EFESIOS 6:20 - Chatino Tataltepec20 Cua ngusubi Ni 'na cha' tsa'a̱ tyijyu', cha' ta na' cha' bi' lo'o ñati̱; bi' cha' laca na' preso juani. Chcui' ma̱ lo'o ycui' Ndyosi cuentya jna' lacua, cha' taca chcui' liñi na' cha' bi' lo'o ñati̱, ñi'ya̱ nu nga'a̱ cha' chcui' na'. အခန်းကိုကြည့်ပါ။ |
EFESIOS 6:20
31 ပူးပေါင်းရင်းမြစ်များ
―Masi yala ti, masi ca tiya' la ―nacui̱ Pablo―, tso'o tsa si xñi lcaa tya'a ma̱ cha' bi', lo'o nu'u̱, rey Agripa, lo'o lcaa cu'ma̱ nu ndyuna ma̱ cha' nu' nchcui' na' lo'o ma̱ tsa̱ juani; tso'o tsa si caca stu'ba cha' ji'i̱ ma̱ lo'o na' lo'o xñi ma̱ cha' bi' li'. Sca ti cha' ná tso'o, si sca̱' ngu' ji'i̱ ma̱ lo'o carena chcua̱ ñi'ya̱ nu ngusca̱' ngu' jna'.
Lo'o nu juani nti' na' ña'a̱ na' ji'i̱ ma̱ cha' chcui' na' lo'o ma̱, bi' cha' cua nda na' cha' lijya̱ slo ma̱, cha' cua'ni ma̱ cha' tso'o ca̱a̱ ma̱ ca slo na'. Ca ta'a na laca na ngu' Israel; jua'a̱ ntajatya tsa na ji'i̱ ycui' Ndyosi, ni jacua' cua'ni Ni lcaa cha' nu cua nchcui' Ni lo'o jyo'o cusu' ji'na cua sa'ni la. Lo'o na', jlya ti' na' cha' bi' stu'ba ti lo'o cu'ma̱, bi' cha' ngusca̱' ngu' jna' lo'o carena chcua̱ re.
bi' cha' laca ndya'a̱ ya ca slo ma̱ chacuayá' ji'i̱ ycui' Cristo. Ndi'ya̱ laca lo'o nchcui' ya lo'o ma̱, ñi'ya̱ laca si ycui' Ndyosi nchcuane Ni ji'i̱ ma̱ cha' cua'a̱ jyaca̱ ma̱ ji'i̱ cha' nu nchcui' Cristo. Nchcui' ya lo'o cu'ma̱ chacuayá' ji'i̱ Cristo lacua, cha' cua'ni ma̱ cha' caca stu'ba cha' ji'i̱ ma̱ lo'o ycui' Ndyosi.
La cui' jua'a̱ tso'o si chcui' ma̱ lo'o ycui' Ndyosi Sti na cuentya jna', cha' tya ta la Ni cha' nu chcui' na' lo'o ñati̱, cha' caca tlyu la tyiquee na' chcui' na' lo'o ñati̱ ña'a̱ cuayá' nu ca cuayá' ti' ngu' cha' taca cua'ni lyaá Cristo ji'i̱ ngu' ya' nu cuxi; sca cha' nu bilya cuna ngu' laca bi'.
Ndi'ya̱ nti' na' cua'ni na': nti' tsa na' cha' ná caca tyuju'u ti' na' lo'o chcui' na' cha' ji'i̱ Jesús lo'o ñati̱; masi tyempo nu lijya̱ nde loo la, masi tyempo juani, tlyu caca tyiquee na' lo'o chcui' na' cha' ji'i̱ Jesús. Jua'a̱ nti' na' cua'ni na', cha' ña'a̱ ti cua'ni tlyu na' ji'i̱ Cristo, masi tya lu'ú ti na', masi cua ngujuii na'.
