FILIPENSES 4:4 - Chatino Tataltepec

⁴ Nti' na' cha' lcaa tsa̱ caca chaa ti' ma̱ xqui'ya ycui' nu Xu'na na; masi tucua quiya' chcui' na' cha' bi' lo'o ma̱: Nti' na' cha' caca chaa ti' ma̱.

FILIPENSES 4:4 ပူးပေါင်းရင်းမြစ်များ

SAN MATEO 5:12

Li' caca tso'o tyiquee ma̱, ca chaa ti' ma̱ cha' cua laca nguxco'o ycui' Ndyosi sca cha' tso'o nu tyacua ji'i̱ sa scaa ma̱ ca su ntucua ycui' Ni. La cui' jua'a̱ ngua lya' tsa ti' jyo'o cusu' sa'ni, nu lo'o na'a̱ ngu' ji'i̱ jyo'o cusu' nu ngua tu'ba ji'i̱ ycui' Ndyosi tyempo bi'.

LOS HECHOS 16:25

Nu lo'o ngua cla'be talya nga'a̱ Pablo lo'o Silas ne' chcua̱ bi'; nchcui' ngu' lo'o ycui' Ndyosi, ndyula tu'ba ngu' ji̱i̱ ji'i̱ ycui' Ni. Lo'o jua'a̱ ndyuna lcaa preso tya'a ntsu'u ngu' ne' chcua̱.

LOS HECHOS 5:41

Ndu'u ngu', chaa tsa ti' ngu' li', masi cua nchcube' ngu' nu laca loo bi' ji'i̱ ngu' xqui'ya cha' ngusñi ngu' cha' ji'i̱ Jesús.

ROMANOS 12:12

Ndu'ni cha' tso'o tsa caca tyiquee ma̱ lo'o jatya ma̱ ji'i̱ ycui' Ndyosi cha' ca̱a̱ Ni cua'ni lyaá Ni ji'i̱ ma̱. Ná xtyanu ma̱ ji'i̱ cha' bi', masi ti'í tsa xcube' ngu' ji'i̱ ma̱ su ndi'i̱ ma̱ chalyuu. Lcaa tsa̱ chcui' ma̱ lo'o ycui' Ndyosi Sti na.

2 CORINTIOS 6:10

Masi xñi'i̱ tsa ti' ya xqui'ya cha' ti'í nu ndyacua ji'i̱ ya tu'ni, pana ña'a̱ ti chaa ti' ya; ti'i tsa ya tu'ni, pana ndyiji juersa ji'i̱ ya cha' xtyucua ya ji'i̱ tyu̱u̱ tya'a ñati̱. Masi ná sca na ntsu'u ji'i̱ ya tsiya' ti lo'o ndi'i̱ ya nde chalyuu; pana ycui' Ndyosi nxtyucua ji'i̱ ya, lcaa na ntsu'u ji'i̱ ya li'.

GÁLATAS 1:8

Pana tlyu tsa qui'ya sta Ni ji'i̱ ñati̱ nu chcui' sca cha' cuiñi lo'o ma̱ ñi'ya̱ nu caca clyaá ma̱ ji'i̱ cha' cuxi, nu culu'u ji'i̱ ma̱ sca cha' nu si'i la cui' cha' liñi laca, nu si'i cha' nu cua nchcui' ya lo'o ma̱ tya clyo. Lo'o cuare, sta ycui' Ndyosi qui'ya ji'i̱ ya si xcutsa'a̱ ya cha' nu cua nda ya lo'o ma̱; masi sca xca̱ nu ngutu'u ca slo ycui' Ndyosi laca nu chcui' cha' cuiñi jua'a̱, xcube' Ni ji'i̱, cha' tlyu tsa qui'ya laca bi'.

FILIPENSES 3:1

Cu'ma̱ tya'a ngusñi na cha' ji'i̱ Jesús, juani cua nti' tsa na' cha' ca chaa ti' ma̱ xqui'ya ycui' nu Xu'na na. Ná ndu'ni cha' 'na, masi tya chaca quiya' chcui' na' la cui' tya'a cha' nu nguscua na' tya clyo; ná tyiquee' xtyucua na' xi ji'i̱ ma̱, si chcui' na' chaca quiya'.

1 PEDRO 4:13

Nga'a̱ cha' caca tso'o tyiquee ma̱ lo'o tyi'u ti' ma̱ cha' ñi'ya̱ ngua lya' ti' ngu' ji'i̱ ycui' Cristo, jua'a̱ ca lya' ti' ngu' ji'i̱ cu'ma̱ juani. Tlyu tsa laca Cristo cuentya ji'i̱ ycui' Ndyosi, lye tsa quiji'i̱ xee ji'i̱ Ni lo'o ca̱a̱ ycui' Cristo chaca quiya' nde loo la; li' ca chaa la ti' ma̱, ca tso'o la tyiquee ma̱.