GÁLATAS 2:15 - Chatino Tataltepec

¹⁵ Nu cuare ni, ngu' judío laca ya tya lo'o ngula ya chalyuu nu ndaquiya' ji'i̱ lcaa cha' nu nda ycui' Ndyosi lo'o ya; si'i na ndaquiya' ya ji'i̱ cua ña'a̱ ca cha' cuxi ñi'ya̱ ndu'ni ngu' xa' tsu'.

GÁLATAS 2:15 ပူးပေါင်းရင်းမြစ်များ

TITO 3:3

Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.

EFESIOS 2:3

Ca ta'a na ni, chañi cha' ñi'ya̱ nu ndaquiya' ngu' bi' ji'i̱ nu cuxi, jua'a̱ ngua'ni na tya tsubi' la; ngua'ni na cua ña'a̱ ca cha' cuxi nu ndijña ti' cresiya ji'na. Na laca nu ngua ti' ycui' ca na cha' cua'ni na, ngua'ni na ji'i̱ li'; cua ña'a̱ ca cha' cuxi nu ngua'ya hique ti na, ngua'ni na cha' bi'. Bi' cha' ndyanu cha' xcube' ycui' Ndyosi ji'na, cha' ñasi̱' tsa Ni xqui'ya cha' cuxi nu ngua'ni na lo'o Ni; stu'ba ti xcube' Ni ji'na lo'o cua ña'a̱ ca ñati̱ chalyuu li'.

ROMANOS 3:9

Ndi'ya̱ ñacui̱ na lacua: Ná caca chcui' na cha' tso'o la na cha' laca na ngu' judío, cha' si'i cha' bi' tsiya' ti; cua ngua cuayá' ca ti' na cha' stu'ba ti ntsu'u cha' cuxi ji'i̱ ngu' judío lo'o ji'i̱ ngu' xa' tsu', cha' ntsu'u tsa cha' cuxi nu laca loo ji'i̱ lcaa ñati̱ chalyuu.

FILIPENSES 3:4

Lo'o na', jlya tsa ti' na' ji'i̱ nu cha' cusu' bi'. Tya tsubi' la ni, ná njyacua xa' la ñati̱ 'na, lye la ndaquiya' na' lcaa cha' cusu' nu ntsu'u ji'i̱ ngu' judío tya'a ya.

ROMANOS 4:16

Ngüiñi cha' ji'i̱ Ni lo'o jyo'o Abraham lo'o ngusñi ti yu cha' ji'i̱ Ni, cha' caca cuayá' ti' lcaa na cha' xcui' cha' tso'o ntsu'u tyiquee Ni; bi' cha' nda Ni cha' bi' lo'o na. Ndyanu cha' bi' ji'i̱ lcaa ñati̱ ji'i̱ Abraham nu cala chalyuu ca nde loo la. Ni si'i tsa lo cua ti ñati̱ nu taquiya' ji'i̱ cha' cusu' ti laca nu tyanu cha' tso'o bi' ji'i̱, la cui' jua'a̱ tyanu cha' bi' ji'i̱ lcaa ñati̱ tya'a na nu xñi na cha' ji'i̱ ycui' Ndyosi ñi'ya̱ ngusñi ycui' Abraham cha' ji'i̱ Ni; jua'a̱ nti' na lo'o nacui̱ na cha' sti lcaa na ngua jyo'o Abraham bi' cuentya ji'i̱ ycui' Ndyosi.

LOS HECHOS 22:21

“Tyaa nu'u̱ juani”, nacui̱ ycui' nu Xu'na na jna' li'. “Culo na' cña jinu'u̱ cha' tsaa nu'u̱ xa' quichi̱ tyijyu' la, cha' culu'u nu'u̱ ji'i̱ xa' ñati̱; nga'aa si'i ji'i̱ ngu' judío tya'a nu'u̱ ti culu'u nu'u̱.”

SAN MATEO 9:11

Lo'o na'a̱ ngu' fariseo cha' ndyacu Jesús lo'o ngu' bi', hora ti nchcui' ngu' lo'o ngu' nu ndyaca tsa'a̱ ji'i̱ yu: ―¿Ni cha' stu'ba ti ndacu xu'na ma̱ lo'o ngu' nu ná tso'o, masi lo'o ngu' re nu laca msu ji'i̱ ngu' xa' tsu' nu cuiñi ti nxñi quiña'a̱ tsa cñi cña loo ji'i̱ ngu'? ―nacui̱ ngu' fariseo bi'.

SAN LUCAS 24:7

Cua nacui̱ yu cha' ycui' nu lijya̱ cha' caca yu ñati̱ ni, nga'a̱ cha' ta ngu' ji'i̱ yu ya' ngu' xña'a̱, cha' cujui'i̱ ca'a̱ ngu' ji'i̱ yu lo crusi. Lo'o chu̱' sna tsa̱, li' tyu'ú yu chaca quiya' nacui̱ yu.

GÁLATAS 2:17

Tso'o lacua. Masi ngu' judío laca ya, cua jlo ti' ya cha' xqui'ya cña nu cua ngua'ni Cristo cuentya ji'na, bi' cha' taca caca lubii cresiya ji'i̱ ya cuentya ji'i̱ ycui' Ndyosi. La cui' ti cha', nga'a̱ cha' chcui' ya ji'i̱ ycui' ca ya cha' lo'o lcaa ngu' judío tya'a ya ntsu'u qui'ya ji'i̱ ya, ñi'ya̱ lo'o nacui̱ ya cha' ntsu'u qui'ya ji'i̱ ngu' xa' tsu'. Pana si'i Cristo laca nu ngua'ni cha' laca ya ñati̱ cuxi.