EFESIOS 6:5 - Chatino Tataltepec

⁵ Cu'ma̱ ngu' msu nu ngüi'ya ñati̱ ji'i̱ ma̱ cha' cua'ni ma̱ cña ji'i̱ ngu' laja ti, cua'ni ma̱ lcaa cña nu culo xu'na ma̱ ji'i̱ ma̱ nde loyuu chalyuu. Cube xi ti' ma̱ ñi'ya̱ nu cua'ni ma̱ cña ji'i̱ ngu', cha' tyucui tyiquee ma̱ cua'ni ma̱ cña bi'; cua'ni ma̱ cña bi' ñi'ya̱ laca si cña ji'i̱ Cristo laca cña nu ndyu'ni ma̱.

EFESIOS 6:5 ပူးပေါင်းရင်းမြစ်များ

SAN MATEO 6:22

’Nu si'yu cloo na ni, bi' laca nu nda xee ji'i̱ tyucui ña'a̱ na. Nu lo'o tso'o ti si'yu cloo na, li' taca ña'a̱ na cha' cua'ni na lcaa lo cña nu ntsu'u cha' cua'ni na, taca cua'ni na xcui' cha' tso'o.

SAN MATEO 6:24

’Ni sca ñati̱ ná taca ji'i̱ ngu' cua'ni ngu' cña ji'i̱ tucua tya'a xu'na ngu' sca tyempo ti. Ná taca taquiya' ma̱ ji'i̱ ycui' Ndyosi la cui' tyempo lo'o lye tsa ndya'a̱ cha' tyiquee ma̱ cha' ji'i̱ cñi. Si jua'a̱ ni, cua ntsu'u tucua tya'a xu'na ma̱ li'. Ná tyiquee' li' ca ti'í ti' ma̱ ji'i̱ tsaca xu'na bi', lo'o jua'a̱ ca tiji̱' ti' ma̱ ji'i̱ chaca xu'na bi'. La cui' jua'a̱ taquiya' tso'o ma̱ ji'i̱ xu'na clyo bi', lo'o jua'a̱ cñilo'o ti ma̱ ji'i̱ chaca bi' li'.

SAN MATEO 8:9

Xu'na sendaru laca na'; laca na' loo ji'i̱ sca siyento tya'a sendaru, lo'o jua'a̱ ntsu'u nu laca loo jna'. Si culo na' cña ji'i̱ tsaca sendaru bi' ndi'ya̱: “Yaa clya nu'u̱”, hora ti tsaa yu, cha' nti' na' cha' tsaa yu. Jua'a̱ si chcui' na' lo'o chaca yu: “Ca̱a̱ nu'u̱ ca nde”, hora ti ca̱a̱ yu slo na' li'. Jua'a̱ si culo na' cña ji'i̱ msu 'na: “Cua'ni sca cña 'na”, ñacui̱ na' ji'i̱; hora ti cua'ni yu cña bi' 'na ―nacui̱ capitán ji'i̱ Jesús―. Jua'a̱ nu'u̱ ni, jlo ti' na' cha' taca jinu'u̱ culo cña cha' cati̱ quicha bi'.

LOS HECHOS 2:46

Lcaa tsa̱ ndyu'u ti'i̱ ngu' bi' ne' laa tonu ji'i̱ ngu' judío, jua'a̱ stu'ba ti ndacu ngu' bi' to' tyi tya'a ngu'. Tso'o tsa ntsu'u tyiquee ngu' bi', tso'o ti nchcui' ngu' lo'o tya'a ngu',

ROMANOS 9:3

tyucui tyiquee na' tyaja'a̱ na' cha' masi tyanu yabe' nu ntsu'u ji'i̱ ngu' bi' hichu̱' ycui' ca na', masi nga'aa ña'a̱ Cristo jna' tsiya' ti nti' na', si jua'a̱ ti taca cua'ni lyaá Ni ji'i̱ ngu' tya'a quichi̱ tyi na' bi'.

1 CORINTIOS 2:3

Lo'o ndyalaa na' su ndi'i̱ ma̱, nguna'a̱ tya ti' na' ndu̱ na' li'; nchcua̱ tya na' cha' ngulacua tsa ti' na' ni cha' xacui̱ ma̱ 'na li'.

