GÁLATAS 4:31 - Chatino Tataltepec

³¹ Lo'o lcaa na tya'a ngusñi na cha' ji'i̱ Cristo ni, si'i sñi' nu cuna'a̱ nu ndi'i̱ ndyu'ni cña msu ti laca na; na ndi'i̱ tso'o ti na ñi'ya̱ nguti'i̱ Isaac, sñi' nu cuna'a̱ nu ndi'i̱ tso'o ti bi'.

GÁLATAS 4:31 ပူးပေါင်းရင်းမြစ်များ

SAN JUAN 8:36

Na' nu laca̱ nu sca ti Sñi' ycui' Ndyosi ni, lo'o cua'ni lyaá na' ji'i̱ ma̱, chañi cha' nga'aa caca tatsaa ngu' ji'i̱ ma̱ cha' cua'ni ma cña cuxi chaca quiya' ca su ndi'i̱ ma̱ ―nacui̱―.

GÁLATAS 4:22

Nacui̱ quityi cha' ngula tucua tya'a sñi' jyo'o Abraham bi': nu clyo ngua sñi' nu cuna'a̱ cua', sca nu cuna'a̱ nu cua ngüi'ya yu cha' cua'ni cña ji'i̱ yu; nu chaca bi' ngua sñi' ycui' clyo'o yu, sca nu cuna'a̱ nu ndi'i̱ tso'o ti.

GÁLATAS 4:30

Lo'o jua'a̱ ntsu'u chaca cha' nu nchcui' quityi cusu' bi', cha' ndi'ya̱ nacui̱ clyo'o Abraham bi': “Culo'o ji'i̱ nu cuna'a̱ nu ngüi'ya ti nu'u̱ cha' tyaa cho', tyaalo'o ji'i̱ sñi' bi'. Ná taca tyanu cha' tso'o nu ntsu'u jinu'u̱ lo'o tyucuaa sñi' nu'u̱. Ná nchca ca stu'ba cha' ji'i̱ sñi' nu cuna'a̱ cua' bi' lo'o sñi' na', cha' sca nu cuna'a̱ nu ndi'i̱ tso'o ti laca na'”, nacui̱ clyo'o Abraham bi'.

GÁLATAS 5:1

Cua ngua'ni lyaá Cristo ji'na, cha' taca tyi'i̱ tso'o ti na chalyuu. Bi' cha' ña'a̱ ti tya tyi'i̱ tso'o ti ma̱ chalyuu lacua; nga'aa ta ma̱ tyempo cha' caca loo xa' ñati̱ ji'i̱ ma̱, ñi'ya̱ si cua ngüi'ya ngu' ji'i̱ ma̱ cha' cua'ni ma̱ cña ji'i̱ ngu'.

GÁLATAS 5:13

Cua ngusubi ycui' Ndyosi ji'i̱ ma̱ cha' caca tyi'i̱ tso'o ti ma̱ chalyuu. Tsa bi' ti cha', tii ti ti' ma̱ tyi'i̱ ma̱ chalyuu; ná clyana ma̱ cha' cuxi nu cua'ni ma̱ laja lo'o ndi'i̱ tso'o ti ma̱, cha' si'i na ndi'i̱ tso'o ti na cha' culiji na na nu ntsu'u ji'na jua'a̱ ti. Ntsu'u cha' xtyucua na ji'i̱ tya'a ñati̱ na xqui'ya cha' ntsu'u tsa tyiquee na ña'a̱ na ji'i̱ ngu', bi' cha' ndi'i̱ tso'o ti na.