GÁLATAS 4:29 - Chatino Tataltepec

²⁹ Nu lo'o nguti'i̱ jyo'o Abraham bi' chalyuu, nu sñi' nu ngula jua'a̱ ti ni, bi' laca nu ngua'ni lya' ti' ji'i̱ Isaac, sñi' ycui' clyo'o yu, masi ngula nu Isaac bi' xqui'ya sca cha' nu nda Xtyi'i ycui' Ndyosi lo'o ngu'. La cui' jua'a̱ laca juani, cha' nxu̱u̱ tya'a ngu' bi' lo'o na, cha' si'i sñi' ycui' Ndyosi laca ngu' bi'.

GÁLATAS 4:29 ပူးပေါင်းရင်းမြစ်များ

SAN JUAN 15:9

Ñi'ya̱ nu ntsu'u tyiquee Sti na' ña'a̱ Ni jna', jua'a̱ ntsu'u tsa tyiquee na' ña'a̱ na' ji'i̱ cu'ma̱.

SAN JUAN 3:5

―Ta na' sca cha' liñi lo'o nu'u̱ juani ―nacui̱ Jesús―. Ñati̱ laca nu nclya lo'o ndu'ni cala ñati̱ chalyuu ji'i̱, pana Xtyi'i ycui' Ndyosi laca nu ndu'ni cha' cha'a̱ cresiya ji'i̱ ngu' ―nacui̱ Jesús―. Ntsu'u cha' caca cucui cresiya ji'i̱ ma̱ si cua nti' ma̱ cha' culo ycui' Ndyosi cña ji'i̱ ma̱. Ntsu'u cha' tyu'u ma̱ lo hitya, lo'o jua'a̱ ntsu'u cha' tyanu Xtyi'i ycui' Ndyosi ne' cresiya ji'i̱ ma̱ ―nacui̱ Jesús ji'i̱ Nicodemo―.

ROMANOS 8:1

Pana juani ni, ndi'ya̱ ngua'ni ycui' Ndyosi: Nga'aa ndyanu yabe' hichu̱' na, si stu'ba ntsu'u cha' ji'na lo'o Jesucristo; nga'aa taca ji'i̱ nu cuxi nu ntsu'u chalyuu cojolaqui ji'na juani, cha' Xtyi'i ycui' Ndyosi laca loo ji'na lo'o ndi'i̱ na nde chalyuu.

ROMANOS 8:13

Chcuna' chalyuu ji'i̱ ma̱ si xcui' culana ma̱ ji'i̱ cha' cuxi lo'o ndi'i̱ ma̱ chalyuu; pana chacuayá' ji'i̱ Xtyi'i ycui' Ni taca tyiji̱loo ma̱ ji'i̱ cha' cuxi nu ntsu'u ji'i̱ ma̱, cha' nga'aa cua'ni la ma̱ ji'i̱. Caja chalyuu nu ná nga'a̱ cha' tye ji'i̱ ma̱ li'.

GÁLATAS 4:23

Sñi' nu cuna'a̱ cua' bi' ni, ngula bi' jua'a̱ ti, ñi'ya̱ nu nclya lcaa nu sube chalyuu; pana sñi' ycui' clyo'o yu ni, ngula bi' xqui'ya sca cha' nu cua nda ycui' Ndyosi lo'o sti, xtya'a̱ sa'ni la, nu lo'o nacui̱ Ni cha' cala sñi' ngu'.

GÁLATAS 5:11

Cu'ma̱ tya'a ngusñi na cha' ji'i̱ Cristo, jlo ti' ma̱ cha' nga'aa cua'ni lya' ti' ngu' judío 'na si cacha' na' ji'i̱ ma̱ cha' culacua̱ ma̱ ñi'ya̱ ndu'ni ngu' bi'; pana ña'a̱ ti ti'í ti' ngu' bi' jna', xqui'ya cha' ná nda na' cha' bi' lo'o ma̱, cha' sca ti nchcui' na' lo'o cu'ma̱ ñi'ya̱ ndyu'u cha' lo'o ngujuii Jesús lo crusi.