1 CORINTIOS 7:22

Ñati̱ nu jua'a̱ tya ntsu'u xu'na ngu' nu lo'o cua ngusubi ycui' Ndyosi ji'i̱ ngu', juani ndi'i̱ tso'o ti ngu' bi', xqui'ya cha' cua ngusñi ngu' bi' cha' ji'i̱ Jesús; masi ña'a̱ ti tya laca ngu' ñati̱ ji'i̱ xu'na ngu', taca taquiya' ngu' bi' ji'i̱ cha' nu nchcui' ycui' Ndyosi juani. Lo'o jua'a̱ nu ngu' msu nu ndi'i̱ tso'o ti ni, lo'o cusubi Cristo ji'i̱ ngu' bi', la cui' jua'a̱ caca ngu' bi' msu ji'i̱ ycui' Ndyosi.

2 CORINTIOS 1:12

Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.

2 CORINTIOS 7:15

Tya cuayá' nu tso'o la ntsu'u tyiquee Tito ña'a̱ yu ji'i̱ ma̱ juani, nu lo'o ndyi'u ti' yu ji'i̱ lcaa cu'ma̱ cha' cua ndaquiya' tsa ma̱ ji'i̱ lcaa cha' nu cua nacui̱ yu ji'i̱ ma̱; na'a̱ yu cha' ndube tsa ti' ma̱ xqui'ya cha' nu cua nda yu lo'o ma̱, lo'o jua'a̱ ná nguxtyacui ma̱ xi xa' la cha' lo'o yu li'.

EFESIOS 5:22

Cu'ma̱ ngu' cuna'a̱ ni, taquiya' ma̱ cha' nu nchcui' clyo'o ma̱ ñi'ya̱ lo'o ndaquiya' na cha' nu nchcui' ycui' nu Xu'na na.

EFESIOS 6:24

Lo'o jua'a̱ nti' na' cha' ña'a̱ ti cua'ni Ni cha' tso'o lo'o lcaa cu'ma̱ nu ntsu'u tyiquee ma̱ ji'i̱ Jesucristo nu Xu'na na, cu'ma̱ nu nga'aa nti' tya'a̱chu̱' ma̱ ji'i̱ Cristo. Chañi cha' jua'a̱ caca cha' bi'.

FILIPENSES 2:12

Cu'ma̱ ngu' tya'a na nu tyaca'a tsa ma̱ 'na, cua ndaquiya' tsa ma̱ ji'i̱ cha' nu nchcui' na' lcaa tsa̱ lo'o nguti'i̱ na' lo'o ma̱; ña'a̱ ti tya ndulo tsa cha' ji'i̱ ma̱ cha' taquiya' la ma̱ ji'i̱ cha' nu nchcui' na', masi tyijyu' tsa nga'a̱ na' ca su ndi'i̱ ma̱ juani. Ña'a̱ ti cua'ni cña ti' ma̱ cha' caca lyiji lcaa cha' nu ngua ti' ycui' Ndyosi cua'ni Ni ne' cresiya ji'i̱ ma̱ lo'o ngua'ni lyaá Jesucristo ji'i̱ ma̱. Xti ti cha' tyu'u tyiquee ma̱ cuentya ji'i̱ ycui' ma̱, pana cube la ti' ma̱ ji'i̱ ycui' Ndyosi.

FILEMÓN 1:16

Nga'aa si'i msu jua'a̱ ti caca yu juani, tya'a na laca yu; tya'a na' laca yu nu tso'o tsa ntsu'u tyiquee na' ña'a̱ na' ji'i̱. Lo'o jua'a̱ tya'a nu'u̱ nu tso'o la laca yu juani; msu tso'o jinu'u̱ caca yu juani, cha' la cui' tya'a ñati̱ ji'i̱ Jesucristo laca ma̱.

1 PEDRO 3:2

lo'o ña'a̱ clyo'o ma̱ cha' nduna ma̱ cha' nu nchcui' ycui' ngu' lo'o ma̱, cha' lubii cresiya ji'i̱ ma̱, ná tyiquee' taquiya' ngu' bi' ji'i̱ cha' liñi ji'i̱ ycui' Ndyosi li'.