Nu yu fariseo bi' ni, na ndu̱ ti yu, ndi'ya̱ nchcui' yu lo'o ycui' Ndyosi li': “Ndyosi”, nacui̱, “tsa xlya'be jinu'u̱ cha' ná ndu'ni na' ñi'ya̱ nu ndu'ni xa' ñati̱; xña'a̱ tsa ndu'ni ngu', cuaana tsa ngu', suba' tsa ndu'ni ngu' lo'o clyo'o xa' ñati̱. Pana na' ni, ná ndu'ni na' jua'a̱, ni ná ndu'ni na' ñi'ya̱ ndu'ni yu cuxi cua nu cuiñi ti nxñi quiña'a̱ tsa cñi cña loo ngu'”, nacui̱ nu yu fariseo bi' ji'i̱ ycui' Ndyosi.
GÁLATAS 6:3 - Chatino Tataltepec3 Na ñilo'o ti na ji'i̱ ycui' ca na si culacua ti' na cha' tso'o tsa laca na cuentya ji'i̱ ycui' Ndyosi; tso'o la si ta na cuentya cha' ná sca na laca na cuentya ji'i̱ ycui' Ni. အခန်းကိုကြည့်ပါ။ |
GÁLATAS 6:3
17 ပူးပေါင်းရင်းမြစ်များ
Ntsu'u ti' na cha' tya tsubi' la ngulaa sca nu qui'yu nu tyaala tsa, nu naa Teudas; nguti'i̱ yu xi loyuu re. Jlya tsa ti' ngu' cha' nu nchcui' yu bi', cha' nacui̱ yu cha' ñati̱ tlyu ngua yu. Li' ndya'a̱ jacua siyento tya'a ñati̱ lo'o yu; pana nu lo'o ndyujuii ñati̱ ji'i̱ yu, li' ngusna lyiji nu ñati̱ tya'a ndya'a̱ yu li'. Ndye cha' ji'i̱ yu jua'a̱ ti li'.
Tlyu tsa cha' tso'o nu ngua'ni ycui' Ndyosi lo'o na', nu lo'o nda Ni cña jna'; bi' cha' nchcui' tsa na' lo'o ma̱ juani, cha' nga'aa cua'ni tyucuaa ti' ma̱ lo'o xa' ñati̱. Nga'a̱ cha' culacua ti' ma̱ cha' lcaa cña nu cua nchca ji'i̱ ma̱ juani, Cristo ngua'ni cha' caca ji'i̱ ma̱, nu lo'o ngusñi ma̱ cha' ji'i̱ Ni.
Ná ndu'ni cha' masi cacha' na lcaa cha' nu nda ycui' Ndyosi lo'o ñati̱, si ná ntsu'u tyiquee na ña'a̱ na ji'i̱ ngu'. Ná ndu'ni cha' masi jlo ti' na lcaa cha' ji'i̱ ycui' Ndyosi, masi tso'o tsa nchca cuayá' ti' na sca cha' nu ná ngujui ñi'ya̱ nu caca cuayá' ti' ñati̱ nu ngua sa'ni la; ná sca na laca na cuentya ji'i̱ ycui' Ndyosi si ná ntsu'u tyiquee na ña'a̱ na ji'i̱ ñati̱. La cui' ti masi jlya tsa ti' na ji'i̱ ycui' Ndyosi ñi'ya̱ nti' si caca cuityi̱ na ji'i̱ sca ca'ya cua̱, pana si ná ntsu'u tyiquee na ña'a̱ na ji'i̱ ñati̱, ná sca na laca na li'.
Cua ngusñi na cha' ji'i̱ Cristo, bi' cha' tso'o la si ná cñilo'o na ji'i̱ ycui' ca na cha' ngua tsa ji'na, ñi'ya̱ ndu'ni ñati̱ chalyuu nu ngua tsa ji'i̱ ngu'. Ná tso'o si jua'a̱ nclyacua ti' na; nga'a̱ cha' culacua ti' na cha' ná ngua ji'na tsiya' ti, lo'o li' taca cua'ni ycui' Ndyosi cha' ca'ya sca cha' liñi hique na.
Cu'ma̱ ngua'ni ma̱ lo'o na' cha' nchcui' na' cha' tonto re, pana cu'ma̱ laca nu nga'a̱ cha' chcui' tso'o ma̱ 'na nquicha'. Masi ná sca cha' ndyaca 'na tsiya' ti, si'i na xti la cña nchca 'na lo'o quiña'a̱ la cña nchca ji'i̱ nu ngu' cuiñi bi', masi tyaca'a tsa ndyu'ni ma̱ ji'i̱ ngu'; si'i jua'a̱ ndyu'u cha'.
Bi' cha' ngutucuá ngu' cña 'na, nu Jacobo lo'o Pedro lo'o Juan bi', la cui' ngu' nu laca loo ji'i̱ ngu' tya'a ngusñi na cha' ji'i̱ Cristo. Stu'ba ti nchcui' ngu' bi', cha' tso'o tsa ngua'ni ycui' Ndyosi lo'o na' nu lo'o nda Ni cña bi' 'na. Li' ngusñi ya' tya'a ya lo'o ngu' bi', na' lo'o Bernabé, cha' caca cuayá' ti' ya cha' tso'o ti nti' ngu' ña'a̱ ngu' ji'i̱ ya, cha' stu'ba ntsu'u cha' ji'i̱ ngu' lo'o ya, cha' tya tsaa la ya quichi̱ tyi ngu' xa' tsu'. Tyanu ycui' ngu' bi' ca su ndi'i̱ tya'a ya, nu ngu' judío bi' li'.
ကြော်ငြာတွေ