EFESIOS 5:8 - Chatino Tataltepec8 Nu ngua sa'ni la, talya tsiya' ti chalyuu ji'i̱ ma̱; pana juani cua ngua xee chalyuu ji'i̱ ma̱, tya lo'o ngusñi ma̱ cha' ji'i̱ ycui' nu Xu'na na. Ñi'ya̱ ndu'ni ñati̱ nu cua ntsu'u lo xee ji'i̱ Cristo, jua'a̱ nga'a̱ cha' cua'ni ma̱ su ndi'i̱ ma̱ chalyuu juani. အခန်းကိုကြည့်ပါ။ |
EFESIOS 5:8
43 ပူးပေါင်းရင်းမြစ်များ
Li' ta Ni xee bi' cha' tyu'ú ne' cresiya ji'i̱ ngu' nu nga'aa ndyiji ñi'ya̱ cua'ni ngu', cha' talya tsa ña'a̱ ne' cresiya ji'i̱ ngu' bi'. Masi tya lu'ú ngu' bi', pana ñi'ya̱ nti' si na cua ngujuii nti' ngu', xqui'ya cha' cuxi nu ntsu'u ne' cresiya ji'i̱ ngu'. Culu'u Cristo ji'na ñi'ya̱ cua'ni na cha' tyi'i̱ ti̱ ti na lo'o tya'a na. Cua ndye cha' nu nda Zacarías li'.
Tiya' la ngua cuayá' ti' ycui' nu laca xu'na yu ñi'ya̱ nu ndyu'ni yu. “Tajua' tsa ndyu'ni msu nu laca loo bi' 'na laja lo'o ndyu'ni yu cña”, nacui̱ nu cusu' culiya' bi'. Lo'o li' tya nchcui' Jesús lo'o ngu' bi': ―Lo'o cu'ma̱ ni, nu nti' tsa ma̱ taquiya' ma̱ ji'i̱ lcaa cha' nu nchcui' ycui' Ndyosi ―nacui̱―, taca ca tsa'a̱ ma̱ xi lo'o ña'a̱ ma̱ ñi'ya̱ nu ndu'ni xa' la ñati̱ chalyuu lo'o tya'a ngu', masi cuxi ti ngu'.
Li' nguxtyacui Jesús cha' lo'o ngu': ―Tya xi ca tsa̱ tya tyi'i̱ na' slo cu'ma̱, na' nu ta̱ xee nu tyu'ú ne' cresiya ji'i̱ ñati̱ ―nacui̱ Jesús―. Bi' cha' juani yaa ma̱ su nga'a̱ cha' tsaa ma̱ lo'o tya xee ti, cha' ná cua'ni nu cuxi ngana ji'i̱ ma̱, nu cuxi nu nda talya chalyuu. Nu lo'o talya ña'a̱ su ndya'a̱ na, ná jlo ti' na ma nde ndya'a̱ na li'.
Lo'o jua'a̱ cu'ma̱ ―nacui̱ Jesús ji'i̱ ngu'―, tso'o la si xñi ma̱ cha' jna' laja lo'o tya ndi'i̱ na' chalyuu, na' nu ta̱ xee nu tyu'ú ne' cresiya ji'i̱ cu'ma̱ ñati̱ chalyuu. Li' tyucui tyiquee ma̱ caca ma̱ ñati̱ ji'i̱ ycui' Ndyosi. Ndye nchcui' Jesús jua'a̱ lo'o ngu', li' ngutu'u yu ndyaa yu ca su ná quije yu ji'i̱ ngu'.
