GÁLATAS 4:17 - Chatino Tataltepec

¹⁷ Chañi cha' nti' tsa nu ngu' cuiñi bi', cha' taquiya' ma̱ ji'i̱ cha' nu nchcui' ngu' bi' lo'o ma̱. Pana si'i cha' tso'o tyiquee ngu' ndyu'ni ngu' jua'a̱; na cua nti' ngu' bi', cha' nga'aa taquiya' ma̱ ji'i̱ cha' nu nchcui' ya lo'o ma̱, cha' taquiya' la ma̱ ji'i̱ ycui' ca ngu' bi'.

GÁLATAS 4:17 ပူးပေါင်းရင်းမြစ်များ

SAN MATEO 23:15

’¡Tya'na tsa cu'ma̱ ngu' mstru cha' jo'ó, lo'o jua'a̱ cu'ma̱ ngu' fariseo, cha' tucua cha' ntsu'u tyiquee ma̱! Tyijyu' tsa ndya'a̱ ma̱, masi tyucui̱i̱ nde lo yuu ti, masi tyucui̱i̱ nteje tacui ma̱ tyujo'o ndya'a̱ ma̱, cha' clyana ma̱ ji'i̱ ñati̱, masi sca ti ñati̱ nu tyaja'a̱ xtyanu ji'i̱ nu xa' la jo'ó nu ndu'ni tlyu yu ji'i̱, cha' xñi yu cha' nu culu'u cu'ma̱ ji'i̱ yu. Li' culu'u ma̱ ji'i̱ yu cha' caca yu sñi' cuiñaja nu tlyu la que cu'ma̱, cu'ma̱ nu ntsu'u cha' tsaa ma̱ ca bilyaa.

ROMANOS 10:2

Liñi tsa cha' nu chcui' na' ji'i̱ ngu' bi', cha' tso'o tsa ndu'ni tlyu ngu' ji'i̱ ycui' Ndyosi nquicha', pana ná jlo tso'o ti' ngu' ñi'ya̱ laca cña nu nti' Ni cha' cua'ni ngu';

ROMANOS 16:18

cha' si'i cña ji'i̱ Cristo laca bi', si xa' la cha' nchcui' ngu' lo'o ma̱. Ndu'ni ngu' bi' lcaa cha' cuxi nu nclyacua ti' ycui' ngu' cha' cua'ni ngu'. Lo'o jua'a̱ ndyu'ni ngu' cha' quichi̱ yaa cha' hique ngu' ti'i, cha' tso'o tsa ndañi cha' nu nda ngu', cha' tajua' ti nchcui' ngu'.

1 CORINTIOS 11:2

Cu'ma̱ tya'a ngusñi na cha' ji'i̱ Cristo, tso'o tsa ntsu'u tyiquee na' ña'a̱a̱ ji'i̱ ma̱, cha' xcui' ndyi'u ti' ma̱ 'na, lo'o jua'a̱ ndu'ni ma̱ lcaa lo cha' nu ngulu'u na' ji'i̱ ma̱.

1 CORINTIOS 4:18

¿Ni cña ndu'ni xi ngu' tya'a ma̱ nu lye tsa ndu'ni tyucuaa ti' ji'i̱ tya'a ma̱? Ná ca̱a̱ na' ca quichi̱ Corinto slo ma̱, nti' ma̱.

1 CORINTIOS 4:8

Ndu'ni ma̱ cha' ndulo tsa cha' ji'i̱ ycui' ma̱, nga'aa ntsu'u na nu lyiji ji'i̱ ma̱ tsiya' ti, nti' ma̱; ndyu'ni ma̱ ñi'ya̱ nu ndu'ni ngu' culiya', ndi'i̱ ma̱ ñi'ya̱ ndi'i̱ nu laca loo chalyuu. Lo'o cuare ni, si'i ñati̱ tlyu laca ya, nti' ma̱. Pana si chañi cha' laca ma̱ loo ji'i̱ ya, ¿ha ná ta ma̱ chacuayá' masi caca stu'ba xi cha' ji'i̱ ya lo'o ma̱ li', cha' lo'o ya caca ya ñati̱ tlyu li'?

2 CORINTIOS 11:3

ndube tsa ti' na' si quiñu'u̱ chca cresiya ji'i̱ ma̱. Tya sa'ni ni, cua nguñilo'o nu cuaña ji'i̱ Eva, cha' tajua' tsa nchcui' nu xña'a̱ bi'. Pana ná nti' na' cha' quiñu'u̱ cha' ji'i̱ ma̱ lo'o Cristo jua'a̱, ná nti' na' cha' ñilo'o nu xña'a ji'i̱ ma̱ xqui'ya xa' ñati̱; juani tso'o tsa cha' tyucui tyiquee ma̱ cua ngusñi ma̱ cha' ji'i̱ ycui' Cristo.

GÁLATAS 4:16

¿Ha nti' ma̱ cha' tya'a cusu̱u̱ ma̱ laca na' xqui'ya cha' liñi nu nda na' lo'o ma̱?

GÁLATAS 4:18

Tso'o tsa si lo'o xa' la ñati̱ culu'u ngu' la xi cha' liñi ji'i̱ ma̱, si ntsu'u cha' tso'o tyiquee ngu' ña'a̱ ngu' ji'i̱ ma̱. Tso'o si jua'a̱ caca tyucui tyempo, masi ndi'i̱ na' lo'o ma̱, masi ná ndi'i̱ na'.

FILIPENSES 2:21

ná ndi'i̱ xa' la ngu' tya'a na ca nde nu ndube ti' ñi'ya̱ ndyaca cña ji'i̱ Jesucristo ca su ndi'i̱ ma̱, xcui' na ntsu'u la tyiquee ngu' ji'i̱ cña ji'i̱ ycui' ca ngu'.

2 PEDRO 2:18

Jlo tsa ti' nu ngu' cuiñi bi' ñi'ya̱ chcui' ngu' sca cha' tso'o, pana tucua lo cha' ntsu'u tyiquee ngu' bi'; na cñilo'o ngu' bi' ji'i̱ ngu' nu ngusñi ca ti cha' tso'o ji'i̱ Jesucristo, cha' lo'o ngu' cua'ni suba' ngu' chaca quiya' nti' nu ngu' cuiñi bi'. Ñi'ya̱ ngua'ni ngu' cha' cuxi tya tsubi' la, nu lo'o bilya cuna ngu' cha' tso'o ji'i̱ ycui' Ndyosi, jua'a̱ nti' ngu' cuiñi bi' cha' cua'ni ngu' chaca quiya'.

2 PEDRO 2:3

Lo'o jua'a̱ ndacui tsa ti' ngu' cuiñi bi' ji'i̱ na nu ntsu'u ji'i̱ ma̱; nti' tsa ngu' cua'ni ngu' ngana ji'i̱ ma̱, bi' cha' tajua' ti chcui' ngu' cha' cuiñi ti lo'o ma̱. Pana ntsu'u cha' xcube' Ni ji'i̱ ngu' cuiñi bi', cha' cua sa'ni cua nchcui' Ni cha' ná tso'o cua'ni ngu' cha' cuxi jua'a̱. Si'i na laja' ycui' Ni; jlo ti' Ni ñi'ya̱ ndu'ni ngu' cuiñi bi', lo'o jua'a̱ cua'ni tye Ni ji'i̱ ngu' bi' yala ti.