FILIPENSES 4:9 - Chatino Tataltepec

⁹ Cua'ni ma̱ cha' tyi'u ti' ma̱ ji'i̱ lcaa cha' nu cua ngua tsa'a̱ ma̱ 'na, masi sca cha' nu cua ndyuna ma̱ tya lo'o nda na' cha' lo'o ma̱, masi sca cha' nu cua na'a̱ ma̱ cha' ndyu'ni na'; bi' laca cha' nu nga'a̱ cha' cua'ni ma̱, lo'o li' cua'ni ycui' Ndyosi cha' ti̱ ti tyi'i̱ tyiquee ma̱.

FILIPENSES 4:9 ပူးပေါင်းရင်းမြစ်များ

SAN MATEO 1:23

Caca tana sca nu cuna'a̱ nu ntucua ycui' ti, lo'o li' qui'yu caca sñi'; Emanuel ñacui̱ ngu' ji'i̱ cubi' bi'. Jua'a̱ nscua lo quityi, bi' cha' jua'a̱ ngua ji'i̱ María li'. Nu nchcui' ngu' Emanuel ni, ndi'ya̱ nti' ñacui̱ cha' bi': Ndi'i̱ ycui' Ndyosi lo'o na.

SAN MATEO 28:20

Culu'u ma̱ ji'i̱ ngu' bi', cha' taquiya' ngu' lcaa cña nu cua ngulu'u na' ji'i̱ ma̱. Lo'o jua'a̱ tyi'u ti' ma̱ cha' nu nchcui' na' lo'o ma̱, cha' tyi'i̱ na' lo'o ma̱ lcaa tsa̱ hasta ña'a̱ cuayá' tye chalyuu. Tsa lo cua ti cha' nacui̱ Jesús.

SAN MATEO 7:21

’Ntsu'u tsa ngu' nu nchcui' lo'o na': “Xu'na, Xu'na”, nacui̱ ngu' 'na; pana si'i lcaa ngu' bi' nu tyatí̱ ca su laca ycui' Ni loo. Sca ti ngu' nu taquiya' ji'i̱ cha' nu nchcui' Sti na' nu ntucua nde cua̱, bi' ngu' laca nu tyatí̱ ca su laca ycui' Ni loo.

SAN LUCAS 6:46

Tya nda Jesús chaca cui̱i̱ lo'o ngu' li': ―¿Ni cha' ndu'ni tsa ma̱ jna' cha' Xu'na ma̱ laca na', pana ná ndaquiya' ma̱ ji'i̱ cha' nu nchcui' na' lo'o ma̱? ―nacui̱―.

SAN LUCAS 8:21

Li' nguxacui̱ Jesús cha' ji'i̱ ngu': ―Ñati̱ nu nduna cha' nu nda ycui' Ndyosi lo'o, jua'a̱ ndu'ni ngu' bi' cua ña'a̱ ca cña nu nclyo Ni ji'i̱ ngu', ñati̱ bi' ndu'ni ñi'ya̱ si laca ngu' xtya'a̱ na', ñi'ya̱ si laca ngu' tya'a na' ―nacui̱ Jesús ji'i̱ ngu'.

SAN JUAN 13:17

Lo'o juani lo'o ngua cuayá' ti' ma̱ lcaa ña'a̱ cha' nu nda ca ti na' lo'o ma̱, tso'o tsa caca tyiquee ma̱ li', si taquiya' ma̱ ji'i̱ cha' bi' ―nacui̱―.

SAN JUAN 15:14

Tya'a tso'o na' laca cu'ma̱ si taquiya' ma̱ ji'i̱ cha' nu nda na' lo'o ma̱ ―nacui̱ Jesús―,

SAN JUAN 2:5

Masi jua'a̱ nchcui' yu, ndi'ya̱ nchcui' xtya'a̱ yu lo'o msu li': ―Cua'ni ma̱ ñi'ya̱ nu ñacui̱ yu cha' cua'ni ma̱ ―nacui̱.

