GÁLATAS 4:30 - Chatino Tataltepec

³⁰ Lo'o jua'a̱ ntsu'u chaca cha' nu nchcui' quityi cusu' bi', cha' ndi'ya̱ nacui̱ clyo'o Abraham bi': “Culo'o ji'i̱ nu cuna'a̱ nu ngüi'ya ti nu'u̱ cha' tyaa cho', tyaalo'o ji'i̱ sñi' bi'. Ná taca tyanu cha' tso'o nu ntsu'u jinu'u̱ lo'o tyucuaa sñi' nu'u̱. Ná nchca ca stu'ba cha' ji'i̱ sñi' nu cuna'a̱ cua' bi' lo'o sñi' na', cha' sca nu cuna'a̱ nu ndi'i̱ tso'o ti laca na'”, nacui̱ clyo'o Abraham bi'.

GÁLATAS 4:30 ပူးပေါင်းရင်းမြစ်များ

SAN JUAN 8:35

Lo'o sca ñati̱ nu ntsu'u xu'na ni, cua laca ti hora ndyiji cha' tso'o ji'i̱ ca su ndi'i̱ yu to' tyi xu'na yu, cha' si'i ñi'ya̱ laca sñi' laca msu nu ndi'i̱ slo xu'na yu. Pana sñi' nu xu'na bi', lcaa tyempo ndi'i̱ sñi' lo'o sti, ndyiji tsa cha' tso'o ji'i̱ ―nacui̱ Jesús―.

ROMANOS 11:2

Nu ngua sa'ni ngusubi ycui' Ndyosi ji'i̱ ngu' Israel, cha' caca ngu' ñati̱ ji'i̱ Ni; juani nga'aa culaya' Ni ji'i̱ ngu' bi'. ¿Ha ná ntsu'u ti' ma̱ cha' nu nscua lo quityi cuentya ji'i̱ nu Elías bi'? Sca jyo'o cusu' nu nda cha' ji'i̱ ycui' Ndyosi lo'o ñati̱ sa'ni ngua jyo'o Elías bi'; pana nu lo'o nchcui' Elías lo'o ycui' Ndyosi, ngusta yu qui'ya ji'i̱ ngu' Israel ndi'ya̱:

ROMANOS 4:3

Nde laca cha' nu nscua lo quityi ji'i̱ ycui' Ndyosi: “Ngusñi Abraham cha' nu nda ycui' Ndyosi lo'o yu; bi' cha' ngüiñi cha' ji'i̱ Ni lo'o yu cha' caca tso'o cresiya ji'i̱ yu, xqui'ya cha' jlya ti ti' yu ji'i̱ Ni”. Jua'a̱ nscua lo quityi bi'.

GÁLATAS 3:22

Cua nchcui' quityi ji'i̱ ycui' Ndyosi cha' nu cuxi laca loo la ji'i̱ lcaa ñati̱ chalyuu, ñi'ya̱ si na cua laca na preso ji'i̱. Si jlo ti' na cha' nu cuxi laca loo ji'na, li' taca ji'i̱ Ni cua'ni lyaá Ni ji'na; ta Ni chalyuu cucui ji'na li', nu lo'o xñi na cha' ji'i̱ ycui' Jesucristo. Bi' laca nu cha' tso'o nu cua ngüiñi ji'i̱ ycui' Ni lo'o na.

GÁLATAS 3:8

Cua nscua lo quityi cusu' cha' ndi'ya̱ nchcui' ycui' Ndyosi lo'o nu Abraham bi' nu ngua sa'ni: “Caca tso'o cresiya ji'i̱ lcaa ñati̱ nu ndi'i̱ xa' tsu' xqui'ya nu'u̱”, nacui̱ Ni ji'i̱ Abraham. Ycui' Ndyosi laca nu cua nda cha' bi' lo'o jyo'o bi' yala la, cha' jua'a̱ lo'o cu'ma̱ ngu' xa' tsu' caca tso'o cresiya ji'i̱ ma̱ cuentya ji'i̱ ycui' Ndyosi nde loo la, nu lo'o xñi ma̱ cha' ji'i̱ ycui' Ni.

GÁLATAS 4:22

Nacui̱ quityi cha' ngula tucua tya'a sñi' jyo'o Abraham bi': nu clyo ngua sñi' nu cuna'a̱ cua', sca nu cuna'a̱ nu cua ngüi'ya yu cha' cua'ni cña ji'i̱ yu; nu chaca bi' ngua sñi' ycui' clyo'o yu, sca nu cuna'a̱ nu ndi'i̱ tso'o ti.

GÁLATAS 4:31

Lo'o lcaa na tya'a ngusñi na cha' ji'i̱ Cristo ni, si'i sñi' nu cuna'a̱ nu ndi'i̱ ndyu'ni cña msu ti laca na; na ndi'i̱ tso'o ti na ñi'ya̱ nguti'i̱ Isaac, sñi' nu cuna'a̱ nu ndi'i̱ tso'o ti bi'.

SANTIAGO 4:5

Ndi'ya̱ nscua cha' lo quityi ji'i̱ ycui' Ndyosi, lo'o jua'a̱ si'i cha' laja ti nda Ni: “Nu Xtyi'i ycui' Ndyosi nu nda Ni cha' tyanu ne' cresiya ji'na, ntsu'u tsa tyiquee Ni ña'a̱ Ni ji'na; pana yala tsa caca chi̱i̱ ti' Ni ji'na, si lo'o ntsu'u sca cha' cuxi loo”. Jua'a̱ nacui̱ quityi.