GÁLATAS 6:9 - Chatino Tataltepec

⁹ Bi' cha' ná tso'o si ca taja ti' na cha' cua'ni na cha' tso'o laja lo'o ndi'i̱ na chalyuu. Lo'o tyalaa hora bi', li' tyu'u tucua cha' tso'o nu nacui̱ Ni cha' tyacua ji'na nde loo la, la cui' cha' nu tyiquee' tsa ngujuatya na ji'i̱; pana ntsu'u cha' talo na, cha' ná ca taja ti' na ndu'ni na cña tso'o.

GÁLATAS 6:9 ပူးပေါင်းရင်းမြစ်များ

SAN MATEO 10:22

Lo'o jua'a̱ caca ti'í ti' lcaa ngu' ña'a̱ ngu' ji'i̱ ma̱ xqui'ya na'. Pana ñati̱ nu talo ji'i̱ lcaa cha' cuxi bi', clyaá ngu' li', caja chalyuu nu ná nga'a̱ cha' tye ji'i̱ ngu' bi'.

SAN MATEO 24:13

Pana ná cube ti' ma̱, lcaa cu'ma̱ nu talo tyiquee ma̱ ji'i̱ cha' cuxi bi', cua'ni lyaá na' ji'i̱ cu'ma̱ li', ña'a̱ cuayá' nu tye chalyuu ―nacui̱ Jesús―.

SAN MATEO 25:17

Lo'o jua'a̱ ngua'ni chaca msu nu ntsu'u tucua mil cñi plata ji'i̱, ngua'ni yu ngana ña'a̱ cuayá' nu ngujui chaca tyucuaa mil cñi plata ji'i̱ yu.

SAN MATEO 9:19

Li' ndyatu̱ Jesús lo'o ngu' nu ndyaca tsa'a̱ ji'i̱, ndyaa ngu' lo'o nu cusu' bi'.

SAN MARCOS 3:3

Lo'o li' nchcui' yu lo'o nu quicha bi': ―Ca̱a̱ nu'u̱, tyu̱ cla'be ne' laa re ―nacui̱ Jesús ji'i̱.

SAN LUCAS 18:1

Ngulu'u Jesús ji'i̱ ngu' cha' lu'ba ti chcui' ngu' lo'o ycui' Ndyosi, cha' ná ca taja ti' ngu' tsiya' ti lo'o chcui' ngu' lo'o Ni. Ndi'ya̱ ndyu'u cui̱i̱ nu nda Jesús lo'o ngu' li':

ROMANOS 2:7

sca chalyuu tso'o nu ná nga'a̱ cha' tye, bi' laca nu ta Ni ji'i̱ ngu' tso'o, nu ná nchca taja ti' ndu'ni ngu' cña tso'o lo'o tya'a ngu'. Xcui' ndya'a̱ cha' tyiquee ngu' bi' ji'i̱ cha' tso'o nu ntsu'u ca slo ycui' Ndyosi, xcui' nti' ngu' cha' tyi'i̱ tso'o ti ngu' cuentya ji'i̱ Ni, xcui' ndube ti' ngu' ji'i̱ chalyuu nu lijya̱ nde loo la.

1 CORINTIOS 15:58

Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.

2 CORINTIOS 4:1

Bi' cha' ná nchca taja ti' ya ji'i̱ cña nu ndyu'ni ya. La cui' ycui' Ndyosi laca nu cua nda cña bi' ji'i̱ ya, xqui'ya cha' tya'na ti' Ni ña'a̱ Ni ji'i̱ ya.

2 CORINTIOS 4:16

Bi' cha' ná nchca taja ti' na ji'i̱ cña nu ndyu'ni na cuentya ji'i̱ ycui' Ndyosi, masi ncliji tyucui ña'a̱ cuaña' na jua'a̱ ti; pana ña'a̱ ti lu'ba ti ndu'ni ycui' Ndyosi cha' ca tso'o la cresiya ji'na.

2 CORINTIOS 9:6

Tyi'u ti' ma̱ ñi'ya̱ ndyaca lo'o ntyaa na na cuiñii. Si xti ti si'yu na cuiñii bi' cataa na, xti ti cha' tso'o tyu'u ji'na li'; pana si quiña'a̱ si'yu cataa na, quiña'a̱ la cha' tso'o tyu'u li'.

EFESIOS 3:13

Bi' cha' juani chcui' na' lo'o ma̱ cha' ná ca taja ti' ma̱, cha' ná tya'a̱chu̱' ma̱ ji'i̱ ycui' Ndyosi, masi nchcube' na' xi ca su ndi'i̱ na' re cuentya ji'i̱ cu'ma̱; sca cha' tso'o cuentya ji'i̱ cu'ma̱ laca cha' bi'.

2 TESALONICENSES 3:13

Cu'ma̱ ngu' tya'a na, ná ca taja ti' ma̱ cha' cua'ni ma̱ cha' tso'o lo'o ñati̱.

HEBREOS 12:3

Culacua tso'o ti' ma̱ ji'i̱ lcaa cha' cuxi nu ngua ji'i̱ Jesús tyempo bi'. Ndalo tsa tyiquee yu ji'i̱ cha' cuxi bi' li', masi liye' tsa ti' ngu' cuxi ña'a̱ ngu' ji'i̱ yu. Bi' cha' lo'o cu'ma̱ ni, ná ntsu'u cha' ca ñu'u̱ ti' ma̱ xqui'ya Jesús, ná ntsu'u cha' ca taja ti' ma̱ ji'i̱ Ni.

