GÁLATAS 1:8 - Chatino Tataltepec

⁸ Pana tlyu tsa qui'ya sta Ni ji'i̱ ñati̱ nu chcui' sca cha' cuiñi lo'o ma̱ ñi'ya̱ nu caca clyaá ma̱ ji'i̱ cha' cuxi, nu culu'u ji'i̱ ma̱ sca cha' nu si'i la cui' cha' liñi laca, nu si'i cha' nu cua nchcui' ya lo'o ma̱ tya clyo. Lo'o cuare, sta ycui' Ndyosi qui'ya ji'i̱ ya si xcutsa'a̱ ya cha' nu cua nda ya lo'o ma̱; masi sca xca̱ nu ngutu'u ca slo ycui' Ndyosi laca nu chcui' cha' cuiñi jua'a̱, xcube' Ni ji'i̱, cha' tlyu tsa qui'ya laca bi'.

GÁLATAS 1:8 ပူးပေါင်းရင်းမြစ်များ

SAN MATEO 25:41

’Lo'o li' chcui' na' lo'o taju ñati̱ nu ndi'i̱ la'a tsu' coca 'na: “Tyu'u ma̱ liya', cu'ma̱ nu ná ntsu'u su tyi'i̱ ma̱ slo ycui' Ndyosi. Yaa clya ma̱ ca su ná tye tsiya' ti cha' ndyaqui̱ quii', cha' stu'ba ti tyi'i̱ ma̱ lo'o nu laca xu'na cuiñaja lo'o lcaa xca̱ ji'i̱, lcaa cui'i̱ cuxi; cuentya ji'i̱ nu cuiñaja bi' nguxtyu'u ycui' Ni quii' bi'.

SAN MARCOS 14:71

Li' nguxana Pedro ngua'ni jura cha' xcube' ycui' Ni ji'i̱ si cha' cuiñi chcui' lo'o ngu'. ―Ná nslo na' ji'i̱ nu qui'yu nu nchcui' tsa ma̱ cha' ji'i̱ ―nacui̱ Pedro ji'i̱ ngu'.

LOS HECHOS 23:14

Bi' cha' ndyaa ngu', nchcui' ngu' lo'o sti jo'ó nu laca loo lo'o ngu' cusu' quichi̱ bi': ―Cua ngüiñi cha' ji'i̱ ya lo'o ycui' Ndyosi ―nacui̱ ngu' ji'i̱ ngu' nu laca loo―. Nchcui' ya lo'o Ni cha' ná cacu ya tsiya' ti ña'a̱ cuayá' nu cua ndyujuii ya ji'i̱ nu Pablo bi' ―nacui̱ ngu'―.

ROMANOS 16:17

Cu'ma̱ tya'a ntsu'u cha' ji'na lo'o Cristo, lye chcui' na' lo'o ma̱ juani, cha' tii ti ti' tyi'i̱ ma̱ xi, cha' ná tyu'u tucua ñati̱ nu ta cha' cusu̱u̱ ji'i̱ ma̱ lo'o tya'a ma̱, cha' ná tacu̱' loo ngu' bi' cha' liñi ji'i̱ Cristo nu cua ndyuna ma̱. Ná xñi ma̱ cha' ji'i̱ ngu' bi',

ROMANOS 9:3

tyucui tyiquee na' tyaja'a̱ na' cha' masi tyanu yabe' nu ntsu'u ji'i̱ ngu' bi' hichu̱' ycui' ca na', masi nga'aa ña'a̱ Cristo jna' tsiya' ti nti' na', si jua'a̱ ti taca cua'ni lyaá Ni ji'i̱ ngu' tya'a quichi̱ tyi na' bi'.

1 CORINTIOS 12:3

Bi' cha' nti' tsa na' cha' caca cuayá' ti' ma̱ cha' re. Si'i Xtyi'i ycui' Ndyosi ndu'ni cha' ñacui̱ ngu': “Cuiñaja laca nu Jesús bi'”. Ná taca ñacui̱ ngu' jua'a̱ xqui'ya Xtyi'i ycui' Ndyosi. Lo'o ñacui̱ ngu': “Xu'na na laca Jesús”, Xtyi'i ycui' Ndyosi laca nu ndu'ni cha' ñacui̱ ngu' jua'a̱ li'.

