GÁLATAS 6:4 - Chatino Tataltepec

⁴ Ntsu'u cha' cui'ya na cuentya ñi'ya̱ nu ndi'i̱ scaa na chalyuu. Si chañi cha' tso'o tsa ndu'ni na, cha' ji'i̱ ycui' na laca cha' bi'; ná ntsu'u cha' cua'ni tyucuaa ti' na lo'o xa' la ñati̱.

GÁLATAS 6:4 ပူးပေါင်းရင်းမြစ်များ

SAN LUCAS 18:11

Nu yu fariseo bi' ni, na ndu̱ ti yu, ndi'ya̱ nchcui' yu lo'o ycui' Ndyosi li': “Ndyosi”, nacui̱, “tsa xlya'be jinu'u̱ cha' ná ndu'ni na' ñi'ya̱ nu ndu'ni xa' ñati̱; xña'a̱ tsa ndu'ni ngu', cuaana tsa ngu', suba' tsa ndu'ni ngu' lo'o clyo'o xa' ñati̱. Pana na' ni, ná ndu'ni na' jua'a̱, ni ná ndu'ni na' ñi'ya̱ ndu'ni yu cuxi cua nu cuiñi ti nxñi quiña'a̱ tsa cñi cña loo ngu'”, nacui̱ nu yu fariseo bi' ji'i̱ ycui' Ndyosi.

1 CORINTIOS 11:28

Bi' cha' ntsu'u cha' culacua tso'o ti' na lo'o cacu na si̱i̱ bi'; li' tyucui tyiquee na cacu na xlyá bi', co'o na na nu ntsu'u ne' vaso bi'.

1 CORINTIOS 3:14

Nu lo'o talo cña nu ngua'ni sca ñati̱ lo'o cua ndyaa lo quii' bi', li' ta Ni cha' tso'o nu tyacua ji'i̱ ñati̱ bi'.

1 CORINTIOS 3:8

Sca ti cuayá' ndu'ni ya lo'o tya'a ya, masi nda ya cha' lo'o cu'ma̱ su clyo, masi nclyu'u tso'o la ya cha' bi' ji'i̱ ma̱ ca tiya' la. Ycui' Ndyosi ni, tya ta la Ni cha' tso'o ji'i̱ ya, tsa ña'a̱ nu ndyu'ni tso'o ya cña ji'i̱ Ni.

2 CORINTIOS 1:12

Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.

2 CORINTIOS 13:5

Cua'ni cuayá' ma̱ ji'i̱ ycui' ca ma̱ lacua, cha' ca cuayá' ti' ma̱ si chañi cha' tya ndyanu tyucui cha' ji'i̱ Jesucristo ne' cresiya ji'i̱ ma̱. Nga'a̱ cha' tyi'u ti' ma̱ cha' ndyanu Xtyi'i Jesucristo ne' cresiya ji'i̱ sa scaa ma̱; sca ti si cua ngunu'u̱ cresiya ji'i̱ ma̱ lo'o ycui' Ndyosi tsiya' ti, nga'aa tyanu Ni lo'o ma̱ li'.

GÁLATAS 6:13

Lo'o ycui' ngu' nu cua ngulacua̱ ngu' jua'a̱ ni, ná ndaquiya' ngu' ji'i̱ lcaa ca cña nu nscua lo cha' cusu' cha' cua'ni na bi'. Tsa bi' ti cha' nti' ngu', cha' caja ñi'ya̱ nu chcui' ngu' cha' tyixi lo'o tya'a ngu': Cua ngulacua̱ ngu' jua xqui'ya ycui' ya, ñacui̱ ngu' ji'i̱ tya'a ngu' li'.

FILIPENSES 1:26

Lo'o ca̱a̱ na' cha' tyi'i̱ na' slo ma̱ chaca quiya', li' tso'o tsa caca tyiquee ma̱ cuentya ji'i̱ Jesucristo xqui'ya na'.