GÁLATAS 1:1 - Chatino Tataltepec

¹ Pablo laca na' nu nscua̱ quityi re. Cña 'na laca cha' tsa'a na' chcui' na' cha' ji'i̱ Jesucristo lo'o lcaa ñati̱. Si'i ñati̱ chalyuu ti laca nu cua nda cña bi' 'na, si'i ñati̱ laca nu nguane 'na cha' cua'ni na' cña bi'; Jesucristo lo'o ycui' Ndyosi Sti Jesús, bi' laca nu cua nda cña bi' 'na. Ycui' Ndyosi ni, bi' laca nu ngua'ni cha' ndyu'ú Jesús chaca quiya' lo'o ngujuii yu.

GÁLATAS 1:1 ပူးပေါင်းရင်းမြစ်များ

SAN JUAN 10:30

Lo'o jua'a̱ stu'ba ntsu'u cha' ji'i̱ ycui' Ndyosi Sti na' lo'o na' ―nacui̱ Jesús.

SAN JUAN 20:21

Chaca quiya' nchcui' Jesús lo'o ngu' li': ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu'―. Ñi'ya̱ lo'o nda Sti na' 'na lijya̱a̱ chalyuu, jua'a̱ ta na' ji'i̱ ma̱ cha' tsaa ma̱ tyucui ña'a̱ chalyuu.

SAN JUAN 5:19

Li' nguxacui̱ Jesús cha' ji'i̱ ngu' judío bi': ―Ta na' sca cha' liñi lo'o ma̱ juani ―nacui̱ yu―. Ná sca cña caca cua'ni na' ycui' ti na', na' nu laca̱ Sñi' ycui' Ndyosi. Ñi'ya̱ cña nu ña'a̱ na' cha' ndu'ni Sti na', jua'a̱ ti cña ndu'ni na' ―nacui̱―.

LOS HECHOS 22:10

“¿Na laca nu nti' nu'u̱ cha' cua'ni na', Xu'na?” nacui̱ na' ji'i̱ Jesús li'. “Tyatu̱ nu'u̱”, nacui̱ nu Xu'na na jna', “tsaa nu'u̱ ca quichi̱ Damasco. Ndejua ndi'i̱ sca ñati̱ nu culu'u jinu'u̱ lcaa ña'a̱ cña nu ntsu'u cha' cua'ni nu'u̱.”

LOS HECHOS 3:15

Lo'o li' ngüijña ma̱ chacuayá' cujuii ngu' ji'i̱ Jesús, masi ycui' Jesús laca nu nda chalyuu nu ná nga'a̱ cha' tye ji'i̱ ñati̱. Li' ngua'ni ycui' Ndyosi cha' ndyu'ú Jesús chaca quiya' lo'o cua ngujuii yu. Jlo ti' ya cha' chañi laca cha' cua ndyu'ú yu chaca quiya', cha' cua na'a̱ ya ji'i̱ yu ña'a̱ lu'ú ti yu chaca quiya'.

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.

ROMANOS 1:1

Pablo laca na' nu nscua̱ quityi re cha' ca̱a̱ nde quichi̱ Roma ca su ndi'i̱ ma̱, cu'ma̱ nu ngusñi ma̱ cha' ji'i̱ Jesucristo. Ndyu'ni na' cña ji'i̱ ycui' Ndyosi, cha' ycui' Ni ngusubi Ni jna' cha' tsa'a na' chcui' na' cha' tso'o ji'i̱ Ni lo'o ñati̱.

ROMANOS 10:9

Tsa bi' ti cha' nti', cha' cacha' na ji'i̱ ngu' cha' Jesús laca nu Xu'na na, lo'o jua'a̱ tyucui tyiquee na jlya ti' na cha' ngua'ni ycui' Ndyosi cha' ndyu'ú Jesús chaca quiya' ca su nguatsi'. Li' taca ji'i̱ Ni cua'ni lyaá Ni ji'na,

ROMANOS 14:9

Cua ngujuii Cristo, lo'o jua'a̱ cua ndyu'ú Cristo chaca quiya', cha' ca cuayá' ti' lcaa ngu' cha' ycui' Ndyosi laca Xu'na lcaa jyo'o nu ngusñi cha' ji'i̱ Ni nu lo'o nguti'i̱ ngu' chalyuu. Lo'o jua'a̱ ycui' Ni laca Xu'na ñati̱ nu jlya ti' ji'i̱ Ni nde chalyuu juani.

1 CORINTIOS 1:1

Pablo laca na' nu nscua̱ quityi re, lo'o jua'a̱ stu'ba ti ntucua na' lo'o Sóstenes tya'a ndyu'ni na' cña. Chacuayá' ji'i̱ ycui' Ndyosi ndya'a̱ na' nchcui' na' cha' ji'i̱ Jesucristo lo'o lcaa ñati̱.

2 CORINTIOS 1:1

Pablo laca na'. Se'i̱ ti ndi'i̱ na' ca nde lo'o Timoteo tya'a ngusñi na cha' ji'i̱ Cristo. Nscua ya quityi re cha' ca̱a̱ slo lcaa cu'ma̱ ca quichi̱ Corinto nu tsa tlyu ti ndyu'ni tlyu ma̱ ji'i̱ ycui' Ndyosi, lo'o jua'a̱ tyaa quityi re slo lcaa ñati̱ nu ntsu'u cha' ji'i̱ lo'o ycui' Ndyosi tyucui ña'a̱ loyuu su cuentya Acaya. Cua nda ycui' Ndyosi cña 'na cha' tsa'a na' chcui' na' lo'o ngu' xa' quichi̱ ca tyijyu' la, lcaa cha' nu ji'i̱ Jesucristo.

