FILIPENSES 1:4 - Chatino Tataltepec

⁴ Lo'o nchcui' na' lo'o Ni cuentya ji'i̱ ma̱, chaa ti ti' na' nchcui' na' lo'o Ni li'.

FILIPENSES 1:4 ပူးပေါင်းရင်းမြစ်များ

SAN MARCOS 5:5

Lo'o nde tsa̱ lo'o nde talya ndya'a̱ nxi'ya ne' lo'o jyo'o, ndya'a̱ yu'u ti sii' cuati̱. Lo'o jua'a̱ ngusi'yu ji'i̱ ycui' ca lo'o quee.

SAN LUCAS 15:10

Chaa ti' nu cuna'a̱ bi', cha' cua nquije cñi ji'i̱; la cui' jua'a̱ ca slo ycui' Ndyosi, chaa tsa ti' ycui' Ni lo'o ñati̱ ji'i̱ Ni nde cua̱, masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'.

SAN LUCAS 15:7

Ndi'ya̱ ñacui̱ na' ji'i̱ ma̱: ca chaa tsa ti' ycui' Ndyosi lo'o ñati̱ ji'i̱ Ni ca su ntucua ycui' Ni ―nacui̱ Jesús ji'i̱ ngu' fariseo li'―, ca chaa ti' ngu' bi' masi sca ti ñati̱ chalyuu ca tyuju'u ti' ji'i̱ cha' cuxi nu ntsu'u ji'i̱, culochu̱' yu ji'i̱ cha' cuxi bi' li'. Ná ntsu'u cha' culacua ti' Ni cuentya ji'i̱ nu jacuayala tyii ntucua caa tya'a ñati̱ tso'o nu ná ntsu'u cha' cuxi ji'i̱ ngu', nti' ngu'.

ROMANOS 1:9

Lo'o na' ni, cua ngujui cña jna' cha' chcui' na' cha' tso'o ji'i̱ Jesucristo Sñi' ycui' Ndyosi lo'o xa' ñati̱; tyucui tyiquee na' ndyu'ni na' cña bi' cuentya ji'i̱ Ni. Jlo ti' ycui' Ndyosi cha' lu'ba ti ndyi'u ti' na' ji'i̱ ma̱ laja lo'o nchcui' na' lo'o ycui' Ni.

FILIPENSES 2:2

Bi' cha' lacua, si chañi cha' jua'a̱ nti' ma̱, li' cua'ni ma̱ cha' caca tso'o tyiquee na'; jua'a̱ caca nu lo'o ña'a̱ na' cha' stu'ba tsa ntsu'u cha' ji'i̱ ma̱ lo'o tya'a ma̱, cha' sca ti cha' ntsu'u tyiquee ma̱, cha' sca ti cha' nclyacua ti' ma̱, cha' sca ti cuayá' tso'o ti nti' ma̱ ña'a̱ ma̱ ji'i̱ tya'a ma̱.

FILIPENSES 3:18

Cua tyu̱u̱ tsa quiya' cua nda ya la cui' cha' re lo'o cu'ma̱, lo'o juani chcui' na' chaca quiya' lo'o ma̱, masi xñi'i̱ tsa ti' na' chcui' na' ndi'ya̱: Ntsu'u tsa ngu' tya'a cusu̱u̱ Cristo, masi cua ngujuii yu lo crusi cuentya ji'i̱ ngu'; tya'a cusu̱u̱ Cristo laca ngu' bi', cha' ntsu'u tsa cha' cuxi nu ndu'ni ngu' lcaa se'i̱ su ndya'a̱ ngu'.

FILIPENSES 4:1

Cu'ma̱ tya'a ngusñi na cha' ji'i̱ Jesús, tyaca'a tsa cu'ma̱ 'na; ñati̱ nu cua nda ycui' Ndyosi jna' laca cu'ma̱, xqui'ya cha' ndyu'ni na' cña ji'i̱ Ni. Tso'o tsa ntsu'u tyiquee na' xqui'ya cu'ma̱, lo'o jua'a̱ xñi'i̱ xi ti' na' lo'o ná ndi'i̱ na' ca slo cu'ma̱. Nga'a̱ cha' cua'ni ma̱ cha' tyanu tso'o cha' ji'i̱ ycui' nu Xu'na na ne' cresiya ji'i̱ ma̱.

COLOSENSES 2:5

Masi juani ti ná ndi'i̱ na' ca su ndi'i̱ ma̱, pana lu'ba ti ndyi'u ti' na' ji'i̱ cu'ma̱. Tso'o tsa nti' na' lo'o ndyuna na' cha' tso'o tsa ngusñi ma̱ cha' ji'i̱ Cristo. Lo'o jua'a̱ tso'o tsa nti' na' cha' tso'o ti ndi'i̱ ma̱ lo'o xa' la ngu' tya'a ngusñi ma̱ cha' ji'i̱ ycui' Ndyosi.

1 TESALONICENSES 1:2

Lcaa quiya' lo'o nchcui' ya lo'o ycui' Ndyosi cuentya ji'i̱ cu'ma̱, ndya ya xlya'be ji'i̱ ycui' Ni li'.

FILEMÓN 1:7

Tso'o tsa tyiquee na' juani, tlyu tyiquee na' xqui'ya nu'u̱, lo'o ngujui cha' 'na cha' ntsu'u tsa tyiquee nu'u̱ ña'a̱ nu'u̱ ji'i̱ ngu' tya'a na, cha' nxtyucua tsa nu'u̱ ji'i̱ ngu' tya'a na cha' talo tyiquee ngu'. Chañi cha' tya'a na cuentya ji'i̱ Jesucristo laca nu'u̱.

2 JUAN 1:4

Tso'o tsa ngua ti' na' lo'o ngujui cha' 'na cha' ña'a̱ ti tya ndaquiya' tso'o xi ngu' tya'a ma̱ lcaa cha' liñi nu cua nda ycui' Ndyosi Sti na lo'o na;