GÁLATAS 3:26 - Chatino Tataltepec

²⁶ Sñi' ycui' Ndyosi laca lcaa cu'ma̱ juani lo'o ngusñi ma̱ cha' ji'i̱ Jesucristo, xqui'ya cha' cua ntsu'u cha' ji'i̱ ma̱ lo'o Ni.

GÁLATAS 3:26 ပူးပေါင်းရင်းမြစ်များ

SAN JUAN 20:17

Li' nchcui' Jesús lo'o María: ―Ná cala' nu'u̱ jna' cha' tya lyiji tya'a na' nde cua̱ ca su ntucua Sti na' ―nacui̱―. Nu juani, yaa clya nu'u̱ su ndi'i̱ nu xa' la ñati̱ nu cua ngusñi cha' 'na, yaa cacha' nu'u̱ ji'i̱ ngu' bi', cha' cua tyacuí̱ ti na' tya'a na' ca su ntucua ycui' Ndyosi Sti na', nu laca Sti ma̱. Tya'a na' ca su ntucua ycui' Ndyosi nu Xu'na na', nu bi' nu laca ycui' Ndyosi nu Xu'na ma̱.

ROMANOS 8:1

Pana juani ni, ndi'ya̱ ngua'ni ycui' Ndyosi: Nga'aa ndyanu yabe' hichu̱' na, si stu'ba ntsu'u cha' ji'na lo'o Jesucristo; nga'aa taca ji'i̱ nu cuxi nu ntsu'u chalyuu cojolaqui ji'na juani, cha' Xtyi'i ycui' Ndyosi laca loo ji'na lo'o ndi'i̱ na nde chalyuu.

ROMANOS 8:19

Lcaa ca na lu'ú nu cua ngüiñá ycui' Ndyosi nde chalyuu ni, ntajatya tsa na bi' ji'i̱ ycui' Ndyosi, ni jacua' culu'u Ni ji'i̱ ñati̱ chalyuu tilaca nu chañi cha' laca ngu' sñi' ycui' Ni.

2 CORINTIOS 1:1

Pablo laca na'. Se'i̱ ti ndi'i̱ na' ca nde lo'o Timoteo tya'a ngusñi na cha' ji'i̱ Cristo. Nscua ya quityi re cha' ca̱a̱ slo lcaa cu'ma̱ ca quichi̱ Corinto nu tsa tlyu ti ndyu'ni tlyu ma̱ ji'i̱ ycui' Ndyosi, lo'o jua'a̱ tyaa quityi re slo lcaa ñati̱ nu ntsu'u cha' ji'i̱ lo'o ycui' Ndyosi tyucui ña'a̱ loyuu su cuentya Acaya. Cua nda ycui' Ndyosi cña 'na cha' tsa'a na' chcui' na' lo'o ngu' xa' quichi̱ ca tyijyu' la, lcaa cha' nu ji'i̱ Jesucristo.

2 CORINTIOS 6:18

caca na' Sti ma̱; jua'a̱ cu'ma̱ caca ma̱ sñi' na', masi nu cuna'a̱, masi nu qui'yu. Jua'a̱ nacui̱ ycui' Ndyosi nu Xu'na ma̱, nu lcaa tsiya' ti cña nchca ji'i̱ Ni.

GÁLATAS 3:28

Nu lo'o cua ngua stu'ba cha' ji'na lo'o Jesucristo, la cui' tyempo bi' ngua stu'ba cha' ji'na lo'o tya'a ñati̱ na; bi' cha' nga'aa chcui' na cha' ngu' judío laca ya, cha' ngu' xa' tsu' laca ma̱; nga'aa chcui' na cha' msu nu ngüi'ya ñati̱ laca ma̱, cha' ñati̱ nu ndi'i̱ tso'o ti laca na; nga'aa chcui' na cha' qui'yu laca na, cha' cuna'a̱ laca ma̱. Lcaa na, stu'ba cha' ji'na lo'o tya'a na juani.

GÁLATAS 4:14

Lo'o jua'a̱ ná nchcui' cuxi ma̱ 'na li', ná ngulo'o ma̱ 'na, masi tya xi tya ndalo ma̱ 'na cha' quicha tsa na'; xa' ña'a̱ ngua'ni ma̱ lo'o na' li', ntucuá ma̱ cha' jna' ñi'ya̱ si cua laca na' sca xca̱ ji'i̱ ycui' Ndyosi, ñi'ya̱ si cua laca na' ycui' Jesucristo.

GÁLATAS 5:24

Cua ngujuii Cristo lo crusi cha' cati̱ qui'ya nu ntsu'u ji'na; bi' cha' cua ngua'ni tye na ji'i̱ lcaa cha' cuxi nu ntsu'u ne' cresiya ji'na tya tsubi' la, lcaa na nu ndacui ti' na ji'i̱ nquicha', ngua'ni tye na ji'i̱ xqui'ya cha' ntsu'u cha' ji'na lo'o ycui' Cristo. Lo'o jua'a̱ lcaa cha' nu tiji̱' ti' na ji'i̱, cua nguxtyanu na ji'i̱ cha' cuxi bi' juani.

