FILEMÓN 1:8 - Chatino Tataltepec

^8-9 Lo'o juani ndijña na' sca cha' clyu ti' jinu'u̱. Jlo ti' na' ñi'ya̱ ntsu'u tsa tyiquee nu'u̱ ña'a̱ nu'u̱ ji'i̱ ñati̱, bi' cha' si'i sca cña nu culo na' jinu'u̱ laca re, masi ntsu'u chacuayá' jna' cha' chcui' na' jua'a̱. Pablo laca na', cua ngusu' na' juani, lo'o jua'a̱ ntsu'u na' ne' chcua̱ juani xqui'ya cha' nchcui' na' cha' ji'i̱ Jesucristo lo'o ñati̱.

FILEMÓN 1:8 ပူးပေါင်းရင်းမြစ်များ

2 CORINTIOS 10:8

Cua nchcui' tsa na' lo'o ma̱ cha' cua nda ycui' nu Xu'na na chacuayá' ji'i̱ ya, nu lo'o ndya'a̱ ya slo cu'ma̱; lo'o jua'a̱ ná nchca tyuju'u ti' na' masi nchcui' na' jua'a̱ lo'o ma̱. Cua lo'o chacuayá' ji'i̱ ycui' Ndyosi ndya'a̱ ya, cha' taca tyatí̱ la ti' tyiquee ma̱ cha' ji'i̱ Ni; si'i na cua'ni ñu'u̱ lyiji ya ji'i̱ ma̱.

2 CORINTIOS 11:21

Lo'o li' nacui̱ ma̱ cha' ná ngulo tso'o ya cña ji'i̱ ma̱. ¡Chañi cha' ná ngua'ni tyaala ya ji'i̱ cu'ma̱ ñi'ya̱ nu ndyu'ni nu ñati̱ bi'! Tso'o lacua, chcui' na' xi cha' ji'i̱ ycui' ca ti na', masi cha' tonto ti ndyu'ni na' jua'a̱; si'i ngu' bi' ti nu ntsu'u chacuayá' chcui' ngu' ji'i̱ ycui' ca ngu'.

2 CORINTIOS 3:12

Lo'o juani nga'aa ntsi̱i̱ na chcui' na lo'o ñati̱, cha' jlo ti' na cha' tso'o tsa laca cha' ji'i̱ Jesús nu nchcui' na re.

EFESIOS 5:4

Nga'aa ntsu'u cha' tyu'u cha' suba' tu'ba ma̱. La cui' ti ná chcui' ma̱ cha' tonto, ná chcui' ma̱ sca cha' nguna' ti lo'o tya'a ñati̱ ma̱. Tso'o la si tya ma̱ xlya'be ji'i̱ ycui' Ndyosi.

1 TESALONICENSES 2:2

Cua ngua'ni ycui' Ndyosi cha' tlyu tyiquee ya, cha' ngulu'u ya cha' tso'o nu ntsu'u ji'i̱ ycui' Ndyosi ji'i̱ ma̱ lo'o ngulaa ya slo cu'ma̱, masi lya' tsa ti' ngu' ji'i̱ ya tya tsubi' la ca quichi̱ Filipos. Jlo ti' ma̱ cha' cuxi tsa ngua'ni ngu' bi' lo'o ya li', lo'o jua'a̱ ntsu'u ngu' quichi̱ tyi ma̱ nu cuxi nti' ña'a̱ ngu' ji'i̱ ya.

1 TESALONICENSES 2:6

Ná nti' ya cha' cua'ni chi̱ ma̱ loo ya, masi chacuayá' ji'i̱ ycui' Jesucristo ndyalaa ya slo cu'ma̱; si'i na nchcui' tyucuaa ti' ya lo'o ma̱, cha' loo laca ya ji'i̱ ma̱, ni si'i na tyixi ya cha' loo laca ya ji'i̱ xa' ñati̱.