GÁLATAS 5:5 - Chatino Tataltepec

⁵ Pana nu na ni, tso'o tsa ntsu'u tyiquee na ndu̱ ti' na cha' cua'ni Ni cha' ca tso'o lijyi cresiya ji'na cuentya ji'i̱ ycui' Ni, nu lo'o tsaa na tsaa tyi'i̱ na lo'o Ni. Bi' laca cña nu ndu'ni Xtyi'i ycui' Ni ne' cresiya ji'na, xqui'ya cha' ngusñi na cha' ji'i̱ Cristo.

GÁLATAS 5:5 ပူးပေါင်းရင်းမြစ်များ

ROMANOS 5:21

Nu cuxi laca loo ji'na, bi' cha' ndyijii na; pana juani nti' ycui' Ndyosi caca Ni loo ji'na, cha' tya'na tsa ti' Ni ji'na. Lo'o caca tso'o cresiya ji'na cuentya ji'i̱ Ni, li' ta Ni sca chalyuu nu ná nga'a̱ cha' tye ji'na xqui'ya Jesús nu Xu'na na.

1 CORINTIOS 1:7

Ná sca cha' lyiji ji'i̱ ma̱ ne' cresiya ji'i̱ ma̱; lcaa cña nchca ji'i̱ ma̱ tyempo juani, xqui'ya cha' ndu̱ tsa ti' ma̱ cha' ca̱a̱ Jesucristo nu Xu'na na chaca quiya'.

EFESIOS 2:18

Lo'o juani ná ndu'ni cha' masi ngu' judío laca ya, masi xa' ñati̱ laca ma̱, sca ti lo ñati̱ laca na lo'o lcaa tya'a na xqui'ya Cristo, sca ti Xtyi'i ycui' Ndyosi ndu'ni cha' tyuloo na ji'i̱ Ni;

FILIPENSES 3:9

cha' stu'ba ti tyu'u tyiquee na' lo'o Ni. Ná ngüityi̱ ycui' Ndyosi qui'ya 'na nu lo'o ndaquiya' tsa na' ji'i̱ nu cha' cusu' bi'; laca cha' cua ngüityi̱ ycui' Ni qui'ya 'na lo'o jlya ti ti' na' ji'i̱ cña nu ngua'ni Cristo, tsa bi' ti cha'. Bi' cha' ngua'ni Ni cha' caca tso'o cresiya jna'.

1 TESALONICENSES 1:10

Lo'o jua'a̱ nchcui' ngu' cha' juani ndu̱ ti' ma̱ ni jacua' tya̱a̱ Jesús nu sca ti Sñi' ycui' Ndyosi, nu cua tyu'u ca su ntucua ycui' Ndyosi cha' ca̱a̱ nde chalyuu chaca quiya'. La cui' Jesús nu ngujuii, lo'o li' ngua'ni ycui' Ndyosi Sti yu cha' ndyu'ú yu chaca quiya', bi' laca nu ngua'ni lyaá ji'na cha' nga'aa xcube' ycui' Ndyosi ji'na, nga'aa caca ñasi̱' Ni ji'na lo'o tyalaa tsa̱ bi'.

2 TESALONICENSES 3:5

Lo'o jua'a̱ cua'ni ycui' nu Xu'na na cña ne' cresiya ji'i̱ ma̱, cha' tyi'u ti' ma̱ cha' ntsu'u tsa tyiquee ycui' Ndyosi ña'a̱ Ni ji'i̱ ma̱; li' talo tyiquee ma̱ ñi'ya̱ lo'o ndalo tyiquee ycui' Cristo lo'o nguta'a̱ yu lo'o ñati̱ tya clyo.

2 TIMOTEO 4:8

bi' cha' jlo ti' na' cha' ntsu'u sca cha' tso'o nu tyacua 'na; ta ycui' nu Xu'na na cha' tso'o bi' jna' nu lo'o tyalaa tsa̱ lo'o cua'ni cuayá' Ni ji'i̱ lcaa ñati̱, cha' liñi tsa ndu'ni cuayá' ycui' Ndyosi. Ta Ni cha' tso'o bi' ji'i̱ lcaa ñati̱ nu ntajatya tsa ji'i̱ Cristo ni jacua' ca̱a̱ Ni chaca quiya', xqui'ya cha' ntsu'u tsa tyiquee ngu' ña'a̱ ngu' ji'i̱ Ni; si'i jna' ti ta Ni cha' bi'.

TITO 2:13

Jua'a̱ ti ngulu'u Ni ji'na, cha' taca ca tso'o tyiquee na laja lo'o ntajatya na ji'i̱ ycui' Ndyosi nu tlyu tsa cha' nu ntsu'u ji'i̱ Ni, ni jacua' ca̱a̱ Ni chaca quiya'. Ndubi tsa xee ntsu'u ji'i̱ Ni li', nu lo'o tyu'u tucua Jesucristo nu ngua'ni lyaá ji'na.