GÁLATAS 5:6

Lo'o jua'a̱ si chañi cha' stu'ba ntsu'u cha' ji'na lo'o Jesucristo, li' ná ndu'ni cha' masi ngulacua̱ na, masi ná ngulacua̱ na. Sca ti cha' ndulo tsa ji'na cha' cua'ni na, cha' xñi tso'o la na cha' ji'i̱ ycui' Ni; lo'o li' caca cua'ni na cha' tso'o ti tyu'u tyiquee na ña'a̱ na ji'i̱ tya'a ñati̱ na.

EFESIOS 1:1

Pablo laca na' nu nscua na' quityi re. Ngulo ycui' Ndyosi cña 'na, bi' cha' ndya'a̱ na' nchcui' na' cha' ji'i̱ Jesucristo lo'o ngu' xa' quichi̱ tyijyu' la. Lo'o nu juani nscua na' quityi re cha' ca̱a̱ ca slo cu'ma̱ ngu' Efeso, cha' laca ma̱ ñati̱ ji'i̱ ycui' Ndyosi, cha' tso'o tsa ngusñi ma̱ cha' ji'i̱ Jesucristo.

EFESIOS 1:5

Ntsu'u tsa tyiquee ycui' Ndyosi ña'a̱ Ni ji'na, bi' cha' tya li', ngua ti' Ni cha' tyatí̱ cha' ji'na lo'o Ni, ñi'ya̱ si laca na sñi' Ni xqui'ya Jesucristo.

EFESIOS 5:1

Ntsu'u tsa tyiquee ycui' Ndyosi ña'a̱ Ni ji'i̱ ma̱, xqui'ya cha' laca ma̱ sñi' ycui' Ni; bi' cha' cua'ni ma̱ cha' caca ma̱ ñi'ya̱ nu laca ycui' Ndyosi tsiya' ti.

FILIPENSES 1:1

Pablo lo'o Timoteo laca cuare. Tyucuaa ya ndyu'ni ya cña ji'i̱ Jesucristo, bi' cha' nscua ya quityi re cha' ca̱a̱ ca slo cu'ma̱, cha' tya'a ñati̱ ji'i̱ ycui' Ndyosi laca na. Cua ngusñi na cha' ji'i̱ Jesucristo, bi' cha' laca na ñati̱ ji'i̱ ycui' Ndyosi. La cui' jua'a̱ lo'o quityi re chcui' ya xi lo'o lcaa ngu' cusu' nu laca loo ji'i̱ ña'a̱ taju cu'ma̱, jua'a̱ chcui' ya xi lo'o xa' la ngu' nu laca cña, nu ntsu'u cha' xtyucua ji'i̱ ma̱.

FILIPENSES 1:8

Cua jlo ti' ycui' Ndyosi cha' ñi'ya̱ ntsu'u tyiquee ycui' Jesucristo ña'a̱ Ni ji'i̱ lcaa cu'ma̱, la cui' jua'a̱ ntsu'u tsa tyiquee na' ña'a̱ na' ji'i̱ cu'ma̱.

FILIPENSES 2:15

cha' ná caca ñacui̱ ngu' cha' ntsu'u qui'ya ji'i̱ ma̱ li', lo'o jua'a̱ ná caja su lyiji cua'ni ma̱ sca cha' li'. Tso'o la si caca cuayá' ti' ngu' cha' chañi cha' laca ma̱ sñi' ycui' Ndyosi tyucui tyiquee ma̱, masi xcui' ndi'i̱ ti ma̱ chalyuu laja ñati̱ cuxi, laja ñati̱ nu chi̱i̱ nti' ngu' ña'a̱ ji'i̱ tya'a ngu'. Xqui'ya cu'ma̱ nga'a̱ cha' cañi cha' ji'i̱ Jesús lcaa su ndi'i̱ ñati̱ bi'; ñi'ya̱ nu ntyiji'i̱ xee cuii nde talya, jua'a̱ caca ma̱ xee nde chalyuu,

COLOSENSES 1:4

Cua ngujui cha' ji'i̱ ya cha' tso'o tsa ngusñi ma̱ cha' ji'i̱ Jesucristo, lo'o jua'a̱ nacui̱ ngu' cha' ntsu'u tsa tyiquee ma̱ ña'a̱ ma̱ ji'i̱ lcaa ngu' tya'a ngusñi ma̱ cha' ji'i̱ ycui' Ndyosi.

COLOSENSES 2:6

Na cua ngüiñi ti' ma̱ lo'o Jesucristo cha' caca Ni nu Xu'na ma̱, bi' cha' cui'ya ma̱ cuentya cha' stu'ba ti caca tyiquee ma̱ lo'o Ni lcaa tsa̱ lo'o tyi'i̱ ma̱ chalyuu.

FILEMÓN 1:1

Pablo laca na', lo'o juani ntsu'u na' ne' chcua̱ cuentya ji'i̱ Jesucristo. Nscua na' quityi re lo'o Timoteo tya'a na, cha' ta ya cha' lo'o nu'u̱, Filemón, cha' tso'o tsa tya'a tso'o na laca nu'u̱, cha' la cui' tya'a cña ndyu'ni na.

APOCALIPSIS 21:7

Ndi'ya̱ caca ji'i̱ ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu; cua'ni tlyu ngu' bi' 'na cha' na' laca̱ ycui' Ndyosi cuentya ji'i̱ ngu', lo'o jua'a̱ caca ngu' bi' sñi' na'.