GÁLATAS 5:3 - Chatino Tataltepec

³ Tya chcui' na' cha' bi' lo'o ma̱ chaca quiya': Lo'o ngulacua̱ ma̱ ñi'ya̱ si laca ma̱ sca ngu' judío, li' ntsu'u cha' cua'ni ma̱ lcaa ña'a̱ cha' nu nscua lo quityi cusu' cuentya ji'i̱ ngu' judío bi'.

GÁLATAS 5:3 ပူးပေါင်းရင်းမြစ်များ

SAN MATEO 23:16

’¡Tya'na tsa cu'ma̱! Na cua nti' ma̱ culu'u ma̱ ji'i̱ xa' ñati̱; pana cuityi̱' ycui' ca cu'ma̱, cha' ná nda ma̱ cuentya tsiya' ti. Ndi'ya̱ nchcui' ma̱: “Si cua'ni ngu' jura cuentya ji'i̱ laa tonu re cha' cua'ni lyiji ngu' sca cña, ná sca cha' laca”, nacui̱ ma̱. “Pana si cua'ni ngu' jura cuentya ji'i̱ na oro nu ntsu'u ne' laa cha' cua'ni ngu' cña bi', li' ntsu'u cha' cua'ni ngu' lcaa cña tsiya' ti nu cua nchcui' ngu'”, nacui̱ ma̱.

SAN MATEO 23:18

Lo'o jua'a̱ chaca cha' nchcui' ma̱: “Si cua'ni ngu' jura cuentya ji'i̱ mesa nu ntsu'u ne' laa re, cha' cua'ni lyiji ngu' sca cña, ná sca cha' laca”, nacui̱ ma̱. “Pana si cua'ni ngu' jura cuentya ji'i̱ msta̱ nu nsta ngu' lo mesa bi', cha' cua'ni ngu' cña bi', li' ntsu'u cha' cua'ni ngu' lcaa cña tsiya' ti nu cua nchcui' ngu'”, nacui̱ ma̱.

SAN LUCAS 16:28

ca su ntsu'u ca'yu tya'a ngu' tya'a na', cha' chcui' yu lo'o ngu', cha' ná ca̱a̱ ngu' ca nde su ntsu'u na' nchcube' na'.”

LOS HECHOS 15:1

Ngua sca tsa̱ ndyalaa xi ñati̱ nu ndu'u nde loyuu su cuentya Judea, ndyalaa ngu' quichi̱ Antioquía bi'. Li' nguxana nclyu'u ngu' ji'i̱ ñati̱ ji'i̱ Jesucristo cha' ná chañi cha' cua'ni lyaá ycui' Ndyosi ji'i̱ ngu', si bilya xi'yu ngu' quiji̱ ngu' qui'yu bi', cha' culacua̱ ngu'. Jua'a̱ laca cña nu ngulo jyo'o Moisés ji'i̱ ngu' sa'ni cha' cua'ni ngu', nacui̱ ngu' bi'.

LOS HECHOS 2:40

Tya quiña'a̱ la cha' nchcui' Pedro lo'o ngu' li'. Liñi tsa ngulo yu cña ji'i̱ ngu': ―Xtyanu ma̱ ji'i̱ ñati̱ nu ndu'ni xcui' cha' cuxi ―nacui̱ yu ji'i̱ ngu'.

LOS HECHOS 20:21

Sca ti cuaya' nchcui' na' lo'o lcaa ngu', masi lo'o ngu' judío tya'a na', masi lo'o xa' la ñati̱; sca ti cha' ngulu'u na' ji'i̱ lcaa ma̱, cha' nga'a̱ cha' culochu̱' ma̱ ji'i̱ lcaa cha' cuxi nu ntsu'u ji'i̱ ma̱ lo'o xñi ma̱ cha' ji'i̱ Jesucristo nu Xu'na na.

ROMANOS 2:25

Jlya tsa ti' ma̱ cha' nu nacui̱ cha' si'yu ma̱ quiji̱ ngu' qui'yu sñi' ma̱ lo'o tya cuañi' ngu', cha' culacua̱ ngu'. Tso'o tsa si lo'o taquiya' ma̱ lcaa cha' nu nda ycui' Ndyosi lo'o jyo'o Moisés; pana si ná taquiya' ma̱ lcaa cha' bi', cua laca ma̱ ñi'ya̱ si ná nsi'yu quiji̱ ma̱ tsiya' ti li'.

GÁLATAS 3:10

Pana cua ña'a̱ ca ñati̱ nu tsa bi' ti cña nti' cha' taquiya' ji'i̱ cha' cusu' nu nguscua jyo'o Moisés, tyanu yabe' hichu̱' ñati̱ bi', cha' ndi'ya̱ nchcui' quityi ji'i̱ ycui' Ndyosi: “Tyanu yabe' hichu̱' lcaa ñati̱ si ná taquiya' ngu' ji'i̱ lcaa ca cha' nu nscua lo quityi bi'”.

GÁLATAS 5:2

Cua'a̱ jyaca̱ ma̱ ji'i̱ cha' nu nchcui' na' lo'o ma̱. Pablo laca na' nu nda na' cha' re lo'o ma̱. Ndi'ya̱ nacui̱ na' ji'i̱ ma̱: Nga'aa caca xtyucua Cristo ji'i̱ ma̱ si ta ma̱ chacuayá' cha' si'yu ngu' quiji̱ ma̱ ñi'ya̱ nu ndu'ni ngu' judío cha' culacua̱ ngu'.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

EFESIOS 4:17

Chacuayá' ji'i̱ ycui' nu Xu'na na chcui' na' xi lo'o cu'ma̱ juani: Nti' tsa na' culo na' cña ji'i̱ cu'ma̱ cha' nga'aa cua'ni ma̱ ñi'ya̱ nu ndu'ni ngu' nu ná nslo ji'i̱ ycui' Ndyosi tsiya' ti; cua ña'a̱ ca cha' cuxi nu nda'ya hique ngu', xcui' jua'a̱ ndu'ni ngu' bi' chalyuu. Sca cha' tonto tsa ndu'ni ngu' bi',

1 TESALONICENSES 4:6

Nga'aa xlyaá ma̱ ji'i̱ nu cuna'a̱ ji'i̱ ngu' tya'a ma̱, masi ji'i̱ clyo'o ngu', masi ji'i̱ sñi' ngu'. Cua nchcui' tsa ya lo'o ma̱ cha' lcaa cha' ña'a̱ ycui' nu Xu'na na; jlo ti' ycui' Ndyosi, lo'o jua'a̱ ntsu'u cha' xcube' Ni ji'i̱ lcaa ñati̱ nu ná taquiya' ji'i̱ cha' bi',

1 JUAN 4:14

Cua na'a̱ ycui' ya ji'i̱ Jesús. Chañi laca cha' nu nchcui' ya lo'o ma̱ juani, cha' cua nda ycui' Ndyosi Sti Jesús chacuayá' ji'i̱ Sñi' ycui' ca Ni cha' cua'ni lyaá ji'i̱ cua ña'a̱ ca ñati̱ ji'i̱ nu cuxi.