GÁLATAS 2:3 - Chatino Tataltepec

³ Lo'o jua'a̱ yu Tito tya'a ndya'a̱ na' ni, ná nchcui' ngu' lo'o yu cha' si'yu quiji̱ yu cha' culacua̱ yu ñi'ya̱ ndu'ni ngu' judío, masi ngu' xa' tsu' laca yu.

GÁLATAS 2:3 ပူးပေါင်းရင်းမြစ်များ

LOS HECHOS 15:24

Cua ndyuna ya cha' cua ndyaa xi ngu' tya'a ya ca slo cu'ma̱, lo'o jua'a̱ cua ngulu'u ngu' ji'i̱ ma̱ cha' ntsu'u cha' xi'yu ma̱ quiji̱ ngu' qui'yu tya'a ma̱; nacui̱ ngu' bi' cha' ntsu'u cha' cua'ni ma̱ lcaa cña nu nguscua jyo'o Moisés lo quityi nu ngua sa'ni. Pana ná ngulo ya cña ji'i̱ ngu' bi', cha' tsaa ngu' slo cu'ma̱; jlo ti' ya cha' xñi'i̱ xi ti' ma̱ ndi'i̱ ma̱ nu lo'o ná nchca cuayá' ti' ma̱ si cha' liñi laca cha' bi'.

LOS HECHOS 16:3

Ngua ti' Pablo cha' tsaa Timoteo lo'o ngu' li', bi' cha' ngusi'yu Pablo quiji̱ Timoteo cha' culacua̱ yu. Ná ca ñasi̱' ngu' judío lcaa quichi̱ su tya'a̱ yu lo'o ngu' li', masi jlo ti' lcaa ngu' cha' ngu' griego ngua sti yu.

2 CORINTIOS 2:13

Pana ná ndalo na' ca bi', cha' ngulacua tsa ti' na' ni cha' laca bilya tyalaa Tito tya'a ndya'a̱ ya cña slo na'; bi' cha' yala ti ngusalya' na' lo'o ngu' quichi̱ bi'. Li' tya ndyaa la na' nde loyuu su cuentya Macedonia.

GÁLATAS 2:1

Cua ndya'a tii jlyacua yija̱, li' xa' ndya'a̱ nde Jerusalén chaca quiya'; lo'o Bernabé ndya'a̱, lo'o jua'a̱ ndyaa lo'o ya ji'i̱ Tito.

2 TIMOTEO 4:10

Cua nguxtyanu Demas 'na xqui'ya cha' ndiya la ti' yu ji'i̱ cha' cuxi nu ntsu'u chalyuu, ndyaa yu ca quichi̱ Tesalónica. Nda na' ji'i̱ Crescente ndyaa ca Galacia, jua'a̱ nda na' ji'i̱ Tito ndyaa ca Dalmacia;

TITO 1:4

Nscua na' quityi re cha' ca̱a̱ slo nu'u̱, Tito, cha' ñi'ya̱ si laca nu'u̱ sñi' na', jua'a̱ nti' na' ña'a̱ na' jinu'u̱, cha' stu'ba ti ngusñi na cha' ji'i̱ ycui' Ndyosi. Ndi'ya̱ nti' na' cha' ña'a̱ ti cua'ni ycui' Ndyosi Sti na cha' tso'o lo'o nu'u̱, jua'a̱ Jesucristo nu ngua'ni lyaá ji'na; cua'ni Ni cha' ti̱ ti tyi'i̱ tyiquee nu'u̱ li'.