1 CORINTIOS 16:22

Chaca tya cha' chcui' na' lo'o ma̱ juani: Si ntsu'u ngu' tya'a ndyu'u ti'i̱ ma̱ nu ná liñi cha' tso'o ntsu'u tyiquee ngu' ña'a̱ ngu' ji'i̱ ycui' nu Xu'na na, xtyanu ti'i̱ ma̱ ji'i̱ ngu' li', cha' xcube' ycui' Ndyosi ji'i̱. ¡Tya̱a̱ nu'u̱, Xu'na, ca su ndi'i̱ ya!

GÁLATAS 1:9

Jua'a̱ ni na' ji'i̱ ma̱ tya tsubi' la, lo'o la cui' cha' laca nu ta na' lo'o ma̱ chaca quiya' juani: Tlyu tsa cha' ti'í tyacua ji'i̱ ñati̱ si ta ngu' xa' la cha' lo'o ma̱, ñi'ya̱ nu cua'ni ma̱ cha' clyaá ma̱ ji'i̱ nu cuxi, nu si'i la cui' cha' nu cua ndyuna ma̱ tya clyo.

GÁLATAS 3:10

Pana cua ña'a̱ ca ñati̱ nu tsa bi' ti cña nti' cha' taquiya' ji'i̱ cha' cusu' nu nguscua jyo'o Moisés, tyanu yabe' hichu̱' ñati̱ bi', cha' ndi'ya̱ nchcui' quityi ji'i̱ ycui' Ndyosi: “Tyanu yabe' hichu̱' lcaa ñati̱ si ná taquiya' ngu' ji'i̱ lcaa ca cha' nu nscua lo quityi bi'”.

GÁLATAS 3:13

Cua ngulo Cristo ji'na ji'i̱ yabe' nu ngusta ycui' Ndyosi hichu̱' na xqui'ya cha' ná ndaquiya' na ji'i̱ lcaa cha' tsiya' ti nu nda Ni lo'o na; yabe' nu ntsu'u ji'na bi' cua ndyanu hichu̱' ycui' Jesús li'. Ndi'ya̱ nscua cha' lo quityi ji'i̱ ycui' Ndyosi: “Si tlyu tsa yabe' ntsu'u ji'i̱ sca ñati̱, ntsu'u cha' cujui'i̱ ca'a̱ ngu' ji'i̱ ña'a̱ lu'ú ti lo sca yaca ndu̱ cha' cajaa yu”.

TITO 3:10

Tucua quiya' chcui' nu'u̱ lo'o ngu' cha' cua'a nu'u̱ ji'i̱ ngu' nu nti' xu'ba cha' cusu̱u̱ laja cu'ma̱ nu laca ma̱ ñati̱ ji'i̱ Jesucristo. Si ná cuna ngu' bi', li' xtyanu ma̱ ji'i̱ ngu' bi'.

2 PEDRO 2:14

Xcui' cha' suba' nda'ya hique ngu' cuxi bi' lo'o ña'a̱ ngu' ji'i̱ sca nu cuna'a̱, cha' ná tye cha' nti' ngu' bi' cua'ni suba' ngu' lo'o. Lo'o jua'a̱ hora ti culu'u ngu' bi' cha' cuxi ji'i̱ xa' ñati̱ nu bilya ca cuayá' tso'o ti' cha' ji'i̱ Jesucristo. Lye tsa ngua tsa'a̱ ngu' cuiñi bi' ji'i̱ lcaa lo cha' cuxi, bi' cha' lye tsa ndacui ti' ngu' bi'; ná nga'a̱ cha' tyaala' ji'i̱ ngu' bi' tsiya' ti. Pana cua nda ycui' Ndyosi yabe' ji'i̱ ngu' cuiñi bi';