GÁLATAS 6:7 - Chatino Tataltepec

⁷ Ná culacua ti' ma̱ cha' caca cñilo'o na ji'i̱ ycui' Ndyosi. Ná tucui caca ji'i̱ cua'ni jua'a̱, cha' ñi'ya̱ nu ndyu'ni sa scaa na chalyuu, jua'a̱ tyacua cha' ji'na tiya' la nde slo ycui' Ndyosi. Ñi'ya̱ nti' lo'o cataa na sca si'yu ni, cha' la cui' si'yu nu ndyataa na, nde loo la la cui' bi' tyu'u lo na nu ndyataa na, si'i xa' lo si'yu;

GÁLATAS 6:7 ပူးပေါင်းရင်းမြစ်များ

SAN LUCAS 16:25

Li' nacui̱ jyo'o Abraham ji'i̱: “Sñi'”, nacui̱, “tso'o tsa ngua hi̱ lo'o nguti'i̱ nu'u̱ nde chalyuu. Lo'o Lázaro re ni, si'i jua'a̱ ngua ji'i̱ yu, cha' lye tsa nchcube' yu su nguti'i̱ yu chalyuu. Bi' cha' caja su tso'o tyi'i̱ yu ca nde juani; lo'o nu'u̱ ni, nga'a̱ cha' chcube' nu'u̱.

SAN LUCAS 21:8

―Cui'ya ma̱ cuentya ―nacui̱ Jesús li'―, cha' ná tucui cñilo'o ji'i̱ ma̱. Quiña'a̱ tsa ngu' ca̱a̱ ngu' nu ñacui̱ cha' Cristo laca ycui' ca ngu': “Juani ndyalaa tyempo bi'”, ñacui̱ ngu' bi'. Pana ná xñi ma̱ cha' ji'i̱ ngu' bi'.

1 CORINTIOS 15:33

Chañi tsa laca cha' nu nchcui' ñati̱ ndi'ya̱: “Si xcui' lo'o ñati̱ cuxi ndya'a̱ na, xtyanu na ji'i̱ cha' tso'o nu ndu'ni na li'”. Ná tucuá ma̱ cha' ji'i̱ ñati̱ nu ñacui̱ cha' ná caca cuxi tyiquee na lo'o ndu'ni na cha' cuxi.

1 CORINTIOS 3:18

Cua ngusñi na cha' ji'i̱ Cristo, bi' cha' tso'o la si ná cñilo'o na ji'i̱ ycui' ca na cha' ngua tsa ji'na, ñi'ya̱ ndu'ni ñati̱ chalyuu nu ngua tsa ji'i̱ ngu'. Ná tso'o si jua'a̱ nclyacua ti' na; nga'a̱ cha' culacua ti' na cha' ná ngua ji'na tsiya' ti, lo'o li' taca cua'ni ycui' Ndyosi cha' ca'ya sca cha' liñi hique na.

1 CORINTIOS 6:9

Jlo ti' na cha' ná lo'o ñati̱ cuxi taca tsaa ca su tlyu ca su laca ycui' Ndyosi loo. Tso'o si liñi tsa caca cuayá' ti' ma̱ cha' ná tsaa ngu' cuxi ca su tso'o bi': ñati̱ nu suba' tsa ndu'ni lo'o tya'a, lo'o jua'a̱ ñati̱ nu ndu'ni tlyu ji'i̱ lcui̱ jo'ó ti, lo'o jua'a̱ ñati̱ nu ntsu'u cha' ji'i̱ lo'o clyo'o xa' ñati̱, jua'a̱ nu ngu' qui'yu nu ndu'ni suba' lo'o tya'a qui'yu ti ngu',

2 CORINTIOS 9:6

Tyi'u ti' ma̱ ñi'ya̱ ndyaca lo'o ntyaa na na cuiñii. Si xti ti si'yu na cuiñii bi' cataa na, xti ti cha' tso'o tyu'u ji'na li'; pana si quiña'a̱ si'yu cataa na, quiña'a̱ la cha' tso'o tyu'u li'.

GÁLATAS 6:3

Na ñilo'o ti na ji'i̱ ycui' ca na si culacua ti' na cha' tso'o tsa laca na cuentya ji'i̱ ycui' Ndyosi; tso'o la si ta na cuentya cha' ná sca na laca na cuentya ji'i̱ ycui' Ni.

EFESIOS 5:6

Ná ta ma̱ chacuayá' cha' ñilo'o ngu' ji'i̱ ma̱ lo'o sca cha' tonto ti. Xqui'ya cha' cuxi bi' ñasi̱' tsa ycui' Ndyosi ji'i̱ ñati̱ chalyuu nu ná ndaquiya' ji'i̱ cha' nu nchcui' Ni; xcube' tsa Ni ji'i̱ ngu' bi' lo'o tye chalyuu.

2 TESALONICENSES 2:3

Ná taquiya' ma̱ ji'i̱ ngu' cuiñi nu chcui' jua'a̱. Nu lo'o tya lyiji tyalaa tsa̱ bi', lye tsa xu̱u̱ tya'a ñati̱ chalyuu lo'o ycui' Ndyosi; li' ca̱a̱ sca ñati̱ nu ndu'ni cña ji'i̱ nu xña'a̱ nde chalyuu, nu ntsu'u cha' tsaa ca bilyaa lo'o tye chalyuu.

SANTIAGO 1:22

Tsa bi' ti cha', nga'a̱ cha' taquiya' na lcaa cha' nu nclyu'u Ni ji'na, si'i na cua'a̱ jyaca̱ ti na ji'i̱ cha' bi'; na cñilo'o ti na ji'i̱ ycui' ca na, si xcui' na cua'a̱ jyaca̱ ti na ji'i̱ cha' bi', lo'o ná ndaquiya' na cha' bi'.

SANTIAGO 1:26

Ná tyiquee' ntsu'u xi ngu' tya'a ma̱ nu nti' cha' tacati tsa ndu'ni ycui' ca ngu'. Pana laja ti ndu'ni ngu' cha' tacati ngu', si ná ndube ti' ngu' ñi'ya̱ nchcui' ngu' lo'o ñati̱; na ñilo'o ngu' ji'i̱ ycui' ca ngu' cha' tacati ngu' li'.

1 JUAN 1:8

Si ñacui̱ na cha' ná ntsu'u qui'ya ji'na tsiya' ti, na ñilo'o na ji'i̱ ycui' ca ti na li', cha' ná nchca chcui' na cha' liñi.

1 JUAN 3:7

Cu'ma̱ sñi' na', ná nti' na' cha' cñilo'o xa' ñati̱ ji'i̱ ma̱. Xcui' tso'o ti ngua'ni Jesucristo nde chalyuu; bi' cha' lacua, lcaa ñati̱ nu ntsu'u cha' ji'i̱ lo'o Jesucristo, cua nscua cha' xcui' cha' tso'o ti cua'ni ngu' bi' laja lo'o tyi'i̱ ngu' chalyuu.

JUDAS 1:18

“Tyu'u tucua xi ñati̱ cuiñi lo'o cua tye ti chalyuu”, nacui̱ ngu' bi' ji'na. “Xtyí lo'o ngu' cuiñi bi' ji'i̱ lcaa cha' tso'o nu ntsu'u ji'i̱ ycui' Ndyosi, jua'a̱ cua'ni ngu' cua ña'a̱ ca cha' cuxi nu ndiya ti' ngu' ji'i̱”, nacui̱ ngu' bi' ji'na.