GÁLATAS 4:13 - Chatino Tataltepec

¹³ Cua jlo ti' ma̱ ñi'ya̱ ngua 'na nu lo'o nda na' cha' lo'o ma̱ tya clyo, cha' taca cua'ni lyaá Cristo ji'na; quicha tsa na' nu ngua li', bi' cha' ngua laja 'na cha' ta na' cha' bi' lo'o ma̱.

GÁLATAS 4:13 ပူးပေါင်းရင်းမြစ်များ

SAN MATEO 4:23

Lo'o li' ndyaa ngu' lcaa quichi̱ su cuentya Galilea lo'o Jesús. Lcaa quichi̱ ndya'a̱ nclyu'u yu ji'i̱ ngu' ne' laa ji'i̱ ngu' judío; nchcui' yu lo'o ngu' ñi'ya̱ laca cha' tso'o ji'i̱ ycui' Ndyosi, cha' cua ngulala ti caca Ni loo ne' cresiya ji'i̱ ngu'. Lo'o jua'a̱ ngua'ni yu jo'o ji'i̱ lcaa nu quicha, masi quicha ti ti' ngu' ngua'ni Jesús cha' ndyaca tso'o ngu'.

LOS HECHOS 16:6

Lo'o li' ná nda Xtyi'i ycui' Ndyosi chacuayá' ji'i̱ ngu' cha' culu'u ngu' cha' ji'i̱ Jesucristo ca quichi̱ nde loyuu su cuentya Asia, bi' cha' nteje tacui ngu' loyuu su cuentya Frigia, lo'o jua'a̱ loyuu su cuentya Galacia,

1 CORINTIOS 2:3

Lo'o ndyalaa na' su ndi'i̱ ma̱, nguna'a̱ tya ti' na' ndu̱ na' li'; nchcua̱ tya na' cha' ngulacua tsa ti' na' ni cha' xacui̱ ma̱ 'na li'.

2 CORINTIOS 10:10

Nacui̱ ngu': Tonu tsa cha' nu nda nu Pablo bi', tyaala tsa ndu'ni yu lo'o na, nu lo'o ndi'i̱ yu tyijyu'. Nda yu cha' nu lijya̱ ca slo na, nacui̱ ngu' ji'i̱ ma̱, pana ná nchca culo tso'o yu cña ji'na nu lo'o ndi'i̱ yu slo na; ná nduna na tsiya' ti cha' nu nda yu li', nacui̱ ngu' bi' li'.

2 CORINTIOS 11:30

Laja lo'o nchcui' ti na', tso'o si chcui' na' ji'i̱ lcaa cha' nu ná nda chacuayá' cha' caja juersa jna' su ntucua ycui' ti na'.

2 CORINTIOS 11:6

Masi ná nchca 'na chcui' liñi na' lo'o ñati̱, nti' ma̱, pana ndye cha' ngua tsa'a̱ tso'o na' cha' ji'i̱ Jesús bi'; lo'o jua'a̱ jlo ti' ma̱ cha' chañi tsa cha' nu nchcui' na' re, cha' tyu̱u̱ quiya' cua na'a̱ ma̱ 'na, lcaa ca cha' nu cua ngua 'na.

2 CORINTIOS 13:4

Chañi tsa cha' ndye juersa ji'i̱ Cristo nu lo'o ndyujuii ngu' ji'i̱, lo'o ngujui'i̱ ca'a̱ ngu' ji'i̱ lo crusi; pana tlyu tsa cña ngua'ni ycui' Ndyosi cuentya ji'i̱ yu, bi' cha' laca cha' ña'a̱ ti tya lu'ú yu juani. Ñi'ya̱ nti' Cristo, cha' ná nguxlyú cha' hichu̱' ñati̱ nu ndyujuii ji'i̱, la cui' jua'a̱ cuare, si'i na lye tsa nclyo ya cña ji'i̱ cu'ma̱ nquicha'; pana juani caca cuayá' ti' ma̱ cha' ña'a̱ ti tya lu'ú ya xi, cha' la cui' chacuayá' ji'i̱ ycui' Ndyosi ndya'a̱ lo'o ya lijya̱ ya, la cui' tya'a chacuayá' nu ntsu'u ji'i̱ Cristo.

GÁLATAS 1:6

Ndube tsa ti' na' cha' yala ti nguta'a̱chu̱' ma̱ ji'i̱ ycui' Ndyosi, masi ngusubi Ni ji'i̱ ma̱ xqui'ya cha' ntsu'u tsa tyiquee Cristo ña'a̱ ji'na; ndube ti' na' cha' nduna ma̱ chaca cha' nu si'i cha' ji'i̱ ycui' Ndyosi laca, nu nacui̱ ngu' cha' taca cua'ni lyaá ji'na ji'i̱ nu cuxi.

GÁLATAS 4:12

Cu'ma̱ tya'a ntsu'u cha' ji'na lo'o Jesucristo, tya'na chcui' na' lo'o ma̱ juani, cha' cua nti' na' cha' caca ma̱ ñi'ya̱ nu laca na' tsiya' ti. Nga'aa nchca tatsaa ngu' 'na juani lo'o cha' cusu' bi', masi ngu' judío laca na'; stu'ba ti laca na' lo'o cu'ma̱ juani, cha' cua ngulaá na' ji'i̱ nu cha' cusu' nu ndatsaa tsa 'na. Tya lo'o ñaa na' ca slo ma̱ tya clyo, ná sca cha' cuxi ngua'ni ma̱ lo'o na'.

GÁLATAS 4:14

Lo'o jua'a̱ ná nchcui' cuxi ma̱ 'na li', ná ngulo'o ma̱ 'na, masi tya xi tya ndalo ma̱ 'na cha' quicha tsa na'; xa' ña'a̱ ngua'ni ma̱ lo'o na' li', ntucuá ma̱ cha' jna' ñi'ya̱ si cua laca na' sca xca̱ ji'i̱ ycui' Ndyosi, ñi'ya̱ si cua laca na' ycui' Jesucristo.

GÁLATAS 4:18

Tso'o tsa si lo'o xa' la ñati̱ culu'u ngu' la xi cha' liñi ji'i̱ ma̱, si ntsu'u cha' tso'o tyiquee ngu' ña'a̱ ngu' ji'i̱ ma̱. Tso'o si jua'a̱ caca tyucui tyempo, masi ndi'i̱ na' lo'o ma̱, masi ná ndi'i̱ na'.