GÁLATAS 4:2 - Chatino Tataltepec

² Ni jacua' tyalaa tsa̱ nu caja cha' nu nguxtyanu jyo'o sti nu sube bi' ji'i̱, xa' ñati̱ laca loo ji'i̱ nu sube bi', xa' ñati̱ laca nu ndyi'ya loo cña ji'i̱ nu sube bi'.

GÁLATAS 4:2 ပူးပေါင်းရင်းမြစ်များ

SAN JUAN 15:7

’Nu lo'o stu'ba ti ntsu'u tyiquee ma̱ lo'o na' ―nacui̱ Jesús―, nu lo'o tyanu cha' nu nchcui' na' ne' cresiya ji'i̱ ma̱, li' taca jña ma̱ sca cha' ji'i̱ Sti na', lo'o jua'a̱ ta Ni cha' bi' ji'i̱ ma̱.

1 CORINTIOS 4:15

Ntsu'u tsa ngu' tya'a ntsu'u cha' ji'na lo'o Cristo nu taca xtyucua ngu' ji'i̱ ma̱, pana sca ti na' ndu'ni na' ñi'ya̱ nu ndu'ni sti ma̱, cha' ndye ndacha' na' cha' tso'o nu cua nda Jesucristo lo'o na ji'i̱ ma̱; xqui'ya na' ngusñi ma̱ cha' ji'i̱ Jesús.

GÁLATAS 3:24

Laca cha' cusu' bi' loo ji'na ñi'ya̱ nti' si laca na sca nu sube; ngulu'u cha' cusu' bi' xi cha' liñi ji'na ña'a̱ cuayá' nu ñaa ycui' Cristo. Pana juani cua'ni Cristo cha' caca tso'o cresiya ji'na cuentya ji'i̱ ycui' Ndyosi, ñi'ya̱ nu nti' ycui' Ni cha' caca na nu lo'o jlya ti' na ji'i̱ nu Cristo bi'.

GÁLATAS 4:1

Ndi'ya̱ cha' nti' na' ta na' lo'o ma̱: Sca nu sube ni, masi nguxtyanu jyo'o sti lcaa cha' tso'o ji'i̱ lo'o ngujuii sti, cha' tya cuañi' nu sube bi', stu'ba nti' lo'o msu nu ngüi'ya ti sti; na ji'i̱ nu sube bi' laca lcaa cha' tso'o bi', pana tya lyiji casu' yu.

GÁLATAS 4:3

La cui' jua'a̱ laca ji'na lo'o Jesús. Lo'o tya lyiji cuna na cha' ji'i̱ Jesús, caca ñacui̱ na cha' tya sube na, xqui'ya cha' tya ndu'ni na cña nu ndatsaa cua ña'a̱ ca jo'ó ji'na, ñi'ya̱ nu ndu'ni ti xa' ñati̱.