GÁLATAS 2:19 - Chatino Tataltepec

¹⁹ Lo'o na' ni, ná nchca cua'ni na' lcaa cha' cusu' bi', bi' cha' cua ndye cha' jna' lo'o cha' bi'; juani xcui' ndi'i̱ na' chalyuu cha' cua'ni na' lcaa ña'a̱ cña nu nti' ycui' Ndyosi cha' cua'ni na'.

GÁLATAS 2:19 ပူးပေါင်းရင်းမြစ်များ

ROMANOS 4:15

Xcui' na xcube' ti Ni ji'na, nu lo'o caca cuayá' ji'na slo ycui' Ndyosi cuentya ji'i̱ cha' cusu' bi'; pana ná caja ñi'ya̱ nu sta Ni qui'ya ji'na si ná nscua sca cha' nu ndaca'a ji'na jua'a̱.

ROMANOS 5:20

Nu lo'o cuna na ni cña laca nu nclyo ycui' Ndyosi ji'na, li' nchca cuayá' la ti' na ñi'ya̱ laca qui'ya nu sta Ni ji'na. Masi ndube tsa ti' na cha' ntsu'u tsa cha' cuxi ji'na, la cui' jua'a̱ jlo ti' na cha' ntaja'a̱ Ni cua'ni lyaá Ni ji'na; jlo ti' na cha' nchca ji'i̱ Ni, cha' tso'o tsa ndu'ni Ni lo'o na.

ROMANOS 6:11

Lo'o jua'a̱ cu'ma̱ ni, ñi'ya̱ si cua ngua'ni tye ma̱ tsiya' ti ji'i̱ cha' cuxi nu ntsu'u ne' cresiya ji'i̱ ma̱, jua'a̱ culacua ti' ma̱; ñi'ya̱ si cua ndyu'ú ma̱ chaca quiya' cha' xcui' cua'ni ma̱ cña ji'i̱ ycui' Ndyosi stu'ba ti lo'o Jesucristo nu Xu'na na, jua'a̱ culacua ti' ma̱.

ROMANOS 6:14

Nga'aa si'i nu cuxi nu ntsu'u chalyuu nu caca loo ji'i̱ ma̱ juani. Si'i xcui' cha' ntsi̱i̱ ti ti' ma̱ tyi'i̱ ma̱ chalyuu, ñi'ya̱ si lo'o nchcube' tsa cha' cusu' bi' ji'i̱ ma̱; taca tyi'i̱ tso'o ti ma̱ chalyuu juani, cha' xcui' tlyu tsa cha' tso'o nu ndyu'ni Ni lo'o ma̱.

ROMANOS 6:2

Ná tso'o tsiya' ti cua'ni na ñi'ya̱ nu ngua'ni na sa'ni la. Juani laca na ñi'ya̱ laca si cua ngujuii na lo'o Cristo, cha' xa' tyucui̱i̱ tsaa na juani; ná tso'o si ña'a̱ ti tya cua'ni na cha' cuxi lacua.

ROMANOS 7:14

Jlo ti' na cha' cña nu ngulo ycui' Ndyosi laca nu cha' cusu' bi'; sca ti si lo'o Xtyi'i ycui' Ndyosi cua'ni cña ne' cresiya ji'na, li' taca ji'na taquiya' na ji'i̱ cña bi'. Pana nu na' ni, ñati̱ chalyuu ti laca na', loo la laca nu cha' cuxi bi' ne' cresiya jna'.

ROMANOS 7:4

Ndi'ya̱ laca na juani cuentya ji'i̱ cha' cusu' nu ndaquiya' tsa na ji'i̱ tya sa'ni la: ñi'ya̱ laca sca nu cuna'a̱ nu nga'aa ntsu'u clyo'o, jua'a̱ laca lcaa tya'a na nu ntsu'u cha' ji'na lo'o Cristo. Na cua ngujuii Cristo lo crusi, bi' cha' juani nga'aa ntsu'u cha' ji'na lo'o nu cha' cusu' bi'. Cua ngua stu'ba cha' ji'na lo'o Cristo nu lo'o ndyu'ú yu chaca quiya' lo'o cua ngujuii yu, bi' cha' taca ji'na cua'ni na cña ji'i̱ ycui' Ndyosi laja lo'o tya ndi'i̱ ti na nde chalyuu.