LOS HECHOS 9:6

Lye tsa nchcua̱ Saulo cha' ndyutsi̱i̱ yu li'. ―¿Ñi'ya̱ nu nti' nu'u̱ cha' cua'ni na', Xu'na? ―nacui̱ Saulo li'. ―Tyatu̱ nu'u̱ ni ―nacui̱ Jesús ji'i̱― cha' tye tyalaa ca quichi̱ Damasco jua. Ca ndacua ndi'i̱ sca ñati̱ nu culu'u jinu'u̱ ñi'ya̱ caca cña nu cua'ni nu'u̱ cuentya jna'.

ROMANOS 15:33

Xtyucua Ni ji'i̱ lcaa cu'ma̱ lacua, la cui' ycui' Ndyosi nu ndu'ni cha' ti̱ ti tyi'i̱ tyiquee na nde chalyuu. Chañi tsa cha' caca jua'a̱.

ROMANOS 16:20

Ná tyu̱u̱ tsa̱ lyiji cha' cua'ni tye ycui' Ndyosi ji'i̱ nu xña'a̱, cha' nga'aa tyaca̱' cña cuxi nu ndu'ni nu xña'a̱ bi' tsiya' ti. Cua'ni Ni cha' ti̱ ti tyi'i̱ tyiquee ma̱, ñi'ya̱ ntsu'u tyiquee ycui' Ni; lo'o jua'a̱ ña'a̱ ti cua'ni Jesucristo nu Xu'na na cha' tso'o lo'o lcaa tya'a ma̱.

1 CORINTIOS 10:31

Tso'o lacua masi cacu ma̱, masi co'o ma̱, masi cua'ni ma̱ lcua ti lo cña nu ndyu'ni ma̱, pana tyi'u ti' ma̱ ji'i̱ ycui' Ndyosi laja lo'o cua'ni ma̱ lcaa cña bi', cha' caca cuayá' ti' ngu' li' cha' tso'o tsa laca cha' ji'i̱ ycui' Ndyosi, la cui' cha' nu cua ngusñi ma̱.

1 CORINTIOS 14:33

Nti' Ni cha' tso'o ti cua'ni na lo'o tya'a na lo'o tyu'u ti'i̱ na, ná tso'o nti' Ni si lye tsa nguixa' nu ndu'ni na. Ndi'ya̱ ndu'ni ca ta'a ngu' tya'a ngusñi na cha' ji'i̱ Jesús scaa quichi̱, nu lo'o ndyu'u ti'i̱ ngu':

1 CORINTIOS 4:16

Bi' cha' juani nchcui' tsa na' lo'o ma̱ cha' cua'ni ma̱ ñi'ya̱ nu cua na'a̱ ma̱ cha' ndu'ni na'.

2 CORINTIOS 13:11

Cu'ma̱ tya'a ngusñi na cha' ji'i̱ Jesucristo, chcui' salya' na' lo'o ma̱ juani, nu lo'o cua tye ti xcua se'i̱ cha' nu nscua na' lo quityi re. Cua'ni lyiji ma̱ ñi'ya̱ nu nga'a̱ cha' cua'ni ma̱ cha' laca ma̱ ñati̱ ji'i̱ ycui' Ndyosi. Cua'a̱ jyaca̱ ma̱ ji'i̱ lcaa cha' nu nda na' lo quityi re. Cua'ni ma̱ cha' caca stu'ba tyiquee ma̱ lo'o xa' ñati̱ tya'a ma̱. Tso'o ti tyi'i̱ ma̱ lo'o lcaa ñati̱. Lo'o li' la cui' ycui' Ndyosi laca nu tyi'i̱ lo'o ma̱ lcaa tsa̱; ntsu'u tsa tyiquee Ni ña'a̱ Ni ji'na, lo'o jua'a̱ ndu'ni Ni cha' ti̱ ti tyi'i̱ tyiquee na.

FILIPENSES 3:17

Cu'ma̱ ngu' tya'a ngusñi na cha' ji'i̱ Jesús, tso'o si cua'ni ma̱ tsa ña'a̱ cha' nu cua na'a̱ ma̱ 'na cha' ndu'ni na'. La cui' jua'a̱ cui'ya tso'o ma̱ cuentya ñi'ya̱ nu ndyu'ni xa' la ngu' tya'a na, nu ndu'ni ñi'ya̱ nu ndu'ni ti cuare, cha' jua'a̱ cua'ni ma̱.

