GÁLATAS 1:13 - Chatino Tataltepec

¹³ Cua jlo ti' ma̱ ñi'ya̱ nu ngua'ni na' nde chalyuu tya sa'ni la, ñi'ya̱ ndaquiya' tsa na' ji'i̱ lcaa cña tacati nu ndu'ni ngu' judío tya'a ya. Cua jlo ti' ma̱ cha' ti'í tsa nguxcube' na' ji'i̱ lcaa ñati̱ nu ntsu'u cha' ji'i̱ lo'o Jesucristo nu ngua li'; ngua ti' na' cua'ni tye na' ji'i̱ ñati̱ bi' tsiya' ti.

GÁLATAS 1:13 ပူးပေါင်းရင်းမြစ်များ

LOS HECHOS 8:1

Tso'o tsa ngua ti' nu Saulo bi', cha' cua ndyujuii ngu' ji'i̱ Esteban. La cui' tsa̱ bi' nguxana yu, ti'í tsa nchcube' yu ji'i̱ ngu' nu ntsu'u cha' ji'i̱ lo'o Jesucristo ca quichi̱ Jerusalén. Lya' tsa ti' yu ji'i̱ ngu' bi'; bi' cha' ngusñi ngu' tyucui̱i̱, ndyaa ngu' xa' la quichi̱ nde loyuu su cuentya Judea, lo'o jua'a̱ loyuu su cuentya Samaria. Pana nu tii tyucuaa tya'a ngu' nu ngua tsa'a̱ ji'i̱ Jesucristo tya clyo ni, ndyanu ngu' bi' nde Jerusalén.

LOS HECHOS 8:3

Lo'o nu Saulo bi' ni, ngua ti' yu cha' lye tsa xcube' yu ji'i̱ lcaa ñati̱ ji'i̱ Jesucristo li'. Ndyatí̱ yu ca ni'i̱ ji'i̱ ngu', ntejeya' yu ji'i̱ ngu' qui'yu bi', ntejeya' yu ji'i̱ ngu' cuna'a̱ bi', cha' tyaa lo'o yu ji'i̱ ngu' ne' chcua̱.

LOS HECHOS 9:21

Quiña'a̱ tsaa ngulacua ti' ngu' lo'o ndyuna ngu' cha' bi'. ―¿Ha si'i Saulo jua laca nu lye tsa nchcube' ji'i̱ ñati̱ ji'i̱ Jesucristo ca quichi̱ Jerusalén? ―nacui̱ ngu' ji'i̱ tya'a ngu'―. ¿Ha si'i nu jua laca nu ndyalaa nde quichi̱ re cha' sca̱' ji'i̱ ñati̱ bi', cha' caca cuayá' ji'i̱ ngu' ca slo xu'na sti jo'ó?

LOS HECHOS 9:26

Ndyalaa Saulo ca quichi̱ Jerusalén li', ndyalaa yu slo ñati̱ ji'i̱ Jesucristo ca quichi̱ bi'. Pana ndyutsi̱i̱ ngu' bi' ji'i̱ Saulo, cha' ná jlya ti' ngu' cha' chañi cha' cua ngusñi yu cha' ji'i̱ Jesús.

1 CORINTIOS 10:32

Ná ta ma̱ chacuayá' tyu'utsu' ni tsaca ngu' ji'i̱ tyucui̱i̱ liñi ji'i̱ Cristo; ni ngu' judío, ni ngu' xa' tsu' nu si'i ngu' judío laca, ni tsaca ñati̱ tya'a ngusñi ma̱ cha' ji'i̱ ycui' Ndyosi, ná tso'o tsiya' ti si tyú ngu' ya' nu xña'a̱.

1 CORINTIOS 15:9

Ná tso'o na' tsiya' ti nti' na', masi ngusubi Ni 'na cha' sañi na' cha' ji'i̱ Jesús ca xa' quichi̱ tyijyu', cha' ntsu'u xa' la ngu' tya'a ya nu nchca la ji'i̱ ngu' cua'ni ngu' cña bi'. Ná stu'ba na' lo'o ngu' bi', cha' tya tsubi' la lya' tsa ti' na' ji'i̱ lcaa ñati̱ ji'i̱ Jesucristo.

FILIPENSES 3:6

cha' jlya tsa ti' na' ji'i̱ nu cha' cusu' bi', bi' cha' nguxcube' tsa na' ji'i̱ lcaa ñati̱ nu ngusñi cha' ji'i̱ Jesucristo, lya' tsa ti' na' ji'i̱ ngu' bi'. Lo'o jua'a̱ ná ntsu'u qui'ya 'na lo'o ngu' judío cuentya ji'i̱ cha' cusu' bi', cha' cua ndaquiya' tsa na' lcaa nu cha' cusu' bi'; tya sa'ni cua ngua lubii cresiya jna', si chañi cha' caca tso'o cresiya ji'na cuentya ji'i̱ ycui' Ndyosi jua'a̱ ti.

1 TIMOTEO 1:13

Ngusubi Ni jna', masi suba' tsa nchcui' na' ji'i̱ Ni cua sa'ni la, tyempo lo'o nguxcube' na' ji'i̱ ñati̱ ji'i̱ Jesucristo; tyaala tsa na' nu ngua li'. Pana ná jlo ti' na' tyempo bi', cha' bilya xñi na' cha' tso'o ji'i̱ ycui' Ndyosi, bi' cha' ngua tya'na tsa ti' Ni jna'.

1 TIMOTEO 1:14

Ntsu'u tsa tyiquee nu Xu'na na ña'a̱ Ni 'na, bi' cha' ngusñi na' cha' ji'i̱ ycui' Jesucristo li'; lo'o nu juani ntsu'u tyiquee na' ña'a̱ na' ji'i̱ Jesús, lo'o jua'a̱ ntsu'u tyiquee na' ña'a̱ na' ji'i̱ tya'a ñati̱ na'.