EFESIOS 5:24 - Chatino Tataltepec

²⁴ Cu'ma̱ ngu' cuna'a̱ tya'a ngusñi na cha' ji'i̱ Cristo, nga'a̱ cha' cua'ni chi̱ ma̱ loo clyo'o ma̱; tucuá ma̱ lcaa cña nu culo clyo'o ma̱ ji'i̱ ma̱, ñi'ya̱ nu ndyaca lo'o lcaa ngu' tya'a ma̱ nu tsa tlyu ti ndyu'ni tlyu ma̱ ji'i̱ Cristo, ntucuá ma̱ cña ji'i̱ Cristo.

EFESIOS 5:24 ပူးပေါင်းရင်းမြစ်များ

SAN LUCAS 10:17

Ca tiya' la nguxtyu̱u̱ nu snayala tyii tya'a ngu' ñaa ngu' slo Jesús. Chaa tsa ti' ngu'. ―Cusu' ―nacui̱ ngu' ji'i̱ Jesús―, lo'o nu cui'i̱ cuxi ndaquiya' ji'i̱ cña nu ngulo ya ji'i̱ chacuayá' jinu'u̱ ―nacui̱ ngu'.

EFESIOS 5:23

Loo laca sca nu qui'yu ji'i̱ clyo'o yu. La cui' jua'a̱ Cristo laca loo ji'i̱ lcaa ñati̱ nu tsa tlyu ti ndyu'ni tlyu ji'i̱ ycui' Ni; Cristo laca nu ndaca'a ji'i̱ lcaa ñati̱ ji'i̱ yu, cha' ná cua'ni ñu'u̱ nu cuxi ji'i̱ ngu' lo'o tya'a ngu'.

EFESIOS 5:25

Nu cu'ma̱ ngu' qui'yu ni, tyu'u tso'o tyiquee ma̱ ña'a̱ ma̱ ji'i̱ clyo'o ma̱, cha' la cui' jua'a̱ tso'o tsa ntsu'u tyiquee Cristo ña'a̱ yu ji'i̱ ñati̱ ji'i̱ yu nde chalyuu; bi' cha' ntaja'a̱ yu ngua'a̱ yu lo crusi xqui'ya ñati̱ nu xñi cha' ji'i̱ yu ca tiya' la.

EFESIOS 5:33

Pana la cui' jua'a̱ nchcui' quityi bi' cuentya ji'i̱ lcaa cu'ma̱, cha' cua'ni tyaca'a cu'ma̱ ngu' qui'yu ma̱ ji'i̱ clyo'o ma̱ ñi'ya̱ nu ndu'ni tyaca'a ma̱ ji'i̱ ycui' ca ma̱. La cui' jua'a̱ nga'a̱ cha' cua'ni chi̱ ngu' cuna'a̱ ma̱ loo clyo'o ma̱.

COLOSENSES 3:20

Cu'ma̱ ngu' cuañi' ni, nga'a̱ cha' taquiya' ma̱ cña nu culo ngu' cusu' ji'i̱ ma̱, cha' tso'o tsa nti' nu Xu'na na lo'o ndu'ni ma̱ jua'a̱.

COLOSENSES 3:22

Cu'ma̱ ngu' msu nu ndyu'ni cña ji'i̱ ngu' laja ti, taquiya' ma̱ lcaa cña nu culo ñati̱ nu laca loo ji'i̱ ma̱ nde chalyuu. Si'i na cua'ni ti ma̱ jua'a̱ cha' tyanu tso'o cha' ji'i̱ ma̱ lo'o ngu' lo'o ndu̱ ti ngu' slo ma̱, cha' ndyi'ya ngu' cuentya ji'i̱ ma̱ si ndu'ni ma̱ cña; pana tyucui tyiquee ma̱ cua'ni ma̱ cña bi', xqui'ya cha' lcaa hora ndube ti' ma̱ ji'i̱ ycui' nu Xu'na na.

TITO 2:7

Xcui' tso'o ti cua'ni nu'u̱, cha' jua'a̱ ca tsa'a̱ nu ngu' cuañi' bi' lcaa cha' tso'o lo'o ña'a̱ ngu' cua ña'a̱ ca cha' nu ndyu'ni nu'u̱; lcaa cha' liñi culu'u tso'o nu'u̱ ji'i̱ ngu' bi', si'i cha' laja ti chcui' nu'u̱ lo'o ngu'.

TITO 2:9

Chcui' nu'u̱ lo'o ngu' nu laca msu nu ngüi'ya ñati̱ cha' taquiya' ngu' ji'i̱ lcaa cha' nu nchcui' xu'na ngu', cha' tso'o ti cua'ni ngu' lcaa cña ji'i̱ ngu', cha' ná xlyú ngu' cha' hichu̱' nu laca xu'na ngu'.