu la Ni. Ycui' Ndyosi laca nu cua nchcui' lo'o Sñi' Ni tya clyo: Sñi' na' laca nu'u̱; ycui' na' cua nda na' chalyuu jinu'u̱, cha' laca nu'u̱ Sñi' na'. Jua'a̱ cha' nda Ni lo'o Cristo.

HEBREOS 9:19

Nu ngua tya clyo ndacha' jyo'o Moisés lcaa cha' cusu' bi' ji'i̱ lcaa ngu' quichi̱, ndacha' yu lcaa cña nu cua ngulo ycui' Ndyosi ji'i̱ ngu' cha' cua'ni ngu'. Li' ngusñi yu xi tañi chqueru lo'o tañi chivo nu ndyujuii ca ngu', nguxiya' yu tañi bi' lo'o xi hitya lubii. Li' ntejeya' yu ji'i̱ sca sta̱' yaca nu ntsu'u quicha̱' xlya' nu nga'a ña'a̱ chu̱'; lo'o quicha̱' xlya' bi' nguscui̱ yu tañi bi' lo ngu' quichi̱ bi', jua'a̱ lo cha' cusu' bi' nu nscua lo quee cuaja'.