GÁLATAS 6:1 - Chatino Tataltepec1 Cu'ma̱ ngu' tya'a na, ndi'ya̱ nga'a̱ cha' cua'ni ma̱ lo'o ña'a̱ ma̱ cha' ngua cuxi cresiya ji'i̱ sca ngu' tya'a ngusñi ma̱ cha' ji'i̱ ycui' Ndyosi, xqui'ya cha' ngua'ni yu sca cha' cuxi: nga'a̱ cha' xtyucua ma̱ xi ji'i̱ yu bi', cha' cati̱ qui'ya nu ntsu'u ji'i̱ yu, cha' tucuá yu cña ji'i̱ Cristo chaca quiya', cha' tya'a ntsu'u cha' ji'i̱ ma̱ lo'o Xtyi'i ycui' Ndyosi laca yu. Tsa tso'o ti chcui' ma̱ lo'o yu bi'. Lo'o jua'a̱ tii ti ti' ma̱ tyi'i̱ ycui' ca ma̱ cha' ná cua'ni ma̱ la cui' cha' cuxi ñi'ya̱ nu ngua'ni yu bi'. အခန်းကိုကြည့်ပါ။ |
GÁLATAS 6:1
41 ပူးပေါင်းရင်းမြစ်များ
Lo'o li' ndyi'u ti' Pedro cha' nu nchcui' Jesús lo'o yu tya tsa̱ la, nu lo'o ndi'ya̱ nacui̱ Jesús ji'i̱ yu: “Nu lo'o bilya xi'ya ndye'e talya juani, sna quiya' chcui' nu'u̱ lo'o ñati̱ cha' ná nslo nu'u̱ 'na”. Jua'a̱ nacui̱ Jesús tsa̱ la, bi' cha' ndu'u Pedro ndyaa yu li'; nxi'ya tsa yu ndyaa yu cha' xñi'i̱ tsa ti' yu li'.
Yaa clya ma̱ cua'a̱ jyaca̱ ma̱ ji'i̱ cha' nu nguscua jyo'o cusu' lo quityi, nu ndi'ya̱ nchcui': “Nti' na' cha' cua'ni tya'na ti' ma̱ ji'i̱ tya'a ñati̱ ma̱, nacui̱ ycui' Ni. Bi' nu tso'o la, masi ná ta ma̱ quiña'a̱ tsa msta̱ 'na; ni na'ni scu̱' ma̱, ná ndu'ni cha' ta ma̱ msta̱ 'na.” Jua'a̱ nscua lo quityi. Ná lijya̱ na' chalyuu cha' chcui' na' lo'o ñati̱ nu tso'o tsa ycui' ngu', nti' ngu'; cua lijya̱ na' chalyuu cha' chcui' na' lo'o ngu' nu jlo ti' cha' ntsu'u cha' cuxi tyiquee ngu', cha' caca tyuju'u ti' ngu' li'. Xtyanu ngu' ji'i̱ cha' cuxi bi' li'.
Cu'ma tya'a ngusñi na cha' ji'i̱ ycui' Ndyosi, tyucui tyempo lo'o nguti'i̱ na' ca slo ma̱ nu ngua tya li', ná ngua 'na chcui' na' lcaa cha' nu ngua ti' na' chcui̱' lo'o ma̱, cha' bilya xñi tso'o ma̱ cha' ji'i̱ Xtyi'i ycui' Ndyosi nu nda Ni ji'na. Xti ti cha' nchcui' na' lo'o ma̱ li', cha' ña'a̱ ti cuxi ti ngulacua ti' ma̱. Ñi'ya̱ laca nu sube cuañi', jua'a̱ ngua cu'ma̱, cha' bilya xñi tso'o ma̱ cha' ji'i̱ ycui' Ndyosi;
Ná tso'o si tyeje tacui tyu̱u̱ tsa̱ nu ná ndi'i̱ ma̱ lo'o clyo'o ma̱; sca ti si tyu'utsu' ma̱ xi ji'i̱ tya'a ma̱ cha' caja xi tyempo chcui' ma̱ lo'o ycui' Ndyosi Sti ma̱. Lo'o nteje tacui cha' bi', xa' tyi'i̱ ma̱ lo'o clyo'o ma̱ li', ñi'ya̱ nu ndi'i̱ ti ma̱. Si ná cua'ni ma̱ jua'a̱, ná tyiquee' quiñu'u̱ cha' ji'i̱ ma̱ lo'o clyo'o ma̱ cha' ná nchca talo ma̱ tyu̱u̱ tsa̱. Lo'o li' cua'ni nu xña'a̱ ngana ji'i̱ ma̱.
Pablo laca na' nu nchcui' na' lo'o cu'ma̱ juani; tyu'u cha' clyu ti' ji'i̱ ma̱, masi chcui' liñi na' lo'o ma̱. Nacui̱ ngu' cha' ntsi̱i̱ na' lo'o nchcui' na' lo'o ma̱ nu lo'o ndi'i̱ na' slo ma̱, pana tyaala tsa ndu'ni na' lo'o ma̱ nu lo'o nga'a̱ na' tyijyu'; jua'a̱ cha' nda ngu'. Tyi'u ti' ma̱ lacua, cha' xcui' tso'o ti nti' Cristo lo'o ña'a̱ Ni ji'na.
