EFESIOS 6:9 - Chatino Tataltepec

⁹ Nu cu'ma̱ ngu' xu'na msu bi' ni, la cui' jua'a̱ nga'a̱ cha' cña'a̱si̱i̱ tso'o ma̱ ji'i̱ msu ji'i̱ ma̱. Ná xcutsi̱i̱ ma̱ ji'i̱ ngu', ni ná cua'ni tyaala ma̱ lo'o ngu' bi'; tyi'u ti' ma̱ cha' sca ti nu Xu'na na laca loo ji'i̱ cu'ma̱ lo'o ji'i̱ ngu' bi', lo'o jua'a̱ sca ti cuayá' ndu'ni Ni lo'o cua ña'a̱ ca ñati̱.

EFESIOS 6:9 ပူးပေါင်းရင်းမြစ်များ

SAN MATEO 22:10

Li' ndu'u ngu' msu bi' ndyaa ngu' nde calle; nchcui' ngu' lo'o cua ña'a̱ ca ñati̱ nu ndyacua tya'a ngu' lo'o, masi ñati̱ tso'o, masi ñati̱ cuxi. Li' ndyu'u ti'i̱ lcaa ñati̱ bi' slo rey ña'a̱ cuayá' nu ngutsa'á̱ ni'i̱ ji'i̱ rey, ndi'i̱ quiña'a̱ tsa ñati̱ nu cua ndyalaa ta'a slo rey bi'.

SAN MATEO 22:8

Li' nchcui' rey lo'o msu ji'i̱ chaca quiya': “Cua ngua'ni cho'o na' scuaa cha' caca ta'a ngujui clyo'o sñi' na'”, nacui̱ rey bi'. “Pana nu ngu' nu cua nchcui' na' lo'o tsa̱ cha' ca̱a̱ ngu' ta'a ca slo na', ná ntaja'a̱ ngu' bi' ca̱a̱, bi' cha' ná cacu ngu' bi' scuaa tso'o nu ntsu'u 'na tsiya' ti.

SAN MATEO 24:48

Pana sca msu nu xña'a̱ ni, masi ntsu'u cña nu ngulo xu'na yu ji'i̱ yu, ná ndube ti' yu; “Tiya' tsa ca̱a̱ xu'na na'”, culacua ti' yu, bi' cha' hora ti ca'ya sca cha' cuxi hique yu.

SAN MATEO 24:51

Li' lye xcube' xu'na yu ji'i̱ msu xña'a̱ bi', ña'a̱ cuayá' nu cajaa msu bi'; culo xu'na yu cña ji'i̱ msu bi', cha' tsaa yu ca bilyaa su lye tsa nchcube' ngu', ca su nxi'ya tsa ngu', lo'o jua'a̱ ndacu tsa la'ya ngu' cha' ñasi̱' ngu'. Stu'ba ti tsaa yu lo'o ngu' cuiñi nu tucua cha' ntsu'u tyiquee ngu'.

SAN MATEO 7:12

’Nga'a̱ cha' cua'ni tso'o ma̱ lo'o xa' ñati̱ si nti' ma̱ cha' tso'o ti cua'ni ngu' lo'o ma̱. La cui' cña bi' ngulo ycui' Ndyosi lo quityi nu nguscua jyo'o Moisés, lo'o jua'a̱ cha' nu nguscua xa' jyo'o cusu' nu ngua tu'ba ji'i̱ ycui' Ndyosi sa'ni la; sca ti cuayá' ndyu'u cha' nu nchcui' lcaa ngu' bi' lo quityi.

SAN LUCAS 6:31

Nga'a̱ cha' cua'ni tso'o ma̱ lo'o ngu', si nti' ma̱ cha' tso'o ti cua'ni ngu' lo'o ma̱.

SAN JUAN 13:13

“Mstru”, ndu'ni ma̱ 'na; “Xu'na ya”, ndu'ni ma̱ 'na, lo'o chañi tsa cha' bi'. Jua'a̱ laca na' cuentya ji'i̱ ma̱ ―nacui̱ yu―.

LOS HECHOS 10:34

Li' nguxana Pedro ngulu'u yu ji'i̱ ngu' bi': ―Juani cua ngua cuayá' ti' na' cha' stu'ba tsa ndu'ni ycui' Ndyosi lo'o lcaa ñati̱ chalyuu ―nacui̱―.