ROMANOS 8:2

Nu lo'o laca Xtyi'i ycui' Ndyosi loo ji'na, li' caja chalyuu cucui ji'na xqui'ya Jesucristo, cha' stu'ba ntsu'u cha' ji'na lo'o Ni; na cua ngulo Ni ji'na ya' nu cuxi nu ndyu'ni cha' chcuna' chalyuu ji'na.

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

1 CORINTIOS 9:20

Nu lo'o nga'a̱ na' slo ngu' judío, li' ndyu'ni na' ñi'ya̱ nu ndu'ni lcaa ngu' judío, cha' xñi la ngu' judío cha' ji'i̱ Cristo. Nchcui' na' cha' ji'i̱ Jesús lo'o ngu' bi', bi' cha' ñi'ya̱ nu ndu'ni ngu' judío lo'o tya'a ngu', jua'a̱ ndu'ni na' slo ngu', masi nga'aa ntsu'u cha' taquiya' na' ji'i̱ cha' cusu' ji'i̱ ngu' bi', nu cña nu nguscua jyo'o Moisés lo quityi cha' cua'ni ngu' bi' tya sa'ni la. Pana laca cha' cua nti' na' cha' quiña'a̱ la ñati̱ bi' xñi ngu' cha' ji'i̱ Cristo.

2 CORINTIOS 5:15

Xqui'ya lcaa ñati̱, bi' cha' ntaja'a̱ Cristo ngujuii yu lo crusi. Cua nti' yu cha' nga'aa tyi'i̱ ñati̱ chalyuu cha' ji'i̱ ycui' ti ngu'; tyi'i̱ ngu' ni, pana xcui' cuentya ji'i̱ Cristo, cha' bi' laca nu cua ngujuii cuentya ji'i̱ ngu', bi' laca nu cua ndyu'ú chaca quiya' cuentya ji'i̱ ngu'.

GÁLATAS 2:20

Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.

GÁLATAS 3:10

Pana cua ña'a̱ ca ñati̱ nu tsa bi' ti cña nti' cha' taquiya' ji'i̱ cha' cusu' nu nguscua jyo'o Moisés, tyanu yabe' hichu̱' ñati̱ bi', cha' ndi'ya̱ nchcui' quityi ji'i̱ ycui' Ndyosi: “Tyanu yabe' hichu̱' lcaa ñati̱ si ná taquiya' ngu' ji'i̱ lcaa ca cha' nu nscua lo quityi bi'”.

GÁLATAS 3:24

Laca cha' cusu' bi' loo ji'na ñi'ya̱ nti' si laca na sca nu sube; ngulu'u cha' cusu' bi' xi cha' liñi ji'na ña'a̱ cuayá' nu ñaa ycui' Cristo. Pana juani cua'ni Cristo cha' caca tso'o cresiya ji'na cuentya ji'i̱ ycui' Ndyosi, ñi'ya̱ nu nti' ycui' Ni cha' caca na nu lo'o jlya ti' na ji'i̱ nu Cristo bi'.

GÁLATAS 6:14

Pana nu na' ni, sca ti cha' tso'o ntsu'u chalyuu nti' na', cha' nu ngujuii ycui' Jesucristo nu Xu'na na lo crusi cuentya ji'na; bi' cha' nga'aa nti' na' ta na' xa' la cha' lo'o ñati̱. Lo'o jua'a̱ xqui'ya cha' ngujuii ycui' Cristo, nga'aa caca tatsaa nu cuxi nu ntsu'u chalyuu jna', cha' nga'aa ntsu'u cha' jna' lo'o cha' cuxi nu ntsu'u chalyuu juani.