Cu'ma̱ ngu' tya'a na, juani ndijña ya ji'i̱ ma̱ chacuayá' ji'i̱ Jesús nu Xu'na na, cha' ña'a̱ ti cua'ni ma̱ lcaa ña'a̱ cha' tso'o nu nti' ycui' Ndyosi cha' cua'ni ma̱ laja lo'o tyi'i̱ ma̱ chalyuu. Li' tso'o la caca cua'ni ma̱ cña ji'i̱ ycui' Ndyosi. Chañi cha' tso'o tsa ndyu'ni ma̱, pana cua nti' ya cha' ña'a̱ ti tya cua'ni la ma̱ la cui' cña nu cua ngulu'u ya ji'i̱ ma̱ tya tsubi' la cuentya ji'i̱ ycui' Ndyosi.
jua'a̱ ji'i̱ ñati̱ nu ñasi̱' ji'i̱ ngu'. Tso'o ti chcui' ngu' bi' lo'o ñati̱ nu ñasi̱', cha' jua'a̱ taca cua'ni ycui' nu Xu'na na cña ne' cresiya ji'i̱ ñati̱ nu ñasi̱' bi', cha' taca culu'u Ni ji'i̱ ngu' ñi'ya̱ laca lo'o cha' liñi bi'. Tso'o tsa si culochu̱' ñati̱ nu ñasi̱' bi' lcaa cha' cuxi nu ndyu'ni ngu',
Culacua ti' ma̱ ñi'ya̱ caca xtyucua ma̱ ji'i̱ ngu' tya'a ngusñi na cha' ji'i̱ ycui' Ndyosi, nu lo'o cua ngusu'ba ngu' ji'i̱ tya'a na bi' ne' chcua̱. Lo'o jua'a̱ xtyucua ma̱ ji'i̱ ngu' tya'a na nu quicha ti', xqui'ya cha' lya' ti' ngu' ji'i̱ ngu' bi'. Tyi'u ti' ma̱ cha' xtyucua ma̱ ji'i̱ ngu' bi', ñi'ya̱ si ycui' ca ma̱ nchcube' ma̱ lo'o ngu'.
Nu lo'o nti' ma̱ cha' tso'o tsa nchca ji'i̱ ma̱ nchcui' ma̱, cha' tso'o tsa nduna ma̱ scaa cha' nu nda ñati̱ lo'o ma̱, li' xcui' cha' tso'o ti cua'ni ma̱ laja lo'o ndi'i̱ ma̱ chalyuu, cha' taca cui'ya xa' la ñati̱ cuentya ji'i̱ ma̱ cha' ñati̱ tso'o laca ma̱. Ná quiña'a̱ cha' tyu'u tyiquee ma̱ ña'a̱ ma̱ ji'i̱ ngu', pana tso'o ti chcui' ma̱ lo'o ngu'.
Chañi laca cha' ntsu'u quiya' lcaa na ndyu'u tsaa tu'ba na lo'o nchcui' na lo'o tya'a ñati̱ na; ná ntsu'u ni sca ñati̱ nu bilya tyu'u tsaa tu'ba tsiya' ti, nu lo'o nchcui' ngu' lo'o tya'a ñati̱ ngu'. Si ntsu'u ñati̱ nu nchca ji'i̱ cua'a ji'i̱ cha' nu nchcui' ycui' ca ngu', ñati̱ nu tyucui tyiquee tsiya' ti laca ngu' bi'. Ná tyiquee' taca cua'a ngu' bi' ji'i̱ ña'a̱ tsaca ngu', si jua'a̱; pana tucui tsa laca cha' cua'a na ji'i̱ ycui' ca na, cha' ná chcui' na cha' cuxi.
Tyucui tyiquee ma̱ cua'ni tlyu ma̱ ji'i̱ Cristo, cha' chañi cha' laca Ni nu Xu'na na. Lo'o jua'a̱ culacua xi ti' ma̱ ñi'ya̱ caca xacui̱ ma̱ cha' ji'i̱ ngu' lo'o xcuane ngu' ji'i̱ ma̱ ndi'ya̱: ¿Ni cha' laca ndu̱ ti' ma̱ ji'i̱ nu Cristo bi'? Tso'o ti xacui̱ ma̱ cha' ji'i̱ ngu' bi', ná cua'ni tyixi ma̱ lo'o ngu' bi'.
Lo'o ña'a̱ na ji'i̱ sca ñati̱ tya'a ngusñi na cha' ji'i̱ Jesucristo cha' ndyu'ni yu sca cha' cuxi, pana nda na cuentya cha' ná nscua cha' chcuna' chalyuu ji'i̱ yu xqui'ya cha' cuxi bi', li' tso'o la si jña na cha' clyu ti' ji'i̱ ycui' Ndyosi cuentya ji'i̱ yu tya'a na bi', cha' ná ta Ni chacuayá' cha' chcuna' chalyuu ji'i̱ yu tya'a na bi'. Pana ntsu'u qui'ya tlyu nu ná taca cua'ni clyu ti' ycui' Ndyosi ji'i̱; ná ñacui̱ na' cha' jña na cha' clyu ti' ji'i̱ Ni li', si jua'a̱ ntsu'u qui'ya ji'i̱ ngu'.
ကြော်ငြာတွေ