EFESIOS 5:26 - Chatino Tataltepec26 Ngujuii yu cha' caja ñi'ya̱ cua'ni lubii yu ji'i̱ ñati̱ nu xñi cha' ji'i̱ yu; ngua ti' Jesús cha' cuna ngu' lcaa cha' ji'i̱ ycui' yu, cha' taca cuityi̱ Ni qui'ya nu ntsu'u ji'i̱ ngu', cha' ta Ni chalyuu cucui ji'i̱ ngu'. Jua'a̱ ngua'ni Ni cha' sca ti quiya' laca ngu' bi' ñati̱ ji'i̱ Ni. Lo'o li' taca tyucuatya ngu' ji'i̱ ngu' bi' cuentya ji'i̱ Jesús. အခန်းကိုကြည့်ပါ။ |
EFESIOS 5:26
35 ပူးပေါင်းရင်းမြစ်များ
―Ta na' sca cha' liñi lo'o nu'u̱ juani ―nacui̱ Jesús―. Ñati̱ laca nu nclya lo'o ndu'ni cala ñati̱ chalyuu ji'i̱, pana Xtyi'i ycui' Ndyosi laca nu ndu'ni cha' cha'a̱ cresiya ji'i̱ ngu' ―nacui̱ Jesús―. Ntsu'u cha' caca cucui cresiya ji'i̱ ma̱ si cua nti' ma̱ cha' culo ycui' Ndyosi cña ji'i̱ ma̱. Ntsu'u cha' tyu'u ma̱ lo hitya, lo'o jua'a̱ ntsu'u cha' tyanu Xtyi'i ycui' Ndyosi ne' cresiya ji'i̱ ma̱ ―nacui̱ Jesús ji'i̱ Nicodemo―.
cha' ñi'ya̱ si ndya'a̱ ngu' cuityi̱', jua'a̱ ndya'a̱ ñati̱ bi' chalyuu; ñi'ya̱ si talya tsa ña'a̱ su ndya'a̱ ngu', jua'a̱ ndyu'ni ngu' bi'. Bi' cha' ntsu'u cha' culu'u nu'u̱ cha' jna' ji'i̱ ngu' bi', cha' xñi ngu' cha' jna'. Li' nga'aa tya'a̱ ngu' su talya ña'a̱, ñi'ya̱ si cuityi̱' ti ngu'; taca tya'a̱ ngu' tyucui̱i̱ su xee cuentya ji'i̱ ycui' Ndyosi, taca ña'a̱ ngu' li'. Satanás laca nu nclyo cña ji'i̱ ngu' bi' juani, pana ca li' caca ngu' ñati̱ ji'i̱ ycui' Ndyosi. Ntsu'u cha' xñi ngu' bi' cha' jna', cha' taca cui'ya ycui' Ni cha' clyu ti' ji'i̱ cha' cuxi nu ntsu'u ji'i̱ ngu' bi'. Li' caca stu'ba cha' ji'i̱ ngu' bi' lo'o ñati̱ nu cua lubii cresiya ji'i̱ xqui'ya na'”, nacui̱ ycui' Jesús 'na li'.
Ndi'ya̱ ntsu'u cha' lo'o jlya ti' na ji'i̱ Ni: “Cacua tsa ntsu'u cha' ji'i̱ Jesús ji'na. Taca tyu'u cha' ji'i̱ Cristo nde tu'ba na, taca tyu'u cha' bi' nde ne' cresiya ji'na.” Bi' laca cha' tso'o nu ta na lo'o ngu', cha' taca cua'ni lyaá Ni ji'na ji'i̱ nu cuxi, si chañi cha' xñi na cha' ji'i̱ Jesús.
Lo'o jua'a̱ ntsu'u xi cu'ma̱ nu ngua'ni ma̱ la cui' tya'a cha' cuxi bi' tya sa'ni la; pana cua xa' ña'a̱ ndu'ni ma̱ juani, cha' cua ngüityi̱ Jesús lcaa qui'ya nu ntsu'u ji'i̱ ma̱ tya li', cua ndyatí̱ ma̱ cuentya ji'i̱ ycui' Ndyosi li'. Cua ngüiñi cha' ji'i̱ ma̱ lo'o ycui' Ndyosi nu lo'o ngusñi ma̱ cha' ji'i̱ ycui' Jesucristo nu Xu'na na, lo'o li' cua nda Ni Xtyi'i ycui' Ni cha' tyanu ne' cresiya ji'i̱ ma̱.