FILIPENSES 4:7

Lo'o li' cua'ni Ni cha' ti̱ ti tyi'i̱ tyiquee ma̱, masi ná caca cuayá' ti' ñati̱ chalyuu ni cha' laca ma̱ jua'a̱. Nga'aa ca'ya cha' cuxi hique ma̱ li', nga'aa caca cuxi cresiya ji'i̱ ma̱ li', xqui'ya cha' cua ngua stu'ba cha' ji'i̱ ma̱ lo'o Jesucristo.

1 TESALONICENSES 1:6

Bi' cha' juani ndyu'ni ma̱ cña nu ndyu'ni ya, la cui' tya'a cña nu ndyu'ni ycui' nu Xu'na na. Cua ngusñi ma̱ cha' ji'i̱ ycui' Ni, masi ti'í tsa ti' ngu' ña'a̱ ngu' ji'i̱ ma̱; pana tso'o tsa ntsu'u tyiquee ma̱ xqui'ya Xtyi'i ycui' Ndyosi.

1 TESALONICENSES 2:14

Ñi'ya̱ nu ngua tya tsubi' la, cha' ngua'ni lya' ti' ngu' judío ji'i̱ ña'a̱ taju ñati̱ tya'a ntsu'u cha' ji'na lo'o Jesucristo ca loyuu su cuentya Judea, jua'a̱ ngua'ni lya' ti' ngu' tya'a quichi̱ tyi ma̱ ji'i̱ cu'ma̱ li'. Cu'ma̱ ngu' tya'a na, la cui' tya'a cha' ti'í ngua ji'i̱ ma̱ ñi'ya̱ nu ngua ji'i̱ ngu' judío tya'a na bi'.

1 TESALONICENSES 5:23

Ndu'ni ycui' Ndyosi cha' ti̱ ti tyi'i̱ tyiquee na. Bi' cha' juani cua'ni Ni cha' caca ma̱ ñati̱ liñi tsiya' ti; caca tso'o tyiquee ma̱, caca lubii cresiya ji'i̱ ma̱, caca ma̱ ñati̱ nu tyucui tyiquee tsiya' ti. Si lubii cresiya ji'i̱ ma̱ lo'o ca̱a̱ ycui' Jesucristo nu Xu'na na chaca quiya', li' nga'aa ntsu'u cha' sta Ni qui'ya ji'i̱ ma̱;

2 TESALONICENSES 3:4

Jlo ti' ycui' nu Xu'na na cha' ndyu'ni ma̱ cña nu ngulo ya ji'i̱ ma̱, cha' tya cua'ni la ma̱ cña bi'.

2 TIMOTEO 4:22

Tyanu Xtyi'i ycui' Jesucristo lo'o nu'u̱, cha' taca caca nguula la ti' tyiquee nu'u̱. Ña'a̱ ti cua'ni ycui' Ndyosi cha' tso'o lo'o lcaa cu'ma̱. Jua'a̱ caca cha' lacua.

SANTIAGO 1:22

Tsa bi' ti cha', nga'a̱ cha' taquiya' na lcaa cha' nu nclyu'u Ni ji'na, si'i na cua'a̱ jyaca̱ ti na ji'i̱ cha' bi'; na cñilo'o ti na ji'i̱ ycui' ca na, si xcui' na cua'a̱ jyaca̱ ti na ji'i̱ cha' bi', lo'o ná ndaquiya' na cha' bi'.

2 PEDRO 1:10

Bi' cha' ña'a̱ ti tya cua'ni la ma̱ lcaa cha' tso'o bi', ñi'ya̱ nu nguscua na' tya clyo; jua'a̱ tyi'u la ti' ma̱ cha' cua ngusubi ycui' Ndyosi ji'i̱ ma̱, cha' caca ma̱ ñati̱ ji'i̱ ycui' Ni. Lo'o li' ná nga'a̱ cha' chcuna' ma̱, si jua'a̱ cua'ni ma̱ lcaa lo cha' tso'o bi';

1 JUAN 3:22

nu lo'o jña na cha' ji'i̱ ycui' Ni, caja cua ña'a̱ ca cha' ji'na si taquiya' na ji'i̱ cña nu cua nda ycui' Ni ji'na, si cua'ni na cña nu ndiya la ti' ycui' Ni.