Chaca quiya' nda Jesús cha' lo'o ngu' ne' laa bi'. ―Na' laca̱ nu nda̱ xee cha' tyu'ú ne' cresiya ji'i̱ ñati̱ ―nacui̱ yu―. Tyanu xee lubii jna' ne' cresiya ji'i̱ ñati̱ nu xñi cha' jna', lo'o jua'a̱ ná nga'a̱ cha' tye chalyuu ji'i̱ ngu' bi' li'; nga'aa ntsu'u cha' tya'a̱ yu'u ngu' bi', ñi'ya̱ nu ndu'ni ngu' nu ná ntsu'u xee jna' ne' cresiya ji'i̱ tsiya' ti.
cha' ñi'ya̱ si ndya'a̱ ngu' cuityi̱', jua'a̱ ndya'a̱ ñati̱ bi' chalyuu; ñi'ya̱ si talya tsa ña'a̱ su ndya'a̱ ngu', jua'a̱ ndyu'ni ngu' bi'. Bi' cha' ntsu'u cha' culu'u nu'u̱ cha' jna' ji'i̱ ngu' bi', cha' xñi ngu' cha' jna'. Li' nga'aa tya'a̱ ngu' su talya ña'a̱, ñi'ya̱ si cuityi̱' ti ngu'; taca tya'a̱ ngu' tyucui̱i̱ su xee cuentya ji'i̱ ycui' Ndyosi, taca ña'a̱ ngu' li'. Satanás laca nu nclyo cña ji'i̱ ngu' bi' juani, pana ca li' caca ngu' ñati̱ ji'i̱ ycui' Ndyosi. Ntsu'u cha' xñi ngu' bi' cha' jna', cha' taca cui'ya ycui' Ni cha' clyu ti' ji'i̱ cha' cuxi nu ntsu'u ji'i̱ ngu' bi'. Li' caca stu'ba cha' ji'i̱ ngu' bi' lo'o ñati̱ nu cua lubii cresiya ji'i̱ xqui'ya na'”, nacui̱ ycui' Jesús 'na li'.
Ñi'ya̱ laca chalyuu talya, jua'a̱ laca lo'o ndi'i̱ na chalyuu, xqui'ya cha' cuxi nu ntsu'u ji'na. Pana juani cua tye ti talya bi', cua tya̱a̱ ti Cristo cha' culotsu' Ni cha' cuxi bi'. Li' caca chalyuu ji'na ñi'ya̱ si cua nguxee tso'o, cha' lubii tsa xee caca li'. Bi' cha' nga'a̱ cha' xtyanu na ji'i̱ cha' cuxi nu ndu'ni ngu', cha' cuxi tsa tyiquee ngu' nu ndya'a̱ chalyuu talya bi'. Cua'ni cho'o na tyucui ña'a̱ na, cha' nguula tsa cua'ni na cña cuentya ji'i̱ Cristo nde chalyuu, ñi'ya̱ si laca na sendaru ji'i̱ Cristo.
Ndi'ya̱ laca cha': cua nacui̱ ycui' Ndyosi cha' caca stu'ba cha' ji'na lo'o Jesucristo, lo'o jua'a̱ cua nda Ni ji'i̱ Jesucristo ji'na. Masi ná nchca ji'na, pana nu Jesucristo ni, lcaa cha' nchca ji'i̱ ycui'. Xqui'ya nu Jesús bi' nchca tso'o cresiya ji'na ñati̱ cuxi na cuentya ji'i̱ ycui' Ndyosi; xqui'ya Jesús taca caca na ñati̱ ji'i̱ ycui' Ndyosi, cha' Jesús laca nu ngua'ni lyaá ji'na ji'i̱ nu cuxi.
Jua'a̱ laca cha' ji'na, lcaa na lo'o tya'a na nu ntsu'u cha' ji'na lo'o Jesús, tyaca̱' tyijyu' cha' cua nda nu Xu'na na xee nu tyu'u loo na. Pana ná nga'a̱ cha' tyacu̱' sca late' loo na, cha' la cui' cha' tlyu bi' laca nu ña'a̱ ti tya lye la ndyu'ni cña lo'o na cha' cha'a̱ tyucui ña'a̱ na, cha' caca na ñi'ya̱ laca ycui' Ndyosi nu Xu'na na tsiya' ti. Ca slo ycui' nu Xu'na na nu laca Xtyi'i bi', ca bi' ndyu'u nu cha' tlyu bi'.
