GÁLATAS 5:9 - Chatino Tataltepec

⁹ Culacua xi ti' ma̱ ni cña cua'ni xi ca ti scua̱ tiye', nu lo'o su'ba ngu' ji'i̱ lo quiña'a̱ catyá xlyá; la cui' jua'a̱ cña nu cua'ni cha' cuxi nu nda ngu' bi' lo'o ma̱.

GÁLATAS 5:9 ပူးပေါင်းရင်းမြစ်များ

SAN MATEO 13:33

Lo'o jua'a̱ nda Jesús chaca cui̱i̱ lo'o ngu': ―Chaca cha' chcui' na' lo'o ma̱, ñi'ya̱ caca lo'o laca ycui' Ni loo ne' cresiya ji'i̱ ñati̱ ―nacui̱ Jesús ji'i̱ ngu'―. Caca bi' ñi'ya̱ laca sa ycu' scua̱ tiye', nu xñi sca nu cuna'a̱ cha' su'ba ji'i̱ lo sna sca' catyá xlyá; quixa' li', cha' tsa tlyu ti tyacuí̱ lcaa scua̱ bi'.

SAN MATEO 23:33

’¡Ñi'ya̱ nti' cuaña, jua'a̱ nti' cu'ma̱! Tajua' tsa ndyu'ni ma̱ cha' cuxi. ¿Ha nti' ma̱ cha' clyaá ma̱ ji'i̱ ycui' Ndyosi cha' ná chcube' ma̱ ca bilyaa? Ná taca ji'i̱ ma̱ jua'a̱.

SAN MARCOS 8:15

Lo'o li' nda Jesús chaca cui̱i̱ lo'o ngu': ―Tii ti ti' ma̱ tyi'i̱ ma̱ ―nacui̱ yu―, cui'ya ma̱ cuentya ñi'ya̱ ndu'ni scua̱ tiye' nu nda ngu' bi', nu ngu' fariseo lo'o ngu' nu cuentya ji'i̱ rey Herodes ni.

SAN LUCAS 12:1

Cua ndyu'u ti'i̱ tyu̱u̱ tsa mil tya'a ñati̱ slo Jesús li'. Tachaa tsa ndi'i̱ ngu' bi', ña'a̱ cuayá' nu nsatá quiya' ngu' ji'i̱ tya'a ngu'. Laja li' nchcui' Jesús lo'o nu ngu' nu ndyaca tsa'a̱ ji'i̱: ―Tii ti' ma̱ ji'i̱ cña nu ndyu'ni ngu' fariseo, nu ngu' nu tacati tsa ndu'ni ycui' ca ngu', nti' ngu'.

SAN LUCAS 13:21

Laca cha' bi' ñi'ya̱ laca sca ycu' scua̱ tiye' nu ngusu'ba sca nu cuna'a̱ lo sna tya'a sca' catyá xlyá, nguixa' li', cha' tsa tlyu ti tyacuí̱ scua̱ bi'.

1 CORINTIOS 15:33

Chañi tsa laca cha' nu nchcui' ñati̱ ndi'ya̱: “Si xcui' lo'o ñati̱ cuxi ndya'a̱ na, xtyanu na ji'i̱ cha' tso'o nu ndu'ni na li'”. Ná tucuá ma̱ cha' ji'i̱ ñati̱ nu ñacui̱ cha' ná caca cuxi tyiquee na lo'o ndu'ni na cha' cuxi.

2 TIMOTEO 2:17

Cha' cuxi laca nu nclu'u ngu' bi', lo'o jua'a̱ tlyu la caca cha' cuxi bi' nde loo la. Ñi'ya̱ ndyaluu sca quichu' tyaala nu nga'a̱ lo cuaña' na, ña'a̱ cuayá' cua'ni ñu'u̱ ji'i̱ ña'a̱ tsaca cuaña' na, la cui' jua'a̱ laca cha' cuiñi nu nclyu'u yu Himeneo lo'o yu Fileto bi'.