EFESIOS 6:21 - Chatino Tataltepec

²¹ Cua nda na' ji'i̱ yu Tíquico cha' ca̱a̱ slo ma̱. Tso'o tsa ntsu'u tyiquee ya cha' stu'ba tsa ndu'ni ya cña ji'i̱ ycui' nu Xu'na na lo'o yu. Cacha' lyiji yu ji'i̱ ma̱ lcaa cha' ñi'ya̱ nu ndyaca 'na ca nde, ñi'ya̱ cña nu ndyu'ni na'.

EFESIOS 6:21 ပူးပေါင်းရင်းမြစ်များ

LOS HECHOS 20:4

Ndya'a̱ Sópater ngu' Berea lo'o ya, lo'o jua'a̱ Aristarco lo'o Segundo ngu' Tesalónica, lo'o jua'a̱ Gayo ngu' Derbe, lo'o Timoteo bi', lo'o jua'a̱ Tíquico lo'o Trófimo ngu' Asia; ca ta'a ya ndya'a̱ ya lo'o yu li'.

1 CORINTIOS 4:17

Juani nda na' ji'i̱ yu Timoteo lijya̱ yu ca su ndi'i̱ ma̱, cha' laca nu Timoteo bi' ñi'ya̱ laca sca sñi' na', cha' tyaca'a tsa yu 'na; jua'a̱ tso'o tsa ngusñi yu cha' ji'i̱ Jesucristo. Lcaa se'i̱ su ndya'a̱ na' slo taju ñati̱ ji'i̱ Jesús nu ndi'i̱ sca quichi̱, ca bi' nclyu'u na' ña'a̱ cha' tso'o nu nga'a̱ cha' cua'ni na chalyuu nu lo'o cua ngusñi na cha' ji'i̱ Jesucristo; jua'a̱ ndu'ni na' tyucui tyempo xqui'ya Jesucristo. Lo'o Timoteo cacha' yu ji'i̱ ma̱ cha' jua'a̱ ndu'ni na'.

FILIPENSES 1:12

Cu'ma̱ ngu' tya'a ngusñi na cha' ji'i̱ Cristo, nti' na' cha' caca cuayá' tso'o ti' ma̱ cha' cua lijya̱ ngañi la cha' tso'o ji'i̱ Jesús laja ngu' quichi̱ re, xqui'ya cha' cuxi nu ndyaca 'na re.

COLOSENSES 1:7

Cua ngujui cha' bi' ji'i̱ ma̱ lo'o ngulu'u yu Epafras ji'i̱ ma̱; tso'o tsa tya'a ndya'a̱ ya cña laca yu bi'. Jlo ti' ya cha' tso'o tsa nchcui' yu cha' ji'i̱ Cristo lo'o ngu' lcaa su ndya'a̱ yu cuentya ji'i̱ ya.

1 TIMOTEO 4:6

Culu'u nu'u̱ lcaa cha' nu nscua na' lo quityi re ji'i̱ ca ta'a ñati̱ ji'i̱ Jesucristo cajua, cha' caca nu'u̱ sca ñati̱ nu tso'o tsa ndu'ni cña ji'i̱ Jesucristo, Timoteo. Tyi'u tso'o ti' nu'u̱ lcaa cha' liñi nu cua ngusñi nu'u̱, cha' ji'i̱ ycui' Ni; ña'a̱ ti xñi tso'o nu'u̱ tyucui̱i̱ ji'i̱ ycui' nu Xu'na na li', ñi'ya̱ nu ndyu'ni ti nu'u̱.

2 TIMOTEO 4:12

Ngulo na' cña ji'i̱ Tíquico cha' tsaa yu ca quichi̱ Efeso.

TITO 3:12

Nu lo'o tyalaa ti masi Artemas, masi Tíquico, nu cua nda na' ji'i̱ cha' ca̱a̱ slo nu'u̱, li' yala ti tsaa nu'u̱ ca quichi̱ Nicópolis si caca jinu'u̱; tyacua tya'a na cajua li', cha' tyi'i̱ na' ca quichi̱ bi' tyempo tlya' nta̱'.

FILEMÓN 1:16

Nga'aa si'i msu jua'a̱ ti caca yu juani, tya'a na laca yu; tya'a na' laca yu nu tso'o tsa ntsu'u tyiquee na' ña'a̱ na' ji'i̱. Lo'o jua'a̱ tya'a nu'u̱ nu tso'o la laca yu juani; msu tso'o jinu'u̱ caca yu juani, cha' la cui' tya'a ñati̱ ji'i̱ Jesucristo laca ma̱.

1 PEDRO 5:12

Jlo ti' na' cha' tso'o tsa ngusñi Silvano tya'a na cha' ji'i̱ ycui' nu Xu'na na; yu bi' laca nu nguxtyucua tsa 'na lo'o nguscua ya quityi sube re cha' ca̱a̱ slo cu'ma̱. Nti' na' cha' caca nguula ti' tyiquee ma̱, cha' chañi cha' tlyu tsa cha' tso'o ndu'ni ycui' Ni lo'o na. Jlo ti' na' cha' bi', lo'o jua'a̱ tso'o tsa si lo'o cu'ma̱ tyi'u ti' ma̱ cha' bi', ñi'ya̱ laca lo'o nxtyucua tsa ycui' Ni ji'na lcaa tsa̱.

2 PEDRO 3:15

Tyi'u ti' ma̱ cha' ndalo tsa tyiquee ycui' Ndyosi ña'a̱ Ni ji'na, cua nda tsa Ni tyempo ji'na cha' clyaá na ji'i̱ nu cuxi. Jua'a̱ Pablo tya'a na ni, la cui' tya'a cha' nguscua yu lo quityi; ñati̱ tya'a tso'o na laca yu bi', lo'o jua'a̱ tso'o tsa nchcui' quityi nu nguscua yu nu cua ndyalaa slo ma̱. Ycui' Ndyosi laca nu ngulu'u ji'i̱ yu lcaa ña'a̱ cha' tso'o nu nguscua yu lo quityi bi'.