GÁLATAS 2:17 - Chatino Tataltepec

¹⁷ Tso'o lacua. Masi ngu' judío laca ya, cua jlo ti' ya cha' xqui'ya cña nu cua ngua'ni Cristo cuentya ji'na, bi' cha' taca caca lubii cresiya ji'i̱ ya cuentya ji'i̱ ycui' Ndyosi. La cui' ti cha', nga'a̱ cha' chcui' ya ji'i̱ ycui' ca ya cha' lo'o lcaa ngu' judío tya'a ya ntsu'u qui'ya ji'i̱ ya, ñi'ya̱ lo'o nacui̱ ya cha' ntsu'u qui'ya ji'i̱ ngu' xa' tsu'. Pana si'i Cristo laca nu ngua'ni cha' laca ya ñati̱ cuxi.

GÁLATAS 2:17 ပူးပေါင်းရင်းမြစ်များ

SAN MATEO 1:21

Lo'o cala sñi' nu cuna'a̱ bi', cubi' qui'yu caca nu bi'. Lo'o xcua xtañi cubi' bi' li', bi' ca naa Jesús. Lo'o nu Jesús bi' ni, bi' laca nu cua'ni lyaá ji'i̱ ñati̱ nu ntsu'u cha' ji'i̱ lo'o ycui' Ni, cha' clyaá ngu' ji'i̱ qui'ya nu ntsu'u ji'i̱ ngu'.

SAN LUCAS 20:16

Nclyacua ti' na' cha' ca̱a̱ ycui' xu'na yuu tu'ni, cha' cujuii ji'i̱ nu ngu' cuxi bi', lo'o li' ta yuu bi' ji'i̱ xa' ñati̱ cha' cua'ni ngu' cña ndacua. Lo'o ndyuna ngu' cha' bi', li' nacui̱ ngu': ―¡Ná cua'ni ycui' Ndyosi jua'a̱!

ROMANOS 11:7

Ndi'ya̱ ngua li': Ná lcaa ngu' Israel ngua ji'i̱ ngu' cua'ni ngu' cha' ca tso'o cresiya ji'i̱ ngu' cuentya ji'i̱ ycui' Ndyosi, ñi'ya̱ ngua ti' ngu' cha' cua'ni ngu'. Ñati̱ nu ngusubi ycui' Ndyosi ji'i̱ ni, ngujui ñi'ya̱ caca cha' bi' ji'i̱ ngu'; pana nu xa' la tya'a ngu' Israel bi', tsa tyempo ti ndyacu̱' jyaca̱ ngu'.

ROMANOS 15:8

Cua ñaa Cristo cha' cua'ni lyaá yu ji'i̱ ngu' judío, ñi'ya̱ nu ngüiñi cha' ji'i̱ ycui' Ndyosi lo'o jyo'o cusu' ji'i̱ ya sa'ni la; caca cuayá' ti' na jua'a̱ cha' liñi tsa cha' nu nda Ni lo'o jyo'o cusu' bi'.

ROMANOS 3:4

Ná nti' Ni cua'ni Ni jua'a̱. Xcui' cha' liñi ndu'ni ycui' Ndyosi lo'o ñati̱ ji'i̱ Ni, masi cha' cuiñi laca nu ndu'ni lcua ti lo ñati̱ chalyuu. Cua nscua sca cha' ji'i̱ ycui' Ndyosi lo quityi nu nchcui' ndi'ya̱: Lo'o chcui' nu'u̱, li' caca cuayá' ti' ngu' cha' liñi tsa ndu'ni nu'u̱; lo'o caca cuayá' jinu'u̱ slo ñati̱, taca cua'ni lyaá nu'u̱ ji'i̱ ycui' ca li'.

ROMANOS 3:6

Pana liñi tsa ndu'ni Ni. Ná caca xcube' Ni ji'i̱ ñati̱ chalyuu xqui'ya qui'ya nu ntsu'u ji'i̱ ngu', si ná liñi ndu'ni cuayá' Ni ji'i̱ lcaa ñati̱.

GÁLATAS 2:11

Lo'o li' ndyalaa Pedro nde quichi̱ Antioquía, ca su ndi'i̱ na'. Tiya' la li' ndya'a̱ na' slo yu, ngua'a na' ji'i̱ yu xqui'ya cha' cua ntsu'u sca cha' cuxi nu ndyu'ni yu.

GÁLATAS 2:15

Nu cuare ni, ngu' judío laca ya tya lo'o ngula ya chalyuu nu ndaquiya' ji'i̱ lcaa cha' nu nda ycui' Ndyosi lo'o ya; si'i na ndaquiya' ya ji'i̱ cua ña'a̱ ca cha' cuxi ñi'ya̱ ndu'ni ngu' xa' tsu'.

GÁLATAS 3:21

Tso'o si cua'ni na cña nu nscua lo quityi cusu' cha' cua'ni na lacua. Lo'o jua'a̱ ndu'ni tsa cha' xñi na lcaa cha' nu nda ycui' Ndyosi lo'o ñati̱. Pana masi taquiya' na ji'i̱ lcaa cha' cusu' bi', ná taca caja chalyuu cucui bi' ji'na jua'a̱ ti; ná taca ca tso'o cresiya ji'na cuentya ji'i̱ ycui' Ni xqui'ya cha' ndyu'ni ti na lcaa cña nu nscua lo quityi cusu' bi' cha' cua'ni na; ná caca jua'a̱ tsiya' ti.

GÁLATAS 6:14

Pana nu na' ni, sca ti cha' tso'o ntsu'u chalyuu nti' na', cha' nu ngujuii ycui' Jesucristo nu Xu'na na lo crusi cuentya ji'na; bi' cha' nga'aa nti' na' ta na' xa' la cha' lo'o ñati̱. Lo'o jua'a̱ xqui'ya cha' ngujuii ycui' Cristo, nga'aa caca tatsaa nu cuxi nu ntsu'u chalyuu jna', cha' nga'aa ntsu'u cha' jna' lo'o cha' cuxi nu ntsu'u chalyuu juani.

HEBREOS 8:2

Ndu'ni Ni cña ca sca se'i̱ su tacati tsa nu ngüiñá ycui' Ndyosi; si'i ñati̱ chalyuu ti nu ngüiñá ji'i̱, cha' laca bi' ñi'ya̱ nu ngua ti' ycui' Ndyosi cha' caca.

1 JUAN 3:5

Cua jlo ti' ma̱ cha' cua ya̱a̱ Jesucristo chalyuu cha' cuityi̱ Ni qui'ya nu ntsu'u ji'i̱ ñati̱; pana ycui' Cristo ni, ná ntsu'u qui'ya ji'i̱ yu tsiya' ti.