GÁLATAS 3:21 - Chatino Tataltepec21 Tso'o si cua'ni na cña nu nscua lo quityi cusu' cha' cua'ni na lacua. Lo'o jua'a̱ ndu'ni tsa cha' xñi na lcaa cha' nu nda ycui' Ndyosi lo'o ñati̱. Pana masi taquiya' na ji'i̱ lcaa cha' cusu' bi', ná taca caja chalyuu cucui bi' ji'na jua'a̱ ti; ná taca ca tso'o cresiya ji'na cuentya ji'i̱ ycui' Ni xqui'ya cha' ndyu'ni ti na lcaa cña nu nscua lo quityi cusu' bi' cha' cua'ni na; ná caca jua'a̱ tsiya' ti. အခန်းကိုကြည့်ပါ။ |
GÁLATAS 3:21
18 ပူးပေါင်းရင်းမြစ်များ
Tso'o lacua. Na jlya ti ti' na ji'i̱ cña nu ngua'ni Jesús, tsa bi' ti cha' cua'ni na cha' clyaá na ji'i̱ lcaa qui'ya nu ntsu'u ji'na. ¿Ha nga'aa ntsu'u cha' taquiya' na lcaa cha' nu nguscua jyo'o cusu' cha' cua'ni na lacua? Si'i cha' bi', masi tso'o la taquiya' na cha' cusu' bi' juani, nu lo'o ngusñi na cha' ji'i̱ Jesús.
Ná nti' Ni cua'ni Ni jua'a̱. Xcui' cha' liñi ndu'ni ycui' Ndyosi lo'o ñati̱ ji'i̱ Ni, masi cha' cuiñi laca nu ndu'ni lcua ti lo ñati̱ chalyuu. Cua nscua sca cha' ji'i̱ ycui' Ndyosi lo quityi nu nchcui' ndi'ya̱: Lo'o chcui' nu'u̱, li' caca cuayá' ti' ngu' cha' liñi tsa ndu'ni nu'u̱; lo'o caca cuayá' jinu'u̱ slo ñati̱, taca cua'ni lyaá nu'u̱ ji'i̱ ycui' ca li'.
Cña nu ngulo Moisés ji'i̱ ngu' bi' cuentya ji'i̱ ycui' Ndyosi ni, chu̱' quee cuaja' nscua cha' bi'; nguscua Ni letra hichu̱' quee cuaja' bi', cha' chcui' ngu' lo. Ndubi tsa ña'a̱ xee ji'i̱ ycui' Ndyosi ngua, nu lo'o nda ca ti Ni cha' cusu' bi'; hasta tyucui ña'a̱ loo nu cusu' Moisés ndubi tsa ña'a̱ ngua, ni nga'aa ngua ña'a̱ tya'a ngu' Israel ji'i̱ loo nu cusu' bi'. Pana yala ti nteje tacui cha' bi', xtyi'i ti nguliji xee bi' loo yu li'. Lo'o xee ndubi ndyalaa cha' cusu' bi' lacua, masi xcui' jua'a̱ ndyijii ñati̱ lo'o yabe' nu ntsu'u ji'i̱ ngu' xqui'ya cña nu nclyo cha' cusu' bi';
Tso'o lacua. Masi ngu' judío laca ya, cua jlo ti' ya cha' xqui'ya cña nu cua ngua'ni Cristo cuentya ji'na, bi' cha' taca caca lubii cresiya ji'i̱ ya cuentya ji'i̱ ycui' Ndyosi. La cui' ti cha', nga'a̱ cha' chcui' ya ji'i̱ ycui' ca ya cha' lo'o lcaa ngu' judío tya'a ya ntsu'u qui'ya ji'i̱ ya, ñi'ya̱ lo'o nacui̱ ya cha' ntsu'u qui'ya ji'i̱ ngu' xa' tsu'. Pana si'i Cristo laca nu ngua'ni cha' laca ya ñati̱ cuxi.
Si'i cha' ná ndube ti' na' ji'i̱ lcaa cha' tso'o nu ngua'ni ycui' Ndyosi lo'o ngu' judío tya'a ya; laca cha' ndube tsa ti' na' cha' ná taca ca tso'o cresiya ji'na cuentya ji'i̱ ycui' Ndyosi, masi tso'o tsa ndaquiya' na ji'i̱ cña nu nclyo cha' cusu' bi' ji'na. Ndube tsa ti' na' cha' ná ngujuii Jesús jua'a̱ ti; ntsu'u cña nu ngua'ni yu lo'o ngujuii yu lo crusi bi', na cua ngua'ni tso'o yu ji'i̱ cresiya ji'na cuentya ji'i̱ ycui' Ndyosi nu ngua li'.
Pana nu na' ni, sca ti cha' tso'o ntsu'u chalyuu nti' na', cha' nu ngujuii ycui' Jesucristo nu Xu'na na lo crusi cuentya ji'na; bi' cha' nga'aa nti' na' ta na' xa' la cha' lo'o ñati̱. Lo'o jua'a̱ xqui'ya cha' ngujuii ycui' Cristo, nga'aa caca tatsaa nu cuxi nu ntsu'u chalyuu jna', cha' nga'aa ntsu'u cha' jna' lo'o cha' cuxi nu ntsu'u chalyuu juani.
Jlya ti' jyo'o Noé ji'i̱ ycui' Ndyosi, bi' cha' ndyuna yu cha' nu nchcui' Ni lo'o yu, nu lo'o nacui̱ Ni ñi'ya̱ ña'a̱ cha' cuxi nu lijya̱ caca nde loo la, masi ycui' yu ná ngua tii yu ñi'ya̱ caca cha' bi'. Ngusñi yu cha' ji'i̱ ycui' Ndyosi, li' ngüiñá yu sca yaca ni'i̱ su tyi'i̱ yu lo'o lcaa tya'a ndi'i̱ yu; jua'a̱ ngua cha' ngulaá ngu' ji'i̱ tyo clyaa bi'. Jlo ti' na juani cha' cuxi tsa ngua chalyuu cusu' bi', cha' sca ti Noé jlya ti' yu cha' nu nchcui' Ni lo'o; ngua'ni ycui' Ndyosi cha' ngua tso'o cresiya ji'i̱ yu li'.
Tya lyiji tsa cha' ca tso'o cresiya ji'na cuentya ji'i̱ ycui' Ndyosi, masi cua ngua'ni na lcaa cña nu ngulo jyo'o Moisés ji'i̱ ngu' tya'a na nu ngua li', cha' ná ngua cua'ni lyaá cha' cusu' bi' ji'na ji'i̱ nu cuxi; pana juani taca xñi na cha' ji'i̱ ycui' Ndyosi. Cacua tsa laca ycui' Ni ji'na juani xqui'ya Jesús, cha' tso'o la tsiya' ti laca cha' nu ya̱lo'o Jesús cha' chcui' Ni lo'o na.
ကြော်ငြာတွေ