Tso'o si culacua xi ti' na' jua'a̱ cuentya ji'i̱ cu'ma̱, xqui'ya cha' lcaa tsa̱ ntsu'u tsa tyiquee na' ña'a̱ na' ji'i̱ cu'ma̱; stu'ba ti ndyaca cha' ji'i̱ cu'ma̱ lo'o na', tso'o tsa ndyu'ni Ni lo'o na cha' ndyu'ni na cña ji'i̱ Jesucristo. Nguxtyucua ma̱ jna' tsubi' lo'o nguta'a̱ na' slo ngu' nu laca loo cha' nxacui̱ na' cha' ji'i̱ ngu' bi'; nacui̱ na' ji'i̱ ngu' cha' tso'o tsa laca cha' nu cua nda ycui' Ndyosi lo'o na, lo'o jua'a̱ ndacha' liñi na' ji'i̱ ngu' ñi'ya̱ laca cha' liñi bi'. Lo'o juani tya nxtyucua ma̱ 'na, masi ntsu'u na' ne' chcua̱ xqui'ya cha' nchcui' na' cha' ji'i̱ Jesús lo'o ñati̱.
La cui' tyempo bi' jña ma̱ cha' clyu ti' ji'i̱ ycui' Ndyosi cuentya ji'i̱ ya cha' caja la juersa ji'i̱ ya, cha' chcui' ya cha' tso'o ji'i̱ Cristo lo'o xa' la ñati̱, cha' cuna ngu' cha' bi' masi bilya caja ñi'ya̱ nu cuna ngu' cha' bi' yala la; xqui'ya cha' cua nchcui' tsa na' lo'o ngu' jua'a̱, bi' cha' ntsu'u na' ne' chcua̱ juani.
Cua ngua'ni ycui' Ndyosi cha' tlyu tyiquee ya, cha' ngulu'u ya cha' tso'o nu ntsu'u ji'i̱ ycui' Ndyosi ji'i̱ ma̱ lo'o ngulaa ya slo cu'ma̱, masi lya' tsa ti' ngu' ji'i̱ ya tya tsubi' la ca quichi̱ Filipos. Jlo ti' ma̱ cha' cuxi tsa ngua'ni ngu' bi' lo'o ya li', lo'o jua'a̱ ntsu'u ngu' quichi̱ tyi ma̱ nu cuxi nti' ña'a̱ ngu' ji'i̱ ya.
Nu lo'o cube ti' na cha' cuentya ji'na ntaja'a̱ Cristo ngujuii yu lo crusi, cha' ntsu'u tsa tyiquee Ni ña'a̱ Ni ji'na, li' ca cuayá' ti' na ña'a̱ cha' nu tso'o la cua'ni na, si ntsu'u tyiquee na ña'a̱ na ji'i̱ tya'a ngusñi na cha' ji'i̱ Ni. Tso'o si tyaja'a̱ na xtyucua na ji'i̱ tya'a na jua'a̱, masi hasta cajaa ycui' na cuentya ji'i̱ ngu' tya'a na.
Cu'ma̱ ngu' tya'a tso'o na nu tyaca'a tsa ma̱ 'na, nti' tsa na' scua na' quityi cha' tsaa ca slo ma̱, sca quityi nu chcui' ji'i̱ cha' tlyu nu ngua'ni Jesús cha' taca clyaá na ji'i̱ nu cuxi; pana ná ngua scua na' ji'i̱ yala ti. Lo'o nu juani nga'a̱ cha' scua na' quityi re cha' tsaa ca slo ma̱, cha' ta na' sca cui̱i̱ lo'o ma̱; nga'a̱ cha' cua'a ma̱ ji'i̱ cua ña'a̱ ca ngu' cuiñi, xqui'ya cha' ná jlya ti' ngu' ji'i̱ cha' liñi nu cua nda ycui' Ndyosi nu Xu'na na lo'o na, lcaa na nu ntsu'u cha' ji'na lo'o Jesucristo. Ná cua'a̱ jyaca̱ ma̱ tsiya' ti ji'i̱ cha' nu nchcui' ngu' cuiñi bi'.
ကြော်ငြာတွေ