GÁLATAS 4:8 - Chatino Tataltepec

⁸ Sa'ni la lo'o tya lyiji caca cuayá' tso'o ti' ma̱ cha' ji'i̱ ycui' Ndyosi, xa' la jo'ó ndatsaa ji'i̱ ma̱ cha' cua'ni ma̱ cña ji'i̱, jo'ó nu si'i jo'ó nu chañi ca.

GÁLATAS 4:8 ပူးပေါင်းရင်းမြစ်များ

SAN JUAN 1:10

Ndi'i̱ yu bi' lo yuu, la cui' ti cha' nu cua nda ycui' Ni lo'o ñati̱. Lo'o yu bi' ngüiñá Ni chalyuu, pana ná ndyuloo ñati̱ chalyuu ji'i̱ yu bi' li'.

LOS HECHOS 14:12

Nchcui' ngu' cha' jo'ó Júpiter laca Bernabé, lo'o jo'ó Mercurio laca Pablo nacui̱ ngu', xqui'ya cha' nda tsa Pablo cha' lo'o ngu'.

LOS HECHOS 17:23

Ndyaa na'a̱ na' xi calle quichi̱ re, lo'o li' na'a̱ na' lcaa jo'ó nu cuentya ji'i̱ cu'ma̱. Li' na'a̱ na' sca mesa nu ndu̱ laja ti su nscua sca cha'cña nde sii' mesa bi' nu ndi'ya̱ nchcui': “Nde laca mesa ji'i̱ jo'ó nu bilya tyuloo ya ji'i̱”. Cha' ji'i̱ ycui' Ndyosi nu bilya slo ma̱ tilaca laca Ni, cha' ji'i̱ nu ycui' Ndyosi bi' ta na' lo'o ma̱ juani ―nacui̱ yu―.

ROMANOS 1:23

Ná nti' ngu' cua'ni tlyu ngu' ji'i̱ ycui' Ndyosi nu laca loo la, la cui' Ni laca nu ná tye chalyuu ji'i̱ tsiya' ti; ndiya la ti' ngu' cua'ni tlyu ngu' ji'i̱ lcui̱ ñati̱ nu ndyijii ti. Lo'o jua'a̱ ndu'ni tlyu ngu' ji'i̱ lcui̱ quiñi nu ndacui nde cua̱, lo'o ji'i̱ lcui̱ na'ni nu ntucua quiya', lo'o ji'i̱ lcui̱ na'ni nu nsube' ne' ni' lo yuu; bi' laca cha' nu ndu'ni tlyu ngu' ji'i̱.

ROMANOS 1:28

Jua'a̱ laca ji'i̱ ngu', cha' ná nti' ngu' tyuloo ngu' ji'i̱ ycui' Ndyosi; bi' cha' nguxtyanu Ni ji'i̱ ngu' cha' cua'ni ngu' cha' cuxi bi', nda Ni xi tyempo cua'ni ngu' ñi'ya̱ nu nti' ti ngu' cua'ni ngu'.

1 CORINTIOS 1:21

Ngua'ni Ni cha' ná caja ñi'ya̱ tyuloo ñati̱ chalyuu ji'i̱ Ni cha' hique ti ngu'; jua'a̱ tso'o la, ngua ti' ycui' Ndyosi. Pana ndu'ni lyaá Ni ji'i̱ ñati̱ nu xñi cha' ji'i̱ Ni; la cui' cha' nu ndacha' na ji'i̱ ngu', masi cha' tonto nchcui' na, nacui̱ ngu' li'.

1 CORINTIOS 12:2

Cua jlo ti' ma̱ ñi'ya̱ nu ngua'ni ma̱ tya sa'ni la, nu lo'o bilya cuna ma̱ cha' ji'i̱ Jesús; na nguñilo'o lcui̱ jo'ó ji'i̱ ma̱, jo'ó nu cu'u̱ ti, cha' jlya ti' ma̱ lcua ti lo cha' nu ntsu'u ji'i̱ jo'ó bi'.