ROMANOS 2:11

Si'i cua laca ti ñati̱ nu ndu'ni tyaca'a ycui' Ndyosi ji'i̱, sca ti cuayá' ndu'ni Ni lo'o cua ña'a̱ ca ñati̱ chalyuu.

1 CORINTIOS 1:2

Nscua na' quityi re cha' ca̱a̱ slo cu'ma̱, ngu' taju ñati̱ ji'i̱ Jesucristo nu ndi'i̱ ma̱ nde quichi̱ Corinto. Xqui'ya Jesucristo cua ngusubi Ni ji'i̱ ma̱, lo'o juani laca ma̱ ñati̱ ji'i̱ ycui' Ni; nga'a̱ cha' tyi'u ti' ma̱ ji'i̱ Ni lcua ti lo cña nu ndu'ni ma̱ su ndi'i̱ ma̱ chalyuu. Stu'ba cha' ji'i̱ ma̱ lo'o cua ña'a̱ ca ñati̱ nu ndu'ni tlyu ji'i̱ Jesucristo nu Xu'na na tyucui ña'a̱ chalyuu, cha' ñi'ya̱ laca Ni Xu'na na, jua'a̱ laca Ni Xu'na ngu' bi'.

1 CORINTIOS 7:22

Ñati̱ nu jua'a̱ tya ntsu'u xu'na ngu' nu lo'o cua ngusubi ycui' Ndyosi ji'i̱ ngu', juani ndi'i̱ tso'o ti ngu' bi', xqui'ya cha' cua ngusñi ngu' bi' cha' ji'i̱ Jesús; masi ña'a̱ ti tya laca ngu' ñati̱ ji'i̱ xu'na ngu', taca taquiya' ngu' bi' ji'i̱ cha' nu nchcui' ycui' Ndyosi juani. Lo'o jua'a̱ nu ngu' msu nu ndi'i̱ tso'o ti ni, lo'o cusubi Cristo ji'i̱ ngu' bi', la cui' jua'a̱ caca ngu' bi' msu ji'i̱ ycui' Ndyosi.

COLOSENSES 3:25

Pana xcube' ycui' Ndyosi ji'i̱ cua ña'a̱ ca ñati̱ nu ndu'ni cha' cuxi; stu'ba ti ndu'ni cuayá' Ni ji'i̱ lcua ti ña'a̱ ñati̱, masi ñati̱ tonu, masi ñati̱ sube.

COLOSENSES 4:1

Cu'ma̱ ngu' xu'na msu, lcaa cha' nu ndyaca ji'i̱ ma̱ lo'o ngu' msu ji'i̱ ma̱, cua'ni liñi ma̱ cha' bi'; tso'o ti cua'ni ma̱ lo'o ngu' bi'. Tyi'u ti' ma̱ cha' lo'o cu'ma̱, ntsu'u nu laca loo la ji'i̱ ma̱, ntucua nu bi' ca su tlyu ca su ntucua ycui' Ndyosi.

SANTIAGO 2:13

Lo'o li' si ná ngua'ni tya'na ti' na ji'i̱ tya'a ñati̱ na, ná taca cua'ni tya'na ti' Ni ji'na lo'o cua'ni cuayá' Ni ji'na; pana ñati̱ nu ngua'ni tya'na ti' ji'i̱ tya'a ñati̱ ni, bi' ñati̱ laca nu tso'o la caca cha' ji'i̱ hora lo'o cua'ni cuayá' Ni ji'i̱ ñati̱.

SANTIAGO 2:8

Tso'o tsa si chañi cha' ndaquiya' ma̱ cha' cusu' nu nscua tya clyo la; ndi'ya̱ nchcui' cha' bi': “Ntsu'u cha' cua'ni tya'na ti' na ji'i̱ tya'a ñati̱ na, ñi'ya̱ laca si ndu'ni tya'na ti' na ji'i̱ ycui' ca na”, nacui̱ quityi.

SANTIAGO 5:4

Lo'o jua'a̱ ná nda ma̱ xcaya' msu nu ndyaa ne' xña ji'i̱ ma̱, bi' cha' juani cua'a̱ jyaca̱ ma̱ xi ji'i̱ cha' nu nxlyú msu bi' hichu̱' ma̱; ca su ntucua ycui' Ndyosi nu laca Xu'na lcaa chalyuu, ca bi' ndañi nchcui' nu ngu' nu ngua'ni clacua ji'i̱ ma̱.