EFESIOS 6:17 - Chatino Tataltepec

¹⁷ Smalyu chcua̱ ntucua hique ngu' sendaru cha' cua'a ji'i̱ hique ngu'. Lo'o jua'a̱ cu'ma̱, cua ngua'ni lyaá Ni ji'i̱ ma̱, bi' cha' ntsu'u nu ña'a̱si̱i̱ ji'i̱ ma̱ li'. Xñi ma̱ lcaa cha' nu nda Xtyi'i ycui' Ndyosi lo'o ma̱ cha' caja ñi'ya̱ nu chcui' ma̱ lo'o sca ñati̱, ñi'ya̱ laca si cua ngusñi ma̱ sca maxtyi cusu̱u̱ ji'i̱ sendaru.

EFESIOS 6:17 ပူးပေါင်းရင်းမြစ်များ

SAN MATEO 4:4

Lo'o li' nguxacui̱ Jesús cha' ji'i̱: ―Cua nscua sca cha' lo quityi ji'i̱ ycui' Ndyosi ―nacui̱ Jesús ji'i̱―. Ndi'ya̱ nchcui' cha' bi': “Si'i na cu'ú ñati̱ chalyuu lo'o cacu ngu' tyaja ti, masi lo'o cuna ngu' lcaa cha' nu nchcui' ycui' Ndyosi, li' chañi cha' tyu'ú ngu'”. Jua'a̱ nscua lo quityi.

SAN MATEO 4:7

Li' nguxacui̱ Jesús cha' ji'i̱ nu xña'a̱ bi': ―Pana ndi'ya̱ nscua cha' lo quityi ji'i̱ ycui' Ndyosi: “Ná chcui' cuayá' ma̱ lo'o ycui' Ndyosi nu Xu'na ma̱”, nacui̱ quityi.

EFESIOS 5:26

Ngujuii yu cha' caja ñi'ya̱ cua'ni lubii yu ji'i̱ ñati̱ nu xñi cha' ji'i̱ yu; ngua ti' Jesús cha' cuna ngu' lcaa cha' ji'i̱ ycui' yu, cha' taca cuityi̱ Ni qui'ya nu ntsu'u ji'i̱ ngu', cha' ta Ni chalyuu cucui ji'i̱ ngu'. Jua'a̱ ngua'ni Ni cha' sca ti quiya' laca ngu' bi' ñati̱ ji'i̱ Ni. Lo'o li' taca tyucuatya ngu' ji'i̱ ngu' bi' cuentya ji'i̱ Jesús.

1 TESALONICENSES 5:8

Pana nu na ni, ntsu'u xee ji'i̱ ycui' Ndyosi ne' cresiya' ji'na, bi' cha' tii ti ti' na tyi'i̱ na chalyuu; cua ngusñi na cha' ji'i̱ ycui' Ni, na cua ntsu'u tyiquee na ña'a̱ na ji'i̱ tya'a ñati̱ na xqui'ya Ni, lo'o jua'a̱ nga'a̱ cha' cua'a na ji'i̱ ycui' ca na cha' ná cua'ni na cha' cuxi nu nti' cua'ni ñu'u̱ ji'i̱ cresiya ji'na. Na ndu̱ ti' na ji'i̱ ycui' Ndyosi, ni jacua' tye cuityi̱ Ni ji'i̱ lcaa cha' cuxi nu ntsu'u ji'na, bi' cha' nga'a̱ cha' ña'a̱si̱i̱ na ji'i̱ ycui' ca na.

