GÁLATAS 4:18 - Chatino Tataltepec

¹⁸ Tso'o tsa si lo'o xa' la ñati̱ culu'u ngu' la xi cha' liñi ji'i̱ ma̱, si ntsu'u cha' tso'o tyiquee ngu' ña'a̱ ngu' ji'i̱ ma̱. Tso'o si jua'a̱ caca tyucui tyempo, masi ndi'i̱ na' lo'o ma̱, masi ná ndi'i̱ na'.

GÁLATAS 4:18 ပူးပေါင်းရင်းမြစ်များ

SAN JUAN 2:17

Li' ndyi'u ti' nu ngu' nu ndyaca tsa'a̱ bi' ji'i̱ sca cha' nu nscua lo quityi ji'i̱ ycui' Ndyosi cua sa'ni la: “Caca ñu'u̱ ti' na' cha' tiji̱' tsa ti' na' ji'i̱ ni'i̱ su laca tyi nu'u̱”, nacui̱ quityi bi'.

1 CORINTIOS 15:58

Cu'ma̱ tya'a ngusñi na cha' ji'i̱ Jesús, ntsu'u tsa tyiquee na' ña'a̱a̱ ji'i̱ cu'ma̱. Ndi'ya̱ ñacui̱ na' ji'i̱ ma̱, cha' ña'a̱ ti xñi tso'o ma̱ cha' ji'i̱ ycui' Ndyosi, lcaa tsa̱ jlya ti' ma̱ ji'i̱ Ni; xcui' lye tsa cua'ni ma̱ cña ji'i̱ ycui' nu Xu'na na, ná ca taja ti' ma̱ lo'o cua'ni ma̱ cña bi'. Cua jlo ti' ma̱ cha' ná culiji jua'a̱ ti sca cña nu ndyu'ni ma̱ cuentya ji'i̱ ycui' Ndyosi.

GÁLATAS 4:13

Cua jlo ti' ma̱ ñi'ya̱ ngua 'na nu lo'o nda na' cha' lo'o ma̱ tya clyo, cha' taca cua'ni lyaá Cristo ji'na; quicha tsa na' nu ngua li', bi' cha' ngua laja 'na cha' ta na' cha' bi' lo'o ma̱.

GÁLATAS 4:17

Chañi cha' nti' tsa nu ngu' cuiñi bi', cha' taquiya' ma̱ ji'i̱ cha' nu nchcui' ngu' bi' lo'o ma̱. Pana si'i cha' tso'o tyiquee ngu' ndyu'ni ngu' jua'a̱; na cua nti' ngu' bi', cha' nga'aa taquiya' ma̱ ji'i̱ cha' nu nchcui' ya lo'o ma̱, cha' taquiya' la ma̱ ji'i̱ ycui' ca ngu' bi'.

GÁLATAS 4:20

Pana ná jlo ti' na' tsiya' ti ñi'ya̱ scua na' quityi re nu tsaa slo ma̱ juani; tso'o la si caja ñi'ya̱ nu tsa'a na' slo ma̱ cha' chcui' na' xi lo'o ma̱, cha' ná tyiquee' xa' ña'a̱ cha' chcui' na li'.

FILIPENSES 1:27

Bi' cha' juani, cui'ya ma̱ cuentya ñi'ya̱ nga'a̱ cha' cua'ni ma̱ chalyuu cuentya ji'i̱ cha' ji'i̱ Cristo nu cua ngusñi ma̱. Si jua'a̱ ndu'ni ma̱, li' ná ndu'ni cha' masi ca̱a̱ na' ca quichi̱ tyi ma̱, masi ná caca ca̱a̱ na'. Ná tyiquee' caja cha' 'na cha' sca ti cha' ntsu'u tyiquee ma̱ lo'o tya'a ma̱, cha' ndalo tsa tyiquee ma̱ ji'i̱ tya'a cusu̱u̱ ma̱ ca bi'; ná tyiquee' stu'ba ti culacua ti' ma̱ lo'o tya'a ma̱ laja lo'o tyiquee' tsa nchcui' ma̱ lo'o ngu' cha' xñi ngu' cha' tso'o bi' ji'i̱ Cristo.

FILIPENSES 2:12

Cu'ma̱ ngu' tya'a na nu tyaca'a tsa ma̱ 'na, cua ndaquiya' tsa ma̱ ji'i̱ cha' nu nchcui' na' lcaa tsa̱ lo'o nguti'i̱ na' lo'o ma̱; ña'a̱ ti tya ndulo tsa cha' ji'i̱ ma̱ cha' taquiya' la ma̱ ji'i̱ cha' nu nchcui' na', masi tyijyu' tsa nga'a̱ na' ca su ndi'i̱ ma̱ juani. Ña'a̱ ti cua'ni cña ti' ma̱ cha' caca lyiji lcaa cha' nu ngua ti' ycui' Ndyosi cua'ni Ni ne' cresiya ji'i̱ ma̱ lo'o ngua'ni lyaá Jesucristo ji'i̱ ma̱. Xti ti cha' tyu'u tyiquee ma̱ cuentya ji'i̱ ycui' ma̱, pana cube la ti' ma̱ ji'i̱ ycui' Ndyosi.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.