HEBREOS 12:5

Ná nga'a̱ cha' cjlyaa ti' ma̱ cha' bi', cha' tso'o tsa nchcui' ycui' Ndyosi lo'o ma̱ ñi'ya̱ si laca ma̱ sñi' ycui' Ni. Ndi'ya̱ nacui̱ Ni: Sñi', nacui̱ ycui' Ndyosi, taquiya' tso'o ma̱ 'na, masi xcube' na' ji'i̱ ma̱; ná ca taja ti' ma̱ 'na, masi cua'a na' ji'i̱ ma̱ cha' ná cua'ni ma̱ sca cha' cuxi.

HEBREOS 3:14

Lcaa na lo'o tya'a na, tya ntsu'u cha' ji'na lo'o Cristo si ña'a̱ ti xñi na cha' ji'i̱ Ni ña'a̱ cuayá' nu tye chalyuu ji'na, la cui' ñi'ya̱ lo'o jlya ti' na ji'i̱ yu nu ngua tya clyo.

HEBREOS 3:6

Pana nu Cristo bi' ni, tso'o la cña ndu'ni yu, xqui'ya cha' laca yu Sñi' ycui' Ndyosi, lo'o jua'a̱ laca yu loo ji'i̱ lcaa ñati̱ nu ntsu'u cuentya ji'i̱ Ni. La cui' ñati̱ ji'i̱ ycui' Ni laca na, si ña'a̱ ti ná ntsi̱i̱ na ña'a̱ cuayá' tye chalyuu ji'na, si ña'a̱ ti tya tso'o ntsu'u tyiquee na laja lo'o ndu̱ ti' na ji'i̱ Cristo cha' cua'ni lyaá lyiji yu ji'na.

SANTIAGO 5:7

Cu'ma̱ tya'a ngusñi na cha' ji'i̱ Jesús, talo ma̱ tyiquee' cha' ntajatya ma̱ ji'i̱ ycui' nu Xu'na na, ni jacua' ca̱a̱ Ni chaca quiya' nde chalyuu. Ñati̱ nu cua ndyataa xtya̱ ji'i̱ ni, ndalo tsa tyiquee ngu' ntajatya ngu' ni jacua' tyu'u si'yu nu ndulo tsa cha' caja ji'i̱ ngu'; ndu̱ ti' ngu' bi' cha' ca'ya tyo, masi tyo nu ca'ya yala la, masi tyo nu ca'ya tiya' la.

1 PEDRO 2:15

Pana nti' ycui' Ndyosi cha' cua'ni ma̱ xcui' cña tso'o, nga'aa caca chcui' ngu' cha' cuxi ji'i̱ ma̱ li'; masi nu ngu' nu ná nti' ca cuayá' ti', masi nu ngu' nu ná jlo ti' tsiya' ti, ni sca quiya' ná ntsu'u cha' sta ngu' bi' qui'ya ji'i̱ ma̱ li'.

1 PEDRO 3:17

Si ntsu'u cha' chcube' na, tso'o la xcube' ngu' ji'na xqui'ya sca cha' tso'o nu ndyu'ni na, si ta ycui' Ndyosi chacuayá' ji'i̱ ngu'; pana si ngua'ni na sca cha' cuxi, liñi tsa ndyu'u cha' si xcube' ngu' ji'na li'.

1 PEDRO 4:19

Ndyiji xi cha' ti'í ji'i̱ ma̱ juani chacuayá' ji'i̱ ycui' Ndyosi. Cua jlo ti' Ni cha' bi', pana ná culati'i̱ Ni ji'na si jua'a̱. Ntsu'u cha' tya cua'ni na xcui' cha' tso'o, cha' ña'a̱ ti xñi na cha' ji'i̱ ycui' Ni nu ngüiñá lcaa lo na, masi nchcube' na; chañi cha' cña'a̱si̱i̱ Ni ji'na li'.

APOCALIPSIS 2:17

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caca tyaala' ti' tyiquee ngu' bi', cacu ngu' cha' tso'o nu cua nguxco'o na' cha' caja ji'i̱ ngu'. Lo'o jua'a̱ ta na' sca quee sube ti nu ngati̱ ña'a̱, nu nscua xtañi scaa ngu' chu̱', cha' ca cuayá' ti' ngu' bi', cha' tso'o ti nti' na' ña'a̱ na' ji'i̱ ngu'; chaca xtañi nu tso'o la laca nu nscua chu̱' quee bi'. Ná caja chacuayá' ji'i̱ xa' ñati̱ tyuloo xtañi bi'; cua laca ti ñati̱ nu caja xtañi bi' ji'i̱, bi' laca nu caja chacuayá' cha' tyuloo ji'i̱, nacui̱ Ni.”

APOCALIPSIS 2:3

Lo'o jua'a̱ jlo ti' na' cha' ná nchca taja ti' ma̱; masi ndyiji tsa cha' ti'í ji'i̱ ma̱, ná ndya'a̱chu̱' ma̱ cha' jna'.

APOCALIPSIS 2:7

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caja chalyuu nu ná nga'a̱ cha' tye ji'i̱ ngu' bi', lo'o jua'a̱ ta na' chacuayá' cacu ngu' si'yu yaca tso'o nu ndu̱ ca cla'be yuu tso'o su ndi'i̱ ycui' Ni, nacui̱ Jesús.”