La cui' ycui' Ndyosi laca nu nda xee lubii ji'i̱ Ni cha' tyanu ne' cresiya ji'na; bi' cha' caca cuayá' ti' na lcaa cha' tlyu nu tso'o tsa nu ntsu'u ji'i̱ ycui' Ndyosi, la cui' ti cha' nu nchca tii na cha' ndyu'ni Ni cña ne' cresiya ji'na nu lo'o xñi na cha' ji'i̱ Cristo. Ycui' Ni ngulo Ni cña cha' tyucua xee ca su ngua chalyuu talya nu ngua tya sa'ni la.
Ná clyana ma̱ ñi'ya̱ caca quiñi cha' ji'i̱ ma̱ lo'o ñati̱ nu ná ntsu'u cha' ji'i̱ lo'o ycui' Ndyosi, ná cua'ni tya'a ma̱ lo'o ñati̱ bi' tsiya' ti. Ná taca ca stu'ba cha' ji'i̱ ma̱ lo'o ngu' bi', cha' nu ñati̱ nu cua ngua lubii cresiya ji'i̱ cuentya ji'i̱ ycui' Ndyosi ni, ná taca cua'ni tya'a ngu' lo'o ñati̱ nu ná ndaquiya' ji'i̱ Ni tsiya' ti; lo'o jua'a̱ ñati̱ nu ntsu'u xee ji'i̱ ycui' Ndyosi ne' cresiya ji'i̱, ná taca ca stu'ba cha' ji'i̱ ngu' bi' lo'o ñati̱ nu ndiya la ti' chalyuu talya.
talya tsiya' ti chalyuu nu ntsu'u ji'i̱ ngu' bi'; bi' cha' ná nchca ca cuayá' ti' ngu' tsiya' ti. Ná ntsu'u cha' ji'i̱ ngu' bi' lo'o chalyuu cucui nu cua nda ycui' Ndyosi ji'na cha' tyi'i̱ tso'o ti na, xqui'ya cha' ná jlo ti' ngu' bi' tsiya' ti, cha' ná ntaja'a̱ ngu' bi' xñi tyiquee ngu' sca cha' liñi.
Si'i na nxu̱u̱ tya'a na lo'o ñati̱ chalyuu ti, siya' la juersa ntsu'u ji'i̱ ngu' bi'; tya'a cusu̱u̱ na laca lcaa cui'i̱ cuxi nu ntsu'u nde cua̱. Nguula tsa nu bi', hasta ngua ti' bi' tyiji̱loo ji'i̱ ycui' Ndyosi; pana ná ngua ji'i̱. La cui' laca nu ngua ti' caca xu'na chalyuu, lo'o jua'a̱ nclyo bi' cña ji'i̱ ñati̱ cha' cua'ni ngu' lcaa lo cha' cuxi nde chalyuu juani.
Cua sa'ni la ná nda na cuentya tsiya' ti ñi'ya̱ ntsu'u cha' ji'i̱ ycui' Ndyosi; ná ndaquiya' na ji'i̱ Ni li', cha' cua ngüiñilo'o nu xña'a̱ ji'na cha' cua'ni na lcaa cha' cuxi nu ndijña cresiya ji'na cha' cua'ni na. Ngua chaa ti' na lo'o ndyu'ni na cha' cuxi bi' li', masi ngua'ni lya' ti' na ji'i̱ ñati̱, masi ngua liye' ti' na ña'a̱ na ji'i̱ ngu', masi ngua ti'í ti' na ña'a̱ na ji'i̱ tya'a na; lo'o jua'a̱ ngu' tya'a na, ngua ti'í ti' ngu' ña'a̱ ngu' ji'na.
ကြော်ငြာတွေ