GÁLATAS 3:24 - Chatino Tataltepec

²⁴ Laca cha' cusu' bi' loo ji'na ñi'ya̱ nti' si laca na sca nu sube; ngulu'u cha' cusu' bi' xi cha' liñi ji'na ña'a̱ cuayá' nu ñaa ycui' Cristo. Pana juani cua'ni Cristo cha' caca tso'o cresiya ji'na cuentya ji'i̱ ycui' Ndyosi, ñi'ya̱ nu nti' ycui' Ni cha' caca na nu lo'o jlya ti' na ji'i̱ nu Cristo bi'.

GÁLATAS 3:24 ပူးပေါင်းရင်းမြစ်များ

ROMANOS 10:4

Pana cua ñaa Jesús chalyuu juani, cua ngusñi na cha' ji'i̱ yu, bi' cha' taca ca tso'o cresiya ji'na cuentya ji'i̱ ycui' Ndyosi; nga'aa nti' cha' taquiya' tsa na cha' cusu' nu cua nda jyo'o Moisés bi', cha' si jua'a̱ taca ca tso'o cresiya ji'na.

ROMANOS 9:30

Ndi'ya̱ ñacui̱ na lacua: Cua ngua tso'o cresiya ji'i̱ ngu' xa' tsu' cuentya ji'i̱ ycui' Ndyosi, xqui'ya cha' ngusñi ngu' cha' ji'i̱ Jesús, masi si'i ngu' judío laca ngu' bi'; ngua tso'o cresiya ji'i̱ ngu' bi' xqui'ya cha' jlya ti' ngu' cha' nu nchcui' ycui' Ndyosi, si'i na ngua'ni tsa ngu' cña cha' caca tso'o cresiya ji'i̱ ycui' ca ngu'.

1 CORINTIOS 4:15

Ntsu'u tsa ngu' tya'a ntsu'u cha' ji'na lo'o Cristo nu taca xtyucua ngu' ji'i̱ ma̱, pana sca ti na' ndu'ni na' ñi'ya̱ nu ndu'ni sti ma̱, cha' ndye ndacha' na' cha' tso'o nu cua nda Jesucristo lo'o na ji'i̱ ma̱; xqui'ya na' ngusñi ma̱ cha' ji'i̱ Jesús.

GÁLATAS 2:16

Pana jlo ti' ya cha' ná taca ca tso'o cresiya ji'i̱ ya cuentya ji'i̱ ycui' Ndyosi, masi ndu'ni ti ya cua ña'a̱ ca cña nu nda jyo'o Moisés cha' cua'ni ya; sca ti si jlya ti' ya ji'i̱ cña nu ngua'ni Jesucristo cuentya ji'na, li' taca ca tso'o cresiya ji'i̱ ya. Bi' cha' lo'o cuare cua ngusñi ya cha' ji'i̱ Jesucristo, cha' taca ca tso'o cresiya ji'i̱ ya cuentya ji'i̱ ycui' Ni, cha' nu jlya ti ti' ya ji'i̱ Jesús, nga'aa si'i xqui'ya cña nu ndyu'ni ya nu nda jyo'o Moisés ji'i̱ ya. Ni sca na ná taca ji'na ca tso'o cresiya ji'na cuentya ji'i̱ ycui' Ndyosi xqui'ya cha' ndaquiya' ti na sca cha' nu nda jyo'o cusu' lo'o na.

GÁLATAS 2:19

Lo'o na' ni, ná nchca cua'ni na' lcaa cha' cusu' bi', bi' cha' cua ndye cha' jna' lo'o cha' bi'; juani xcui' ndi'i̱ na' chalyuu cha' cua'ni na' lcaa ña'a̱ cña nu nti' ycui' Ndyosi cha' cua'ni na'.

GÁLATAS 3:25

Lo'o juani taca jlya tso'o ti' na ji'i̱ ycui' Ndyosi xqui'ya Jesucristo, nga'aa si'i cha' cusu' nu laca loo ji'na.

COLOSENSES 2:17

Sa'ni la xcui' ntsu'u ta'a bi' nde chalyuu, cha' taca ca cuayá' ti' ngu' scaa cha' nu ngua ti' ycui' Ndyosi chcui' lo'o ngu' nu ngua tya li'; pana juani ni, cua ñaa ycui' Cristo chalyuu, bi' cha' nga'aa nti' na cha' cusu' bi'. Cua na'a̱ na ji'i̱ ycui' Cristo, bi' laca nu chañi ca.