GÁLATAS 1:15

Pana yala la ngua'ni ycui' Ndyosi; masi bilya cala na' cua ngusubi Ni 'na cha' caca na' ñati̱ ji'i̱ Ni, xqui'ya cha' jua'a̱ ngua ti' ycui' Ni; na cua ngusubi Ni 'na xqui'ya cha' ntsu'u tsa tyiquee Ni ña'a̱ Ni 'na.

EFESIOS 3:8

Ná tso'o la na' tsiya' ti que cua ña'a̱ ca ñati̱ nu ngusñi cha' ji'i̱ ycui' Ndyosi, tso'o la ngu' bi' que na'; pana nda Ni chacuayá' cha' tsa'a̱ slo ñati̱ nu ndi'i̱ xa' tsu'. Tso'o tsa cña nda Ni 'na, cha' cacha' na' cha' tso'o bi' ji'i̱ ngu', masi tya lyiji tsa cha' tye ca cuayá' ti' ycui' na' lcaa cha' tso'o nu ndu'ni Cristo lo'o ñati̱.

2 TIMOTEO 1:1

Pablo laca na'. Cua nda ycui' Ndyosi cña 'na cha' lijya̱ na' tyijyu' ca nde quichi̱ tyi ma̱, cha' ta na' cha' ji'i̱ Jesucristo lo'o ma̱. Nacui̱ Ni cha' ná nga'a̱ cha' tye chalyuu ji'i̱ ñati̱ nu xñi cha' ji'i̱ Jesucristo.

TITO 1:3

Lo'o juani cua nti' Ni cha' tso'o tsa tyempo cha' cañi tyijyu' cha' ji'i̱ ycui' Ndyosi nu ndyu'ni lyaá ji'na, lo'o jua'a̱ cua ngulo Ni cña jna' cha' culu'u na' cha' tso'o bi' ji'i̱ xa' ñati̱.

HEBREOS 13:20

Ycui' Ndyosi laca nu ngua'ni cña cha' ndyu'ú Jesucristo nu Xu'na na chaca quiya' lo'o ngujuii. Lo'o juani laca Jesús loo, cha' ña'a̱si̱i̱ Ni ji'na nu laca na ñati̱ ji'i̱ Ni, xqui'ya cha' ngujuii Ni cuentya ji'na. Nu lo'o ngujuii Jesús, li' ngüiñi cha' ji'i̱ Ni lo'o lcaa ñati̱ ji'i̱ Ni, sca cha' cucui nu ná nga'a̱ cha' tye tsiya' ti.

1 PEDRO 1:21

Xqui'ya Cristo, bi' cha' jlya ti' ma̱ ji'i̱ ycui' Ndyosi, cha' cua ngua'ni ycui' Ni cha' ndyu'ú Cristo chaca quiya' lo'o cua ngujuii yu. Lo'o li' nda ycui' Ndyosi sca su tso'o su tyi'i̱ Cristo, ca su tlyu su ntucua ycui' Ni. Ngua'ni Cristo cña tonu bi', cha' taca xñi ma̱ cha' ji'i̱ ycui' Ndyosi, lo'o li' taca tyu̱ ti' ma̱ cha' caca lcaa ña'a̱ cha' nu nacui̱ Ni cha' caca.

APOCALIPSIS 1:18

Ycui' Ni nu lu'ú ca laca na' ―nacui̱ Ni―. Cua ngujuii na' nu ngua li', pana xa' ndyu'ú na' chaca quiya', lo'o juani nga'aa tye cha' lu'ú na'. Na' nclyu̱ cña lo'o ndyijii ñati̱, jua'a̱ la cui' na' nclyu̱ cña macala su tyaa cresiya ji'i̱ ngu'.

APOCALIPSIS 1:5

Tso'o tsa nchcui' liñi Jesucristo ji'i̱ ycui' Ndyosi Sti yu ña'a̱ cuayá' ndyujuii ngu' ji'i̱ yu. Pana lo'o ndyu'ú Jesús chaca quiya' lo'o ngujuii yu, li' na'a̱ ngu' cha' tlyu tsa cha' nu ntsu'u ji'i̱ yu. Lo'o juani laca Jesucristo loo ji'i̱ tyucui ña'a̱ chalyuu, xqui'ya cha' laca yu loo ji'i̱ lcaa nu laca xu'na chalyuu. Ntsu'u tsa tyiquee Jesús ña'a̱ yu ji'na, bi' cha' ngujuii yu lo crusi; cua ndyalú tañi yu, cha' ngua'ni lyaá yu ji'na ji'i̱ nu cuxi nu ntsu'u ji'na.

APOCALIPSIS 2:8

’Lo'o jua'a̱ scua nu'u̱ cha' re cha' tsaa slo nu ñati̱ nu ndu̱ cuentya jna' nde quichi̱ Esmirna, cha' culu'u cha' ji'i̱ ycui' Ndyosi ji'i̱ ngu' bi': “Ndi'ya̱ nchcui' na' lo'o ma̱, na' nu ntucua̱ lo'o nguxana lcaa cha', la cui' na' nu tya tyucua̱ lo'o tye lcaa cha': Chañi cha' ngujuii na', pana cua ndyu'ú na' chaca quiya'.