HEBREOS 4:12

Lcaa cha' nu nchcui' ycui' Ndyosi lo'o ñati̱ ni, ñi'ya̱ nti' sca na lu'ú, jua'a̱ laca cha' bi'. Lcaa tyempo ndu'ni bi' cña ne' cresiya ji'i̱ ñati̱ nu cuna cha' bi'. Laca cha' bi' ñi'ya̱ si laca sca xlyu nu cha tsa tu'ba tyucuaa chu̱'; ndu'ni bi' cha' saala cuaña' na ña'a̱ cuayá' nu tyalaa ca su ntsu'u tyijya̱ na, ña'a̱ cuayá' tyaca̱' ycua nu ntsu'u ne' tyijya̱ na. La cui' jua'a̱ laca lo'o cuna na cha' ji'i̱ ycui' Ndyosi bi', na nchcui' ca'a̱ ti cha' bi' ji'i̱ tyucui ña'a̱ na, jua'a̱ lo'o cresiya ji'na. Lo'o nduna na sca cha' nu nchcui' ycui' Ndyosi lo'o ñati̱, liñi tsa quijeloo cha' ji'i̱ Ni, lcaa cha' nu ntsu'u tyiquee na cha' caja ji'na, lcaa cha' nu nclyacua ti' scaa na.

HEBREOS 6:5

Cua jlo ti' ngu' bi', cha' cua na'a̱ ngu' cha' tso'o tsa lcaa cha' nu nacui̱ Ni ji'na cha' cua'ni Ni lo'o na; cua na'a̱ ngu' bi', cha' tlyu tsa cha' nu ndyaca lo'o cua nguxana tyalaa chalyuu cucui ji'i̱ ycui' Ndyosi ca su ndi'i̱ ngu'.

APOCALIPSIS 1:16

Ya' tsu' cui̱ Ni ndacui cati tya'a cuii, ñi'ya̱ laca cuii nu ntsu'u nde cua̱; tu'ba Ni ntucua sca xlyu cusu̱u̱ nu cha tsa tyucuaa chu̱' bi'. Ndubi tsa ña'a̱ loo Ni, ñi'ya̱ laca lo'o ntyiji'i̱ xee cuichaa nde hora.

APOCALIPSIS 12:11

Nu ngu' tya'a ngusñi na cha' ji'i̱ Jesús ni, cua ntiji̱loo ngu' ji'i̱ nu xña'a̱ bi', xqui'ya cha' ngujuii Jesús nu ñi'ya̱ ña'a̱ xlya' bi'. Ná ntsi̱i̱ ngu' bi' ta ngu' cha' tso'o ji'i̱ Jesús lo'o xa' ñati̱; ntaja'a̱ ngu' bi' chcui' ngu' cha' bi', masi cujuii ñati̱ ji'i̱ ngu' bi' xqui'ya cha' ñasi̱' tsa ñati̱ ji'i̱ Jesús.

APOCALIPSIS 19:15

Liñi tsa cha' nu ndyu'u tu'ba Ni lo'o nda Ni cha' lo'o ñati̱ chalyuu. Lo'o jua'a̱ tatsaa Ni ji'i̱ ñati̱ tyucui ña'a̱ chalyuu cha' taquiya' ngu' cha' ji'i̱ Ni. Lye tsa culo Ni cña ji'i̱ ngu', jua'a̱ xcube' Ni ji'i̱ ñati̱ cuxi; ñi'ya̱ laca lo'o satá ngu' si'yu losu' tyixi ne' sca pilya quee nu tlyu xi cha' tyu'u hitya si'yu bi', la cui' jua'a̱ xcube' Ni ji'i̱ ñati̱ bi', xqui'ya cha' ñasi̱' tsa ycui' Ndyosi ji'i̱ ngu', ycui' Ni nu nchca ji'i̱ ndu'ni Ni lcaa lo cña.

APOCALIPSIS 2:16

Bi' cha' juani culochu̱' ma̱ lcaa cha' cuxi bi', nacui̱ Ni. Si ná tyaja'a̱ ma̱ cua'ni ma̱ jua'a̱, yala ti ca̱a̱ na' ca su ndi'i̱ ma̱ cha' xu̱u̱ tya'a na' lo'o ma̱ lo'o xlyu cusu̱u̱ nu ntucua tu'ba na', nacui̱ Ni.