COLOSENSES 2:20

Pana cu'ma̱ ni, cua nguxtyanu ma̱ ji'i̱ xa' la jo'ó nu ngua xu'na ma̱ cua tsubi' la, cua nguxtyanu ma̱ ji'i̱ lcaa cha' nu jlya tsa ti' ñati̱ chalyuu ji'i̱. Tya lo'o ngujuii Cristo lo crusi cha' cua'ni tye ji'i̱ cha' bi', tya li' cua nguxtyanu ma̱ ji'i̱ cha' bi'. Nga'aa nti' cha' tya cua'ni ma̱ ñi'ya̱ nu ndu'ni xa' la ñati̱ chalyuu; nga'aa nti' cha' taquiya' ma̱ ji'i̱ lcaa xa' la cña nu nclyo ngu' ji'i̱ ma̱,

COLOSENSES 3:3

Nu juani ni, nga'aa ntsu'u cha' ji'i̱ ma̱ lo'o cha' cuxi nu ndyaca nde chalyuu; cua ndyanu tso'o cha' ji'i̱ ma̱ lo'o ycui' Ndyosi xqui'ya Cristo.

1 TESALONICENSES 5:10

la cui' nu ngujuii cha' cuityi̱ qui'ya nu ntsu'u ji'na. Bi' cha' taca tyi'i̱ na slo ycui' Ndyosi li', masi ña'a̱ ti tya lu'ú na chalyuu lo'o ca̱a̱ Jesús, masi cua ngujuii na li'; stu'ba ti tyi'i̱ na ca slo Ni li'.

TITO 2:14

Nu lo'o nda Jesús chacuayá' cha' ndyujuii ngu' ji'i̱, nda yu tyucui ña'a̱ ycui' ca yu cha' taca clyaá na ji'i̱ nu cuxi. Ngua'ni lubii Ni ji'i̱ cresiya ji'na li' cha' caca na ñati̱ ji'i̱ Ni, cha' tyaja'a̱ na cua'ni na xcui' cha' tso'o li'.

HEBREOS 9:14

Masi jua'a̱ ngua'ni ngu' cña nu ngua li', pana tlyu la cña nu ngua'ni Cristo juani, cha' ndyalú tañi ycui' yu lo'o ngujuii yu lo crusi cuentya ji'na. Xqui'ya Xtyi'i ycui' Ni, bi' cha' ngua ji'i̱ Cristo ta yu tyucui ña'a̱ ycui' ca yu, cha' sca ti quiya' cati̱ qui'ya nu ntsu'u ji'na lo'o ycui' Ndyosi; nu ycui' Cristo ni, ná ntsu'u qui'ya ji'i̱ yu tsiya' ti, bi' cha' taca cua'ni lubii Ni cresiya ji'na, nu lo'o tyi'u ti' na ñi'ya̱ nu ngua'ni Ni lo'o ndyalú tañi ycui' Ni. Li' cuityi̱ Ni lcaa cha' cuxi nu ndyu'ni ñu'u̱ tsa ji'na, jua'a̱ taca ji'na cua'ni na cña ji'i̱ ycui' Ndyosi nu lu'ú ca nde chalyuu li'.

1 PEDRO 2:24

Ycui' Cristo laca nu sca ti quiya' ngujui'i̱ ca'a̱ ngu' ji'i̱ lo crusi cha' taca cuityi̱ Ni qui'ya nu ntsu'u ji'i̱ lcaa na, cha' clyaá na ji'i̱ qui'ya nu ntsu'u ji'na; bi' cha' cuentya ji'i̱ Cristo taca tyi'i̱ na chalyuu juani, cha' jua'a̱ tyaja'a̱ na cua'ni na xcui' cha' tso'o nu nti' ycui' nu Xu'na na cha' cua'ni na. Xqui'ya cha' nchcube' ycui' Cristo, bi' cha' ngua ti̱ cha' cuxi nu ntsu'u tyiquee na, ñi'ya̱ nti' lo'o ngua ti̱ cha' quicha na lo'o ndyaca tso'o na.

1 PEDRO 4:6

Lo'o jua'a̱ ngu' nu cua ngujuii, nu cua ndyuna cha' tso'o ji'i̱ Jesucristo, ñati̱ chalyuu ti ngua ngu' bi', bi' cha' ngujuii ngu', ñi'ya̱ nu nscua cha' cajaa lcaa ñati̱; pana cua'ni Xtyi'i ycui' Ndyosi cha' tyu'ú ngu' bi' chaca quiya', cha' caja chalyuu nu ná nga'a̱ cha' tye ji'i̱ ngu' bi', cha' cua ngusñi ngu' cha' ji'i̱ Jesús.