GÁLATAS 3:3 - Chatino Tataltepec

³ ¿Ni cha' laca tonto tsa nclyacua ti' ma̱ juani? Xqui'ya cña nu ndyu'ni Xtyi'i ycui' Ndyosi lo'o ma̱, bi' cha' nguxana ca ti ma̱ cha' ntsu'u cha' ji'i̱ ma̱ lo'o ycui' Ndyosi nquicha'; pana nu juani ni, xqui'ya cha' lye tsa cua'ni cña ti' ycui' ca ma̱, jua'a̱ nti' ma̱ cha' caca ji'i̱ ycui' ca ma̱ quiñi tso'o cha' ji'i̱ ma̱ lo'o ycui' Ni.

GÁLATAS 3:3 ပူးပေါင်းရင်းမြစ်များ

GÁLATAS 3:2

Xacui̱ ma̱ cha' 'na lacua: ¿Ha cua ndyanu Xtyi'i ycui' Ndyosi ne' cresiya ji'i̱ ma̱ juani? ¿Ñi'ya̱ ngua ji'i̱ ma̱ cha' ngujui Xtyi'i ycui' Ndyosi ji'i̱ ma̱ lacua? ¿Ha ngujui Xtyi'i Ni ji'i̱ ma̱ xqui'ya cha' cua ngua'ni ma̱ cña nu nscua lo cha' cusu' bi' cha' cua'ni ma̱? Si'i. Cua jlo ti' ma̱ cha' ngujui Xtyi'i ycui' Ni ji'i̱ ma̱ lo'o ngusñi ma̱ cha' liñi nu cua nda ya lo'o ma̱, cha' ji'i̱ ycui' Cristo.

GÁLATAS 3:4

Masi ngua'ni Ni quiña'a̱ cha' tlyu ca slo ma̱ tya tsubi' la, ntsu'u quiya' nclyacua ti' na' cha' ná ngua tso'o cresiya ji'i̱ ma̱ tsiya' ti, nu lo'o ña'a̱ na' ñi'ya̱ nu ndyu'ni ma̱. Pana jlo ti' na' cha' ngua tso'o la xi cresiya ji'i̱ ma̱ xqui'ya cha' tlyu bi'.

HEBREOS 9:2

sca chcua'ya late' ngüiñá ngu' bi' nu nscua cla'be ne' lo'o su ndya'a̱ sti jo'ó ti. Nde ne' chcua'ya bi' cua ntucua candyeru chcua̱ su ndyaqui̱ quii' lcaa hora; jua'a̱ ntucua sca mesa su nscua xlyá lo, nu caca msta̱ ji'i̱ ycui' Ndyosi. Lcaa tsa̱ ngusta sti jo'ó msta̱ bi'.