Na tiji̱' tsa ti' na' ña'a̱ na' ji'i̱ cu'ma̱. Ni tyiquee' la cui' jua'a̱ nti' ycui' Ndyosi ña'a̱ Ni ji'i̱ cu'ma̱. Na cua ngüiñi cha' 'na lo'o ycui' Ndyosi cha' ta na' ji'i̱ ma̱ cha' caca ma̱ ñati̱ ji'i̱ Cristo, ñati̱ nu lubii tyiquee, la cui' ñi'ya̱ laca lo'o sca nu cuna'a̱ cuañi' nu caja clyo'o lo'o sca ti nu qui'yu ji'i̱;
Smalyu chcua̱ ntucua hique ngu' sendaru cha' cua'a ji'i̱ hique ngu'. Lo'o jua'a̱ cu'ma̱, cua ngua'ni lyaá Ni ji'i̱ ma̱, bi' cha' ntsu'u nu ña'a̱si̱i̱ ji'i̱ ma̱ li'. Xñi ma̱ lcaa cha' nu nda Xtyi'i ycui' Ndyosi lo'o ma̱ cha' caja ñi'ya̱ nu chcui' ma̱ lo'o sca ñati̱, ñi'ya̱ laca si cua ngusñi ma̱ sca maxtyi cusu̱u̱ ji'i̱ sendaru.
Nga'a̱ cha' tyanu tyucui cha' ji'i̱ Cristo ca ne' cresiya ji'i̱ ma̱. Tso'o tsa ndyu'u cha' bi', bi' cha' tso'o ti culu'u ma̱ cha' bi' ji'i̱ tya'a ma̱ ña'a̱ cuayá' nu cuna tso'o lcaa ngu'. La cui' jua'a̱ cula tu'ba ma̱ lcaa lo ji̱i̱ nu ntsu'u ji'i̱ ycui' Ndyosi, masi ji̱i̱ salmo nu nscua lo quityi nu ngua sa'ni, masi cua ña'a̱ ca ji̱i̱ nu ca'ya hique ma̱ nu nchcui' cha' ji'i̱ ycui' Ndyosi; cula tu'ba ma̱ ji̱i̱ cha' cuna ycui' Ndyosi, xqui'ya cha' tso'o tsa ntsu'u tyiquee ma̱ ña'a̱ ma̱ ji'i̱ ycui' Ni.
Ngua'ni Jesucristo lcaa cña nu ngua ti' ycui' Ndyosi Sti yu cha' cua'ni yu, cha' nda yu ji'i̱ tyucui ña'a̱ yu cha' ngujui'i̱ ca'a̱ ngu' ji'i̱ lo crusi; sca ti quiya' tsiya' ti ngua ycui' ca yu msta̱, la cui' msta̱ nu ngua ti' ycui' Ndyosi Sti yu ngua bi'. Bi' cha' cua ngua lubii cresiya ji'na cuentya ji'i̱ ycui' Ndyosi juani, cua ndye yabe' nu ntsu'u ji'na.
Tya̱a̱ na ca slo ycui' Ndyosi lacua; tyucui tyiquee na cua'ni na cha' caca stu'ba cha' ji'na lo'o ycui' Ndyosi Sti na, cha' taca xñi tso'o na cha' ji'i̱ Ni li'. Cua ngüityi̱ Ni lcaa cha' cuxi nu ngua'ni cha' ngua tyuju'u ti' na tya tsubi' la; cua ngua lubii cresiya ji'na juani, ñi'ya̱ laca lo'o cua ndyaata na chcu lo'o hitya lubii ti.
Lo'o juani ni, tlyu la cha' ti'í tyacua ji'i̱ tya'a ñati̱ na nu chi̱i̱ tsa nti' ña'a̱ ngu' ji'i̱ Jesús, nu sca ti Sñi' ycui' Ndyosi bi', ngu' nu lye tsa chcui' lo ji'i̱ cña nu ngua'ni nu Jesús bi'; sca ti xqui'ya cha' ngujuii yu lo crusi, bi' cha' cua ndyaca lubii cresiya ji'na. Lo'o jua'a̱ si chcui' suba' na ji'i̱ Xtyi'i ycui' Ndyosi, li' lye la cha' nchcube' tyacua ji'na, cha' xcui' tso'o tsa ndu'ni Ni lo'o na xqui'ya Xtyi'i ycui' Ni.
Lcaa cha' nu nchcui' ycui' Ndyosi lo'o ñati̱ ni, ñi'ya̱ nti' sca na lu'ú, jua'a̱ laca cha' bi'. Lcaa tyempo ndu'ni bi' cña ne' cresiya ji'i̱ ñati̱ nu cuna cha' bi'. Laca cha' bi' ñi'ya̱ si laca sca xlyu nu cha tsa tu'ba tyucuaa chu̱'; ndu'ni bi' cha' saala cuaña' na ña'a̱ cuayá' nu tyalaa ca su ntsu'u tyijya̱ na, ña'a̱ cuayá' tyaca̱' ycua nu ntsu'u ne' tyijya̱ na. La cui' jua'a̱ laca lo'o cuna na cha' ji'i̱ ycui' Ndyosi bi', na nchcui' ca'a̱ ti cha' bi' ji'i̱ tyucui ña'a̱ na, jua'a̱ lo'o cresiya ji'na. Lo'o nduna na sca cha' nu nchcui' ycui' Ndyosi lo'o ñati̱, liñi tsa quijeloo cha' ji'i̱ Ni, lcaa cha' nu ntsu'u tyiquee na cha' caja ji'na, lcaa cha' nu nclyacua ti' scaa na.
