FILEMÓN 1:13 - Chatino Tataltepec

¹³ Jlo ti' nu'u̱ cha' ntsu'u na' ne' chcua̱ nde xqui'ya cha' cua nchcui' na' cha' tso'o ji'i̱ Jesucristo lo'o ñati̱, lo'o jua'a̱ tso'o tsa ntsu'u tyiquee na' si ndyanu yu ca nde lo'o na', cha' xtyucua yu jna' ñi'ya̱ laca si na cua ndi'i̱ ycui' nu'u̱ ca nde.

FILEMÓN 1:13 ပူးပေါင်းရင်းမြစ်များ

1 CORINTIOS 16:17

Tso'o tsa ntsu'u tyiquee na' cha' cua ndyalaa Estéfanas lo'o Fortunato lo'o Acaico slo na' ca nde. Ná ndu'ni cha' masi ná ndi'i̱ ma̱ lo'o na' juani, cha' nu ngu' bi' ni, nxtyucua tsa ngu' 'na;

EFESIOS 3:1

Xqui'ya cha' nu cua nchcui' ca na', bi' cha' nchcui' tsa na' lo'o Cristo cuentya ji'i̱ cu'ma̱. La cui' Pablo laca na'; ntsu'u na' ne' chcua̱ juani xqui'ya cha' cua nchcui' na' cha' ji'i̱ Jesucristo lo'o ñati̱, cha' nguxtyucua na' ji'i̱ cu'ma̱ nu si'i ngu' judío laca ma̱.

EFESIOS 4:1

Preso laca na' juani xqui'ya cha' nda na' cha' ji'i̱ nu Xu'na na lo'o ñati̱. Pana nchcui' na' lo'o ma̱ cha' tso'o ti cua'ni ma̱ lo'o xa' ñati̱; ñi'ya̱ nu nchcui' cha' ji'i̱ ycui' Ndyosi nu ngua tsa'a̱ ma̱ tya lo'o ngusubi Ni ji'i̱ ma̱ tya clyo, la cui' jua'a̱ cua'ni ma̱ lo'o xa' ñati̱.

FILIPENSES 1:7

Tso'o si culacua xi ti' na' jua'a̱ cuentya ji'i̱ cu'ma̱, xqui'ya cha' lcaa tsa̱ ntsu'u tsa tyiquee na' ña'a̱ na' ji'i̱ cu'ma̱; stu'ba ti ndyaca cha' ji'i̱ cu'ma̱ lo'o na', tso'o tsa ndyu'ni Ni lo'o na cha' ndyu'ni na cña ji'i̱ Jesucristo. Nguxtyucua ma̱ jna' tsubi' lo'o nguta'a̱ na' slo ngu' nu laca loo cha' nxacui̱ na' cha' ji'i̱ ngu' bi'; nacui̱ na' ji'i̱ ngu' cha' tso'o tsa laca cha' nu cua nda ycui' Ndyosi lo'o na, lo'o jua'a̱ ndacha' liñi na' ji'i̱ ngu' ñi'ya̱ laca cha' liñi bi'. Lo'o juani tya nxtyucua ma̱ 'na, masi ntsu'u na' ne' chcua̱ xqui'ya cha' nchcui' na' cha' ji'i̱ Jesús lo'o ñati̱.

FILIPENSES 2:30

ná ndyutsi̱i̱ yu, masi cua cajaa ti yu laja lo'o nguxtyucua yu ji'i̱ ya lo'o cña ji'i̱ Cristo re tya tsubi'. Masi ná ngua ca̱a̱ cu'ma̱ ca nde, pana cua nda ma̱ ji'i̱ ycui' yu lijya̱ yu cha' cua'ni yu la cui' cña nu ná ngua cua'ni cu'ma̱, nu nxtyucua tsa ji'i̱ ya li'.

FILEMÓN 1:1

Pablo laca na', lo'o juani ntsu'u na' ne' chcua̱ cuentya ji'i̱ Jesucristo. Nscua na' quityi re lo'o Timoteo tya'a na, cha' ta ya cha' lo'o nu'u̱, Filemón, cha' tso'o tsa tya'a tso'o na laca nu'u̱, cha' la cui' tya'a cña ndyu'ni na.

FILEMÓN 1:10

Pana chcui' na' sca cha' lo'o nu'u̱ cuentya ji'i̱ yu Onésimo, cha' ñi'ya̱ nti' na' ña'a̱ na' ji'i̱ sca sñi' na', jua'a̱ nti' na' ña'a̱ na' ji'i̱ yu bi' juani, cha' ne' chcua̱ re ngusñi yu cha' ji'i̱ ycui' Ndyosi xqui'ya na'.

FILEMÓN 1:12

Cua ngulo na' cña ji'i̱ yu cha' xtyu̱u̱ yu tya̱a̱ yu ca slo nu'u̱ chaca quiya', masi ñi'ya̱ laca si la cui' cresiya 'na cua nda na' ndyaa ca slo nu'u̱.