GÁLATAS 2:1 - Chatino Tataltepec

¹ Cua ndya'a tii jlyacua yija̱, li' xa' ndya'a̱ nde Jerusalén chaca quiya'; lo'o Bernabé ndya'a̱, lo'o jua'a̱ ndyaa lo'o ya ji'i̱ Tito.

GÁLATAS 2:1 ပူးပေါင်းရင်းမြစ်များ

LOS HECHOS 11:25

Lo'o li' ndu'u yu bi' ndyaa yu nde quichi̱ Tarso, ndyaana yu ji'i̱ Saulo. Lo'o nquije yu ji'i̱, li' ngutu'u yu ñaa lo'o yu ji'i̱ Saulo ca quichi̱ Antioquía chaca quiya'.

LOS HECHOS 11:30

Jua'a̱ ngua'ni ngu' li'. Nda ngu' msta̱ bi' ji'i̱ Bernabé lo'o ji'i̱ Saulo cha' tsaa lo'o ngu' ji'i̱, cha' ta ngu' cñi bi' ji'i̱ ngu' cusu' ca bi'. Li' tacha ngu' cñi bi', caja xi ndaca ti ji'i̱ tya'a ti'i ti ngu'.

LOS HECHOS 12:25

Nu lo'o cua ndye cña ji'i̱ Bernabé lo'o Saulo ca quichi̱ Jerusalén, li' nguxtyu̱u̱ ngu' ñaa ngu' nde quichi̱ Antioquía chaca quiya'. Ñaa lo'o ngu' ji'i̱ Juan, la cui' nu naa Juan Marcos.

LOS HECHOS 13:2

Ngua sca tsa̱ nu lo'o tyucui tsa̱ ná ndyacu ngu' taju bi', xqui'ya cha' ngua'ni tlyu ngu' ji'i̱ ycui' Ndyosi nu Xu'na na. Li' nchcui' Xtyi'i ycui' Ndyosi lo'o ngu' bi': ―Ta ma̱ chacuayá' ji'i̱ Bernabé lo'o jua'a̱ ji'i̱ Saulo, cha' tsaa ngu' xa' quichi̱ cha' cua'ni ngu' cña nu ta na' ji'i̱ ngu' cha' cua'ni ngu' ―nacui̱ ycui' Ndyosi ji'i̱ ngu'.

LOS HECHOS 13:50

Hora ti nchcui' ngu' judío lo'o ngu' nu laca loo ji'i̱ quichi̱, jua'a̱ lo'o ngu' cuna'a̱ tlyu, cha' su'ba ñasi̱' ji'i̱ ngu' quichi̱ lo'o ña'a̱ ngu' ji'i̱ Pablo lo'o Bernabé. Ngua ti'í ti' ngu' ji'i̱ ngu' bi' li', ngulo'o ngu' ji'i̱ ngu' bi', cha' tsaa Pablo lo'o Bernabé xa' se'i̱.

LOS HECHOS 14:12

Nchcui' ngu' cha' jo'ó Júpiter laca Bernabé, lo'o jo'ó Mercurio laca Pablo nacui̱ ngu', xqui'ya cha' nda tsa Pablo cha' lo'o ngu'.

LOS HECHOS 15:25

Bi' cha' juani cua ngua stu'ba cha' ji'i̱ ya lo'o tya'a cuare, ngusubi ya tucua tya'a ngu' tya'a ya, la cui' ñati̱ ji'i̱ Jesucristo tya'a na laca ngu'; tsaa ngu' slo ma̱ lo'o Bernabé lo'o Pablo tya'a na. Ntsu'u tsa tyiquee na ña'a̱ na ji'i̱ nu ngu' tya'a na bi',

1 CORINTIOS 9:6

Si'i sca ti na' lo'o Bernabé nu nga'a̱ cha' cua'ni lye ya cña cha' caja na cacu ya, laja lo'o nclyu'u ya cha' ji'i̱ ycui' Ndyosi ji'i̱ ngu'.

2 CORINTIOS 2:13

Pana ná ndalo na' ca bi', cha' ngulacua tsa ti' na' ni cha' laca bilya tyalaa Tito tya'a ndya'a̱ ya cña slo na'; bi' cha' yala ti ngusalya' na' lo'o ngu' quichi̱ bi'. Li' tya ndyaa la na' nde loyuu su cuentya Macedonia.