Masi jua'a̱ ngua'ni ngu' cña nu ngua li', pana tlyu la cña nu ngua'ni Cristo juani, cha' ndyalú tañi ycui' yu lo'o ngujuii yu lo crusi cuentya ji'na. Xqui'ya Xtyi'i ycui' Ni, bi' cha' ngua ji'i̱ Cristo ta yu tyucui ña'a̱ ycui' ca yu, cha' sca ti quiya' cati̱ qui'ya nu ntsu'u ji'na lo'o ycui' Ndyosi; nu ycui' Cristo ni, ná ntsu'u qui'ya ji'i̱ yu tsiya' ti, bi' cha' taca cua'ni lubii Ni cresiya ji'na, nu lo'o tyi'u ti' na ñi'ya̱ nu ngua'ni Ni lo'o ndyalú tañi ycui' Ni. Li' cuityi̱ Ni lcaa cha' cuxi nu ndyu'ni ñu'u̱ tsa ji'na, jua'a̱ taca ji'na cua'ni na cña ji'i̱ ycui' Ndyosi nu lu'ú ca nde chalyuu li'.
Tya clyo la cua jlo ti' ycui' Ndyosi Sti na lcaa ña'a̱ cha' nu caca nde loo la, bi' cha' ngusubi ycui' Ni ji'i̱ ma̱. Lo'o juani ndyu'ni Xtyi'i ycui' Ndyosi cña cha' tyanu lubii cresiya ji'i̱ ma̱, cha' taquiya' ma̱ ji'i̱ ycui' Jesucristo; na cua ngujuii yu lo crusi xqui'ya cu'ma̱, ndyalú tañi yu cha' caja ñi'ya̱ caca lubii cresiya ji'i̱ ma̱. Lo'o juani nti' na' cha' ña'a̱ ti tya cua'ni ycui' Ndyosi cha' tso'o lo'o ma̱, cha' jua'a̱ ti̱ ti tyi'i̱ tyiquee ma̱ lcaa hora.
Ñi'ya̱ nu ngua'ni lyaá Ni ji'i̱ ngu' nu nguta'a̱ ne' yaca ni'i̱ bi' lo hitya nu ngua sa'ni la, cha' ndaquiya' ngu' bi' ji'i̱ cha' nu nchcui' ycui' Ni; jua'a̱ clyaá ma̱ juani, cha' cua ndaquiya' ma̱ ji'i̱ cha' nu nchcui' Ni. Cua ndyaa ma̱ lo hitya cha' tyucuatya ma̱ li'. Si'i na caata ti na chcu laca cha' bi', si'i cha' cuu' cuaña' na, bi' cha' tyucuatya na li'; ndi'ya̱ laca cha': na cua ndijña na ji'i̱ ycui' Ndyosi cha' cua'ni lubii Ni ji'i̱ cresiya ji'na xqui'ya cha' cua ndyu'ú Jesucristo chaca quiya', bi' cha' ntyucuatya na.
Pana si ná ndu'ni ma̱ lcaa lo cha' bi', si ná ndi'i̱ tso'o ma̱ jua'a̱, laca ma̱ ñi'ya̱ laca sca nu cuityi̱' nu ndacu̱' ycui' ca ti yu cloo yu. Nga'aa nti' yu cuityi̱' bi' tyi'u ti' yu ñi'ya̱ ngua'ni lubii ycui' Ndyosi ne' cresiya ji'i̱ yu, nu lo'o ngüityi̱ Ni cha' cuxi nu ntsu'u ne' cresiya ji'i̱ yu.
Nu sca ti Sñi' ycui' ca Ndyosi laca Jesucristo, nu ya̱a̱ chalyuu. Ntyucuatya ngu' ji'i̱ yu li'. Ngujuii yu lo crusi, ndyalú tañi ycui' yu li'. Si'i xqui'ya cha' nu cua ntyucuatya ti yu, masi lo'o xqui'ya cha' cua ngujuii yu lo crusi ndyalú tañi yu, bi' cha' nchca cuayá' ti' na juani cha' nu sca ti Sñi' ycui' Ndyosi laca Jesucristo. Bi' laca cha' nu ndacha' Xtyi'i ycui' Ndyosi ji'na, lo'o jua'a̱ chañi tsa laca cha' bi'.
Judas naa na', la cui' tya'a Jacobo; cña laca na' cuentya ji'i̱ Jesucristo. Nscua na' quityi re cha' tsaa ca slo lcaa cu'ma̱ nu ndaquiya' ma̱ ji'i̱ ycui' Ndyosi Sti na, cha' cua ngusubi Ni ji'i̱ ma̱. Ycui' Ndyosi laca nu ngua'ni lubii ji'i̱ cresiya ji'i̱ ma̱, lo'o ña'a̱ ti tya cña'a̱si̱i̱ Ni ji'i̱ ma̱ juani xqui'ya Jesucristo.
ကြော်ငြာတွေ