1 CORINTIOS 8:4

Tso'o lacua. Ta na cha' lo'o tya'a na si tso'o cuentya ji'i̱ ycui' Ndyosi cha' cacu na msta̱ nu cua ngusta ngu' slo jo'ó tya clyo. Cua jlo ti' na ñi'ya̱ nu laca sca lcui̱ jo'ó, lcui̱ ti laca bi'. Ná tyaca̱' ña'a̱ na sca na nu lu'ú, ñi'ya̱ nu ña'a̱ lcui̱ jo'ó bi'. Sca ti ycui' Ndyosi Sti na ntsu'u chalyuu.

GÁLATAS 4:3

La cui' jua'a̱ laca ji'na lo'o Jesús. Lo'o tya lyiji cuna na cha' ji'i̱ Jesús, caca ñacui̱ na cha' tya sube na, xqui'ya cha' tya ndu'ni na cña nu ndatsaa cua ña'a̱ ca jo'ó ji'na, ñi'ya̱ nu ndu'ni ti xa' ñati̱.

EFESIOS 4:18

talya tsiya' ti chalyuu nu ntsu'u ji'i̱ ngu' bi'; bi' cha' ná nchca ca cuayá' ti' ngu' tsiya' ti. Ná ntsu'u cha' ji'i̱ ngu' bi' lo'o chalyuu cucui nu cua nda ycui' Ndyosi ji'na cha' tyi'i̱ tso'o ti na, xqui'ya cha' ná jlo ti' ngu' bi' tsiya' ti, cha' ná ntaja'a̱ ngu' bi' xñi tyiquee ngu' sca cha' liñi.

1 TESALONICENSES 1:9

La cui' ngu' bi' nda ngu' cha' lo'o ya ñi'ya̱ ngua lo'o ndyalaa ya slo ma̱ tya clyo, cha' li' nguxtyanu ma̱ ji'i̱ lcua ti lo jo'ó nu ntsu'u ji'i̱ ma̱ tya sa'ni la, cha' cua'ni ma̱ cña ji'i̱ ycui' Ndyosi nu lu'ú ca, nu sca ti Ndyosi nu chañi ca.

1 TESALONICENSES 4:5

cha' ná nti' ycui' Ndyosi cha' cua'ni suba' ma̱ lo'o clyo'o ma̱, ñi'ya̱ nu ndu'ni ngu' nu ná ndaquiya' ji'i̱ ycui' Ni tsiya' ti.

2 TESALONICENSES 1:8

Li' xcube' ycui' Ndyosi ji'i̱ cua ña'a̱ ca ñati̱ nu ná ntaja'a̱ taquiya' ji'i̱ Ni, lo'o jua'a̱ xcube' Ni ji'i̱ ñati̱ nu ná ntaja'a̱ xñi cha' tso'o ji'i̱ ycui' Jesús nu Xu'na na.

1 PEDRO 4:3

Tyempo nu nteje tacui, cua ngua'ni ma̱ lcaa cha' cuxi ñi'ya̱ nu ndiya ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Cuayá' tsa lo cua ti cha' cuxi: bi' cha' nga'aa cua'ni suba' ma̱ lo'o tya'a ñati̱ ma̱ juani, nga'aa cua'ni ma̱ lcaa lo cha' cuxi nu ndiya ti' ma̱ cua sa'ni la; nga'aa caca cu'bi ma̱, nga'aa tyeje tacui ma̱ cuayá' cacu ma̱, co'o ma̱, ñi'ya̱ nu ndyu'ni ngu' nu ná ndube ti' lo'o ndya'a̱ ngu' bi' ta'a; nga'aa cua'ni tlyu ma̱ ji'i̱ lcui̱ jo'ó, cha' suba' tsa cha' bi' cuentya ji'i̱ ycui' Ndyosi.

1 JUAN 3:1

Tlyu tsa cha' tso'o laca cha' ntsu'u tsa tyiquee ycui' Ndyosi Sti na ña'a̱ Ni ji'i̱ ca ta'a ngu' tya'a ntsu'u cha' ji'na lo'o Jesucristo; bi' cha' laca cha' nchcui' ycui' Ndyosi ji'na cha' sñi' ycui' Ni laca na, lo'o jua'a̱ chañi laca cha' bi'. Ná ntaja'a̱ ñati̱ chalyuu tyuloo ji'na cha' sñi' Ni laca na; la cui' jua'a̱ lo'o nguti'i̱ Jesucristo chalyuu, ná ntaja'a̱ ngu' tyuloo ngu' ji'i̱ yu li'.