2 CORINTIOS 8:16

Tso'o tsa nti' ya lo'o nchcui' ya lo'o ycui' Ndyosi, cha' nu Tito, tya'a ndya'a̱ ya cña bi' ni, nti' tsa yu xtyucua yu ji'i̱ ma̱. Stu'ba ti nti' yu lo'o na' cha' xtyucua ya ji'i̱ cu'ma̱.

2 CORINTIOS 8:23

Bi' cha' juani si xcuane ngu' ji'i̱ ma̱ ni cña laca ndya'a̱ Tito, ndi'ya̱ ñacui̱ ma̱ ji'i̱ ngu': Tya'a ndya'a̱ na cña laca yu re. Lo'o jua'a̱ xacui̱ ma̱ cha' ji'i̱ ngu' cha' stu'ba ndyu'ni yu cña lo'o cua cuentya ji'i̱ cu'ma̱. La cui' jua'a̱ si xcuane ngu' ji'i̱ ma̱, ni cña laca nu ndya'a̱ xa' la tya'a ndya'a̱ Tito bi', ndi'ya̱ xacui̱ ma̱ cha' ji'i̱ ngu' li': Ndya'a̱ ngu' bi' cuentya ji'i̱ lcaa latya ngu' xa' quichi̱ nu ndyu'ni tlyu ji'i̱ Cristo, cha' ndu'ni chi̱ ngu' loo Cristo.

GÁLATAS 1:18

Nga'aa ndya'a na' nde Jerusalén li'; pana ca lo'o ndu'u scua sna yija̱, li' nguta'a̱ na' nde jua. Lo'o li' ndyuloo na' ji'i̱ Pedro, nguti'i̱ na' ti'ñu tsa̱ lo'o yu li'.

GÁLATAS 2:13

Lo'o li' la cui' jua'a̱ ngua'ni xa' la ngu' judío tya'a ntsu'u cha' ji'na lo'o Cristo, sca ti cuayá' siya' tyiquee ngu' lo'o Pedro; lo'o ycui' Bernabé ngua ti' yu cua'ni yu ñi'ya̱ nu ngua'ni ngu' bi', cha' siya' tsa tyiquee ngu'.

GÁLATAS 2:3

Lo'o jua'a̱ yu Tito tya'a ndya'a̱ na' ni, ná nchcui' ngu' lo'o yu cha' si'yu quiji̱ yu cha' culacua̱ yu ñi'ya̱ ndu'ni ngu' judío, masi ngu' xa' tsu' laca yu.

GÁLATAS 2:9

Bi' cha' ngutucuá ngu' cña 'na, nu Jacobo lo'o Pedro lo'o Juan bi', la cui' ngu' nu laca loo ji'i̱ ngu' tya'a ngusñi na cha' ji'i̱ Cristo. Stu'ba ti nchcui' ngu' bi', cha' tso'o tsa ngua'ni ycui' Ndyosi lo'o na' nu lo'o nda Ni cña bi' 'na. Li' ngusñi ya' tya'a ya lo'o ngu' bi', na' lo'o Bernabé, cha' caca cuayá' ti' ya cha' tso'o ti nti' ngu' ña'a̱ ngu' ji'i̱ ya, cha' stu'ba ntsu'u cha' ji'i̱ ngu' lo'o ya, cha' tya tsaa la ya quichi̱ tyi ngu' xa' tsu'. Tyanu ycui' ngu' bi' ca su ndi'i̱ tya'a ya, nu ngu' judío bi' li'.

COLOSENSES 4:10

Aristarco tya'a ntsu'u na' ne' chcua̱, lo'o yu nda yu xlyo ni'i̱ ji'i̱ ma̱; la cui' jua'a̱ cha' nda Marcos tya'a Bernabé. (Tya tsubi' la cua nda na' sca cha' nu ndyaa ca slo cu'ma̱ cuentya ji'i̱ nu Marcos bi', cha' tso'o ti chcui' ma̱ lo'o yu nu lo'o tyalaa yu slo ma̱).

TITO 1:4

Nscua na' quityi re cha' ca̱a̱ slo nu'u̱, Tito, cha' ñi'ya̱ si laca nu'u̱ sñi' na', jua'a̱ nti' na' ña'a̱ na' jinu'u̱, cha' stu'ba ti ngusñi na cha' ji'i̱ ycui' Ndyosi. Ndi'ya̱ nti' na' cha' ña'a̱ ti cua'ni ycui' Ndyosi Sti na cha' tso'o lo'o nu'u̱, jua'a̱ Jesucristo nu ngua'ni lyaá ji'na; cua'ni Ni cha' ti̱ ti tyi'i̱ tyiquee nu'u̱ li'.