GÁLATAS 5:14 - Chatino Tataltepec

¹⁴ Li' taca cua'ni na lcaa cña nu nti' ycui' Ndyosi cha' cua'ni na, si taquiya' na ji'i̱ sca ti cha'cña nu nchcui' ndi'ya̱: “Nga'a̱ cha' tso'o ti tyu'u tyiquee na ña'a̱ na ji'i̱ xa' la ñati̱, ñi'ya̱ nu tso'o tsa ntsu'u tyiquee na ña'a̱ na ji'i̱ ycui' ca ti na”.

GÁLATAS 5:14 ပူးပေါင်းရင်းမြစ်များ

SAN MATEO 7:12

’Nga'a̱ cha' cua'ni tso'o ma̱ lo'o xa' ñati̱ si nti' ma̱ cha' tso'o ti cua'ni ngu' lo'o ma̱. La cui' cña bi' ngulo ycui' Ndyosi lo quityi nu nguscua jyo'o Moisés, lo'o jua'a̱ cha' nu nguscua xa' jyo'o cusu' nu ngua tu'ba ji'i̱ ycui' Ndyosi sa'ni la; sca ti cuayá' ndyu'u cha' nu nchcui' lcaa ngu' bi' lo quityi.

SAN MARCOS 12:31

Lo'o jua'a̱ nscua chaca cha' nu nchcui' ndi'ya̱: “Cua'ni tya'na ti' ma̱ ji'i̱ tya'a ñati̱ ma̱ ñi'ya̱ nu ndu'ni tya'na ti' ma̱ ji'i̱ ycui' ca ma̱”. Nga'aa ntsu'u xa' la cña nu ndulo la ji'na cha' cua'ni na ―nacui̱ Jesús.

SAN MARCOS 12:33

Lo'o jua'a̱ tyucui tyiquee na nga'a̱ cha' tyu'u cha' ji'na lo'o ycui' Ndyosi, jua'a̱ lo'o lcaa cha' nu nda'ya hique na, jua'a̱ lo'o tyucui juersa ji'na tyu'u cha' ji'na lo'o Ni; ndu'ni tsa cha' cua'ni na jua'a̱. Lo'o jua'a̱ cha' cua'ni tya'na ti' na ji'i̱ tya'a ñati̱ na, ñi'ya̱ nu tya'na ti' na ña'a̱ na ji'i̱ ycui' ca na, tso'o tsa cha' bi'. Nu lo'o cua'ni na cña jua'a̱, quiña'a̱ tsa cha' tso'o ndyu'ni na li'. Xtyi la cha' ndulo ji'na cha' tsaa lo'o na msta̱ nu caca ji'i̱ ycui' Ndyosi, masi msta̱ ndyaqui̱, masi na'ni lu'ú nu cujuii na ca ne' laa cha' caca msta̱.

SAN JUAN 13:34

Nde chcui' na' sca cña cucui lo'o ma̱ cha' cua'ni ma̱: Nga'a̱ cha' tso'o ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱; ñi'ya̱ ntsu'u tsa tyiquee na' ña'a̱ na' ji'i̱ ma̱, la cui' jua'a̱ nga'a̱ cha' tyu'u tyiquee ma̱ ña'a̱ ma̱ ji'i̱ tya'a ñati̱ ma̱.

GÁLATAS 1:6

Ndube tsa ti' na' cha' yala ti nguta'a̱chu̱' ma̱ ji'i̱ ycui' Ndyosi, masi ngusubi Ni ji'i̱ ma̱ xqui'ya cha' ntsu'u tsa tyiquee Cristo ña'a̱ ji'na; ndube ti' na' cha' nduna ma̱ chaca cha' nu si'i cha' ji'i̱ ycui' Ndyosi laca, nu nacui̱ ngu' cha' taca cua'ni lyaá ji'na ji'i̱ nu cuxi.

GÁLATAS 6:2

Cua'ni ma̱ cha' stu'ba ti caca tyiquee ma̱ lo'o tya'a ma̱, cha' caca xtyucua ma̱ ji'i̱ ngu' lo'o sca cha' nu ntsu'u ji'i̱ ngu', cha' ná cua'ni ngu' sca cha' cuxi. Jua'a̱ taca taquiya' tso'o na lcaa cña nu nda Cristo cha' cua'ni na.

1 TIMOTEO 1:5

Culo nu'u̱ cña ji'i̱ ngu' cha' tso'o tsa tyu'u tyiquee ngu' ña'a̱ ngu' ji'i̱ tya'a ngu', cha' bi' laca cña nu ndu'ni ñati̱ nu ngua lubii cresiya ji'i̱ cuentya ji'i̱ ycui' Ndyosi; jlo ti' ñati̱ bi' ñi'ya̱ laca cña tso'o, lo'o jua'a̱ ndyu'ni ngu' bi' cña tso'o bi' li'. Chañi cha' ngusñi ngu' bi' cha' ji'i̱ ycui' Ndyosi si ntsu'u tyiquee ngu' ña'a̱ ngu' ji'i̱ tya'a ngu'.